Ndongixi 12:4 - O Mikanda Ikola

⁴ anga o mabhitu aiadi a mbandu ia nzunga a di jika kiá, mukonda dia muxindu ua kuzuka ua sosoloka kiá, hé o mbimbi ia jinjila i zangumuka, o mázui oso a kuimbila anga a xalela bhoxi.

Ndongixi 12:4 ပူးပေါင်းရင်းမြစ်များ

II Samuuele 19:35

Leluʼidi ngala kiá mu makuinʼake a mivu, kifua ngi tena dingi kutungula kiauabha ni kiaiibha? Ki ngalʼiki, ngi mubhikʼé, ua fika kifua ngala kuívua dingi o kutouala kioso ki ngi dia mba kioso ki ngi nua? Kifua ngi tena dingi kuívua kiambote, o mázui ma jingimba ja mala ni jingimba ja ahatu? Ngi mubhikʼé, ngi di bhangela-hi ngó kimbamba kia ku ku nemena, kùku, ngana iami?

Jobe 41:14

Mabhitu ma dikanu diê nanhi u tena ku ma jikula? Mukonda uoma uala ku mazu mê ma kondoloka.

Izaía 47:2

Katula kinu u zuke o fuba; futumuna o mútue ué, katula jisabhatu ku inama, baka matabela u vuue jingiji.

Jelemiia 25:10

O nzongo ia kutonoka, ni nzongo ia kusanguluka ni nzongo ia mabhanga, ni kilungutu kia matadi a ku huhila ni mukengeji ua kandeia, nga-nda ku i fuisa-mu, mu kaxi kâ.

Dijingunuinu 18:22

O dízui dia axiki a jimbànza, ni akua mújika, ni axiki a jimbèndu, ni akua jikoloneta, momué nuka dingi a kà dʼívua-mu! Nuka dingi momué mu kala mesene ia ufunu uoso-uoso! Nuka évua-mu ue dingi o kulunguta kua matadi a kuhuhila!