Ndongixi 12:1 - O Mikanda Ikola

¹ Mu izuua ia unzangala ué, lembalala Ió uoso ua ku bhanga, kiosuʼiki o izuua iaiibha kiluua i bhixila, anga kuiza o mivu ia ku bhingi kuila, uixi: Mu mivu iii ki ngala-mu dingi ni kusanguluka.

Ndongixi 12:1 ပူးပေါင်းရင်းမြစ်များ

Dimatekenu 39:2

Jihova anga u kala ni Zuze, katé ioso ia bhanga ienda kiambote; anga u kala mʼonzo ia ngana iê mukua Ijito.

Dimatekenu 39:23

Kasalelu kala kusuua dingi ima ia bhakuila bhu makuʼa Zuze, mukonda Jihova uala-nê; o ima ioso ia bhanga, Jihova u i zediuisa, ienda kiambote.

II Samuuele 19:35

Leluʼidi ngala kiá mu makuinʼake a mivu, kifua ngi tena dingi kutungula kiauabha ni kiaiibha? Ki ngalʼiki, ngi mubhikʼé, ua fika kifua ngala kuívua dingi o kutouala kioso ki ngi dia mba kioso ki ngi nua? Kifua ngi tena dingi kuívua kiambote, o mázui ma jingimba ja mala ni jingimba ja ahatu? Ngi mubhikʼé, ngi di bhangela-hi ngó kimbamba kia ku ku nemena, kùku, ngana iami?

II Samuuele 19:36

Eme ngʼinda ngó ngi ku xinjikila mu zaúka Njolodá, ngi mubhikʼé, kùku, u ngi vutuilahi kisakidilu kia soko kala kiki?

I Jisobha 14:13

Anga Izalaiele ioso a ka mu dila thambi, hé a mu funda; mbata, kua Jelobouamu, iú muene ngó ua-ndu bokona mu mbila, mukonda monzo ia Jelobouamu muene ngó a mu sange-mu ni kima kiauabha kua Jihova, Nzambi ia Izalaiele.

I Jisobha 18:12

Hé ngiia ngi ta-ku dikunda, eie kunu Nzumbi ia Ngana ia kuambata anga i ku bheka kuma ki ngʼejiia-ku, o kioso ki ngi tudila Akabe njimbu, muene anga u kamba ku ku sanga, u ngi jibha. Nguami, kuma eme ngi mubhikʼé-phe, ngi mukua uoma ua Jihova tunde mu undenge uami.

Nehemiia 4:14

Eme-he ngixi suíin, o ki nga zubha kutonginina ioso, anga ngi balumuka, hé ngi tangela o jingana, ni afundixi, ni kifuxi kiamukuá; ngixi: Enu kana ku a kuata uoma; mu xinganeka ngó Ngana, muene Langala-ngongo, u kuata uoma, anga mu bhângela phange jenu, ni anʼenu, ni akajʼenu ni jinzo jenu.

Jobe 30:2

Nguzu ia maku mâ, iene ngi i bhanga kima kiahi? Ene nguzu ia unzangala momuʼâ ki iala-mu dingi, mukonda dia ku kuka.

Jisálamu 119:55

Dijina dié, u Jihova, ngi di xinganeka muene ni mu usuku, o ngonge ié nga i te ku muẋima.

Jisálamu 34:11

Zenu anandenge, mu ngʼivue; eme ngi mi longe o uoma ua Jihova.

Jisálamu 63:6

Kioso ki ngi ku ta muẋima, bhu hama iami bhu nga zeka ngi kala mu ku ku xinganeka, ki ngi tona mu ithangana ia usuku.

Jisálamu 90:10

Izuua ia mivu ietu makuinhi sambuadi, amoxi kia kala ni nguzu, a bhiẋilu bhu makuinhi nake; hanji-phe kujiza kuâ kua hadi ngó ni mukondo; ki i nange kubhita, kindala tu tuka!

Jisabhu 22:6

Longa mona-ndenge mu njila ioso ia tokala o kuendela; katé kieza mu ku kuka, ka xikina ku i xisa, lémbue.

Jisabhu 8:17

Nga zola oso a ngi zola, a di meneka mu ku ngi sota a ngi sanga muene.

Ndongixi 11:10

Kala kiki-phe, o njinda sondololaiu ku mu muẋima ué, o xitu ié ku iehele mu kubhanga kiaiibha, mukonda o undenge ni unzangala ue, kingoho kiene.

Ndongixi 11:2

Ioso i uala na-iu uana ni sambuadi, né hanji mu dinake dia muthu, uanenu, mukonda eie kuijiia se mu ngongo hádia ku pholo kua-nda kuiza hadi iahi.

Ndongixi 11:8

Maji se o muthu u kola muenhu, anga u laia mu ndumba dia mivu, o mu mivu ioso anga u kala ni kusanguluka, ua fuama ue kulembalala o izuua ia uíndua, kuma ia-nda ku kala ia nzungule. Mbata o ima ioso ku munduʼuku, i bhita, kuma ima ioso mu ngongo kingoho.

Izaía 26:8

Eie Jihova, tuala ku ku kingila katé ni mu jinjila ja matetuluilu mê; o ku ku tumbula dijina ni ku ku-inda, iene o vondadi ia miẋima ietu.

Kuditenda 3:27

Kima kiambote phala muthu o kutala hadi ni kànga ia Jihova mu thembu ia undenge.

Daniiele 1:17

O minzangala iuana ienhiʼii, Nzambi anga ua a bhana kuijiia ni kutongoloka mu mixinda ioso ia kusoneka ni mu unjimu; maji o Daniiele ua mu tela-ku o kilunji kia kutetulula isuma ni jinzoji.

Hozeia 7:9

Akuaʼxi jengi a mu di jinguzu jê, o muene-phe ka kiʼjiia; muene ue uedi kiá kukululu ni jimvi, maji muenephe ua lémbua ku ki ijiia ngó.

Luka 1:15

Mukonda muène u kala kota dia muthu bhu pholo ia Ngana, ka kà nua vinhu, mba kúnua kuoso-kuoso ku kodiuisa; hé uizala-phe ni Nzumbi Ikôla, tunde kiá mu divumu dia mamʼá.

Luka 18:16

Jezú-phe hé uixana ana ndenge bhu mbandu iê, uixi: Ambulenu ana-ndenge, eze ko-kuami! Kana ku a fudisa, mukonda o Utuminu ua Nzambi ua tokala oso a di fangana ni tuana tutu.

Efezo 6:4

Enu uenu mu jitata, kana kuthathamesa anʼ enu ni ku a kuatesa njinda. Maji mu a sasa ni ku a beta, ni ku a longa kioso kia tumu Ngana.

Matendelelu 8:18

Kana-phe! Inda mu lembalala jinga, kuma Jihova Nzambi ienu muene ua mi bhana o nguzu ia kumona o kuzediua kuosʼuku; ua ki bhangela-phe phala kuxikika o kikutu kia lokele ku jitata jenu kala ki kia di monekena leluʼidi.

II Timote 3:15

Mukonda eiemuène tundé undenge uejiia Mikanda Ikôla i tena ku ku ijidisa o kubhuluka, mu kuxikanʼoko kuene mua Kristu Jezú.

I Samuuele 1:28

Mukonda dia kiki, eme uami nga mu lumbila Jihova, katé bhuoso bhua kà suka o muenhu uê. Ukala muthu uangene ua Jihova, mukonda ko kuê kuene ku nga mu bhingi. Anga u bheza Nzambi bhenhobho.

I Samuuele 16:7

Jihova-phe u ambela Samuuele, uixi: Kana kutala o pholo iê, mba o kitala kiê kialebha, mukonda eme nga mu ditunu. Kuma Jihova kene kutala kala ki tala o muthu; mbata o muthu u tala kidifua kia kanga, Jihova-phe u tala ku muẋma.

I Samuuele 2:18

Samuuele anga u kala mu xibhidila bhu pholo ia Jihova, hanji monandenge muene, ua zuata efodi ia linhu.

I Samuuele 2:26

Mona Samuuele anga uia ni kukula, ni kuuabhela Jihova, ni kuuabhela ue athu.