Ndongixi 11:9 - O Mikanda Ikola

⁹ Eie, munzangala, di kenhe! Sanguluka mu unzangala ué, o muẋima ué u tulumbe mu izuua ia unzangala ué! O njila ja solo o muẋima ué, enda-ju muene, ni jojo ja ku uabhela ku mesu mé; maji ijiia-kiu-phe, kuila mu ima ioso ienhiʼii, muene hinu Nzambi muanda kua kà ku fundisila.

Ndongixi 11:9 ပူးပေါင်းရင်းမြစ်များ

Dimatekenu 3:6

O muhatu-phe kia mono kuma muẋi ua mbote phala kudia, ua uabha ue ku mesu, u bhekela vondadi mukonda dia kuijidisa, u kanza-ku kimbundu anga u dia, u bhana ue muadi ue, muene ue anga u dia.

Dimatekenu 6:2

Bhenhobho anʼa Nzambi a mala, a mona anʼa athu a ahatu, kuma auabha; anga a sakana ahatu oso a a uabhela-bhu.

I Jisobha 18:12

Hé ngiia ngi ta-ku dikunda, eie kunu Nzumbi ia Ngana ia kuambata anga i ku bheka kuma ki ngʼejiia-ku, o kioso ki ngi tudila Akabe njimbu, muene anga u kamba ku ku sanga, u ngi jibha. Nguami, kuma eme ngi mubhikʼé-phe, ngi mukua uoma ua Jihova tunde mu undenge uami.

I Jisobha 18:27

Anga ki bhita-phe kuila, Elija u kuata ku a bhanga kasekelu, uixi: Dikodienu muene ni mázui ma suína mbata muene nzambi; amoxi sai ni bhabha ua landuka ku maka, mba uala ni kima kia kubhanga, mba ua kane njila ioso-ioso, mba-phe ua zeka, phala a tone.

I Jisobha 22:15

Muene kia bhixila kua sobha, sobha u mu ambela, uixi: Kiebhi Mika, tuia mu kúlua ni Lamote dia Ngileiade, mba tuehetu kuia-ku? Muene u mu ambela uixi: Banda, ua-nda kua kà tolola; mukonda Lamote, Ngana ua kà i bhana bhu lukuaku lua sobha.

Jobe 31:7

Se mu uendelu uami nga bhambuka mu njila, se o muẋima uami ua mu kaiela (kua lungu o) mesu mami, mba ku maku mami kua naminina dibaka dioso-dioso.

Jisálamu 81:12

Eme ue kiene ki nga ehela, a kaiele o kuxibhaka kua muẋima uâ, aie kuoso kua a tumu o jivondadi jâ.

Ndongixi 12:1

Mu izuua ia unzangala ué, lembalala Ió uoso ua ku bhanga, kiosuʼiki o izuua iaiibha kiluua i bhixila, anga kuiza o mivu ia ku bhingi kuila, uixi: Mu mivu iii ki ngala-mu dingi ni kusanguluka.

Ndongixi 12:14

Mbata Nzambi hádia o ikalakalu ioso ua kà i bheka bhu kibhuna kia kufundisa, katé ni ioio iòsueke, kixi ia uabha mba ia iibha.

Ndongixi 2:10

Iene ioso iandalele o mesuʼami, ki nga a fudisa na-iu; o muẋima uami ki ngi u bhangesa kufula kusanguluka kuoso-kuoso; maji inda muẋima uami ua sanguluka jinga mu ikalakalu iami ioso, mukonda diene o dikânda diami, mu ikalakalu iami ioso i nga bhange kuludia-mundu kunu.

Ndongixi 3:12

Kí kia ngi tetulukila muene, kuila, kana-ku dingi kima kiengi kia fuama o muthu kubhanga kala o kusanguluka ni kubhanga mbote ku muenhu uê.

Ndongixi 3:17

Anga ngʼila ku muẋima uami, ngixi: Nzambi hinu ua kà fundisa ua iuka ni ua ibha; mukonda sai thembu ia ima ioso, kixi ixinganeku mba ikalakalu.

Ndongixi 6:9

Kota o kutala ngó mesu, kuindi o kuenda ni muẋima ua di zangeleka ni luímbi, kuma kienʼiki ue ukumbu ngó ni kukaiela kitembu.

Ndongixi 7:14

Mu izuua ia diláu, enda ni kúdia ku mbote i uala na-iu, o mu izuua ia uíndua-phe, ximbakata; kuma Nzambi muene ua bhange o mbote ni kuiibha, phala o muthu a lémbue kumona ioso ia-nda ku mu bhingana ku pholo.

Jelemiia 23:17

Thembu joso a kuata kuambela iá a ngi zembe eme, exi: Jihova uambe kiki: Kua mi xikamena paze; o uoso ua mu kuenda kioso kia mu tumu o muẋima uê a mu ambela, exi: Kʼilahize. Ki kuizé kima!

Jelemiia 7:24

Maji ene-phe kʼevu, mba a bheteka o matui mâ nʼevue, inda a kaiela jiphangu ja ene, kima kia kane muẋima uâ ua kudianguka; anga enda ni kuvutuka kuema, o kusuluka ku pholo nguâ.

Kuditenda 3:27

Kima kiambote phala muthu o kutala hadi ni kànga ia Jihova mu thembu ia undenge.

Dialuilu 15:30

Muthu uoso-phe u ta kituxi ku luelu, a kale mvàle, a kale nzuángiza, ua bhumina Jihova, muthu ua ku mu batula ku kifuẋi kiê.

Dialuilu 15:39

ki kale kusangunuka kua kuila ki mu tala-ku mu banza jinga o ijiia ioso ia Jihova, mu i kuata, ki mu kaiele dingi ki mi tuma o muxima uenu, mba ki mu mona ni mesu; kuma kiene ku ki kaiela kiala ku mi bhangesa undumbu.

Dialuilu 22:32

Anju ia Jihova anga u mu ambela, uixi: Bulu iê ua i betela-hi lutatu luosʼulu? Talesa, nga tundu mu ku ku fudisa, mukonda njila ié nga i mono ia kuxibhaka ku pholo iami.

Matesu 5:28

Eme-phe ngi mi ambela kuma: Uoso ngó u tonginina muhatu ni ku mu kuatela luimbi, uatenê kiá phànda ku muẋima uê.

Luka 12:19

Anga ngambela o muenhu uami, ngixi: Eie muenhu uami, ua zediua! Mukonda uala ni jimbongo javulu, jòbhake phala nzungule ia mivu. Nhohé kiá, u die, u nue, u sanguluke!

Jipoxolo 14:16

Nzambi muène mʼ okulu uehela akua-jixi joso kuenda kioso kia a tumu o miẋima iâ.

Jipoxolo 24:25

Maji kioso Phaulu kia kala mu kulombolola kioso ki kala o kuiuka, ki kala o kutolola jihanji, ki kala o kufundisa kua hádia, Fele ua teketa, iú ua kumbulula, uixi: Kindala ndeie hanji. Hinu ki ngi kala ni thembu, ngi ku ixana dingi.

Loma 14:10

Eie-phe uelêsela-hi phangʼ iê? Mba phangʼ iê, u mu tobhesela-hi? Kuma etu-ene-oso hádia tua kèmana bhu pholo ia Nzambi, phala Muène ku tu fundisa.

I Kolindo 4:5

Uila kiki, kana kuêlesa muthu kiluua a bhixila bhu thembu iê. Kingenu o kufundisa kua kà suka-ku kia kéza Ngana. Muène uà kʼela iosueke mua vundu u i bheka bhua zele, ni ixinganeku iala mu miẋima ia athu u i tukulula. Kiene muthu ni muthu kia ka tambula kua Nzambi o diximanu diê dioso dia mu tokala.

II Kolindo 5:10

Kuma etu ene oso tua bhingi hadia tu tukulukila bhu kibhuna kia Kristu phala ku tu fundisa kuala muène. Kala muthu phala a tambule kioso kia fuama mu imbamba ioso ia bhanga jinga ku mukutu, kixi iambote, kixi iaiibha.

Matendelelu 29:19

Ki bhu kale ue muthu o kievua maka ma mázui iá mʼònake mu divulu didi, anga ukuata ku di bhomba mu muxima ué, uixi; Ki kidié kima, né ngendʼami kala kia ngi tumu o muxima uami, hanji nga-ndu kalʼami muene ni kutululuka kua mbote; anga ku dinhota u bandekeza-ku uhólua.

Jihebeleu 9:27

Kala ue o athu kia a xindi kufua ngó lumoxi, o kia zubha o kufua, hé ku kala o ku a fundisa kuala Nzambi.

Josuué 7:21

kioso ki nga mono ku madibongela kapote ka Babilónha ka uabha kiavulu, ni hama jiiadi ja xikuli ja phalata, ni mutàdi ua ulu u pezala makuinhi atanu a xikulu, luimbi lua ngi kuata, eme nga i katula iene ioso nga i kandeia bhoxi, eme nga i sueka mu balaka iami, ni kitadi kiene-ze kí bhobho.

II Phetele 3:7

O maulu kiki ala-ku, ni oxi-phe, mu kizuelu kiene kimoxi kia Nzambi, ia xikamena tubhia. A i bhake katé bhu Kizuua kia Kufundisa, kia kubuikisa athu abhumu.