Ndongixi 11:8 - O Mikanda Ikola

⁸ Maji se o muthu u kola muenhu, anga u laia mu ndumba dia mivu, o mu mivu ioso anga u kala ni kusanguluka, ua fuama ue kulembalala o izuua ia uíndua, kuma ia-nda ku kala ia nzungule. Mbata o ima ioso ku munduʼuku, i bhita, kuma ima ioso mu ngongo kingoho.

Ndongixi 11:8 ပူးပေါင်းရင်းမြစ်များ

Jobe 10:21

Kiosuʼiki kiluua ngiia bhu kididi bhua bhingi kuila ki nga kà tena dingi kuvutuka; ku ixi ia kitombe ni kizenji kia kalunga.

Jobe 10:22

Ixi ia vundu kinéne kala kikala o kuvunda kuene; ixi ia kuvunda kuònene ni usuku uedi bui, ixi ia kizenji kia kalunga ni kavuanza; mua bhingi o mukengeji uene ua sokuʼé ngó ni kitombe kia mujijima.

Jobe 14:10

Maji-phe, muthu ki a fua, anga u diua kiá muene … xi! muthu kuila ua tula muenhu, abha-phe u kala dingi kuebhi?

Jobe 14:12

kiene ue, o muthu kia zeka mu kúfua, ka balumuka dingi; kioso hanji o diulu ki di bhu-ku luua, muene ka kà tona, mba u fundumuka ku kilu kiê kia kalunga.

Jobe 15:23

Uenda ni kututumba mu kusota kia kúdia, ni kuila, uixi: Kudia kuala kuebhi? Uejiia muene kiambote kuila kizuua kiê kia kuvunda kia mu zukama muene bhu mbanduʼa lukuaku.

Jobe 18:18

Mu mukengeji a mu katula-mu nʼa mu takuila mu kitombe, ku mundu a kà mu kaia-ku.

Jisálamu 49:20

Muthu ku kijîngo kene kunanga; ua soko ni ibhaku i bhanga ngó tuizuua.

Ndongixi 11:2

Ioso i uala na-iu uana ni sambuadi, né hanji mu dinake dia muthu, uanenu, mukonda eie kuijiia se mu ngongo hádia ku pholo kua-nda kuiza hadi iahi.

Ndongixi 2:15

Anga ngi kiʼamba mu muẋima uami, ngixi: Kioso ki bhita na-kiu o kiôua, kiene ue kiʼanda kua kà bhita nʼeme; abha-phe eme nga sotelaʼhi ngó kuijiia kuosuʼku? Anga ngi kiʼamba muene mu muẋima uami ngixi, o kiki ue manhi ukumbu ngoho.

Ndongixi 2:17

Anga o muenhu iú u ngi iibhila, mukonda o ikalakalu ioso ku mundu i bheka ngó malamba! Kidi muene. Ioso muene kulu-diamundu kingoho ni ʼlamba dia muẋima!

Ndongixi 2:19

Kuma nanhi ua kʼijiia se u kala njimu mba u kala kiôua kia hatu? Maji-phe o muenhú muene-muène ua kà i lundula, ia kà kituka iê-muène, o ima ioso i nga kalakala ni unjimu uoso kulu-dia-mundu; kiki ue kingoho muene.

Ndongixi 2:26

Kuma o muthu ua iuka, Nzambi u mu bhana o unjimu ni kuijiia, hé u mu tela-ku o kusanguluka; maji o mukua ituxi-phe, Nzambi u mu bhana kukalakala mbé a bhongolole, a lunjijiké ima ia-nda kubhana kua ió a muindi kuala Jihova. Maji kienhiki ue ukumbu ngoho ni ʼlamba dia muẋima.

Ndongixi 4:16

O mundu uê ua kexile mu kutumina, ki u xikina ku u tanga; o ió ue, hádia a kʼèza-ku, ka kà tena kusanguluka ni muene. Kuma ue, ni kidi kiene, iene iosuʼiii kingoho ni lamba ngó dia muẋima.

Ndongixi 4:8

Kuala muthu uala ngó ubhekèlele uê, kala dingi ni mukuá iadi, kidi muene, ka moneka mona mba ngó phange ia muhatu; maji muenhú, kia kuata o kukalakala, ka zumbuka, mba mesuʼê a mu suka mu kutala o jimbongo; mba ngó uila, uixi: Ki ngalʼiki, nga mu kalakalela nanhi, eme nga fulu o kubhana muenhu uami o jimbote joso ja u tokala? Kuma kienhiki ue kingoho ni nduezu mu kukalakala.

Ndongixi 6:11

Kia kidi kiene, kuma o ima ue ia vulu i vudisa o ukumbu ku muthu, maji-phe o muthu ku ima iii u katula-ku ihi kia beta o kuuabha?

Ndongixi 6:6

Kuma né Kulu-dia-Mundu ua bhange-ku midi ia mivu mu luiadi lua muvimba, maji ua lémbua o kukemba ni mbote iê mba kudia-ku, manhi ene oso, kanda kuia kididi kimoxi?

Ndongixi 7:14

Mu izuua ia diláu, enda ni kúdia ku mbote i uala na-iu, o mu izuua ia uíndua-phe, ximbakata; kuma Nzambi muene ua bhange o mbote ni kuiibha, phala o muthu a lémbue kumona ioso ia-nda ku mu bhingana ku pholo.

Ndongixi 8:12

O mukua ituxi némbe o kuiibha u ku bhanga mu luhama, anga o izuua iê i vula muene, hanji kima kimoxi ki ngejiia mu kidi, kuila ió oso a xila Nzambi ene a zediua, oso muene kiá a kala ni uoma bhu pholo iê.

Ndongixi 8:15

Anga o kusanguluka ngi ku tula ditala dia di leka, mukonda kulu-dia-mundu kana-ku kima kia beta o kuiuka phala o muthu, kala o kúdia ni kúnua ni kutumbujuka ni ngalasa; mukonda ima ienhiʼii i mu kaiela mu ikalakalu iê ioso, mu izuua ioso ia muenhu uê, ia mu bhana Nzambi bhoxiʼaʼkumbi.

Ndongixi 9:7

Kala kiki-phe, ndé kà die o kúdia kué ni kusanguluka, o vinhu ié nuá-iu muene ni muẋima ua mbote, kuma ikalakalu ié Nzambi ia mu uabhela.

Jelemiia 13:16

Jingisenu Jihova, Nzambi ienu, kiosuʼiki kitombe ki kieza luua, kiosuʼ ʼiki ue o inama ienu kiluua i di bhukajana ku milundu ia vundu, ni usuku uila bui; mu kuila enu mua kingile mukengeji, muene hé u u bilula kizenji kia kalunga, anga u bheka-ku kitombe.

Jouele 2:2

Kizuua kia kuvunda, kizuua kia dilamba; kizuua kia ifuke ni kitombe kiedi ni kiene bui, mukuâ ni mukengeji ua kimene ki u di muangena ku milundu, kiene ue ki di sanha o kifuẋi kia mundu ua dikota kia nguzu, kia bhingi kuila tundé ku xahulu kiluua ki kala-ku, o ku pholo ue, ku mivu ia-nda kuiza-ku, ki kià kala-ku dingi, kutunda muiji kuiza muiji.

Matesu 22:13

Sobha anga uambela jiselevende jê, uixi: Mu kutienu o maku ni inama, mu mu texi ku kanga, kua vunduʼoko; kuene kuà kala o kudila ni ku di kokota ku mazu.

Nzuá 12:35

Jezú ua ambela, uixi: Kithangana Kiofele kiki, hanji muala ni mukengeji, mu ʼaxaxe kenu. Endenu kiá kioso ki muala ni mukengeji; mienhu ienu i lunge muenhomo, phala o usuku ki u mi kuate. Kuma uoso uenda mʼ usuku, kejiia kuoso ku a lunga.

Matendelelu 32:29

Tamanu atetulukile! anga a tongolola, eji kuijiia o dizubhilu diâ!

Juda 1:18

Ene a mi ambela, exi: Mu izuua i sukidilà-ku, hinu kua kà kala jisemenhi jenda ni ku mi bhanga kasekelu, athu enda kioso kia a tumu jihânji jâ ja kubhuma.