Ndongixi 11:6 - O Mikanda Ikola

⁶ Kuna mbutu ié mu kimene, o ku kiemba ue, ʼkuaku lué kí lu nhohe, mukonda eie kuijiia se mbutu iebhi ku ua-nda kuzediuila; hé iii, mba ioio, mba mbutu joso hádia ji iukila bhua moxi.

Ndongixi 11:6 ပူးပေါင်းရင်းမြစ်များ

Ndongixi 11:7

Kidi kiene, o mukengeji ua uabha, ni ue, kia di uabhela muene ku mesu o kutala dikumbi.

Ndongixi 9:1

Ima ioso ienhiʼii nga i lungujula kiavulu ni muẋima uami, phala i ngi tongolokele muene kiambote: Kuila o athu a iuka ni jinjimu, o ikalakalu iâ iala bhu maku a Nzambi; ni kuila ue o muthu kejiia ioso iala ku mu kinga, mba ukamba mba unguma, manhí. Ima iene ioso ia hádia a mu suekela-iu ku mesu mê.

Ndongixi 9:10

Kioso kia kuiza bhu maku phala ku ki bhanga, bhanga-kiu muene katé bhuoso bhua suku o nguzu ié, mukonda o mu mbila mu ua-nda kuia, kana-mu dingi kikalakalu, mba ufunu, mba uhete, mba kuijiia kuoso-kuoso.

Izaía 55:10

Kala kisonoka o mvula bhoxi, ni neve kioso ki ia laúka ku diulu, ki i tena kuvutukila-ku dingi, kale itekela oxi, anga i bhekesa kuima, isabhukisa, hé i bhana o mbutu ku kidimakaji ua kunu, ni mbolo kua ió udia,

Hozeia 10:12

Kunenu jimbutu jenu ja kuiuka phala mu bhongolole ja henda; bakenu mavu enu a maxinde, kuma thembu iii ia kusota Ngana, katé muene kieza, nʼa mi nokene ima ia kuiuka kala mvula.

II Kolindo 9:6

Lembalalenu kuila: Uoso u kuua bhuʼofele, u muna ue bhuʼofele; uoso u kuua nzungule, u muna ue kia nzungule.

II Timote 4:2

Enda ni kutanga o maka; sakalala mu ku a jimbula bhu kala kithangana, ni mú kamba kithangana. A tolole miẋima, a bazele, a longese, ni kuxididika kuoso ni kulombolola.