Ndongixi 10:13 - O Mikanda Ikola

¹³ Kuma o kiôua ni maka ma dikanu diê, kioso kiandeka ngó o ku a zuela, a di monekena kuila uôua uene, o dikanu diê ku di zubhila di zuela kujuuala muene kua ibha kinéne.

Ndongixi 10:13 ပူးပေါင်းရင်းမြစ်များ

II Samuuele 19:41

Mundu uoso ua Izalaiele anga a tukuluka bhenhobho bhu pholo ia muenexi, a mbela muenexi, exi: Phalahi akuetu, o phange jetu ja akua Juda, a ku nhana eie u muenexi ni mbèle ié ia a ku zaukisa Njolodá, ni mala oso a Davidi kumoxi?

II Jisobha 6:27

Muene-phe u muʼambela, uixi: Se Jihova u kamba ku ku bânda, eme nganda ku ku bandela bhebhi? Bhu kienda kia kuvundila o jimbutu, inga bhu dizanga dia kukamena o vinhu?

II Jisobha 6:31

Hé uila, uixi: Nzambi a ngi bhange kienʼiki mu luiadi, se lelu mútue ua Ilizeu, monʼa Safate, u subhuka ku thandu diê.

Jisabhu 13:16

Muthu uadimuka, o ima ia bhanga u i endesa kiambote; maji o Semenhi-phe, uaneka o usemenhi uê.

Jisabhu 29:9

Muthu uejiia, kia di kuata ni iú kʼejiia kima, kixi u di vunza mba uolela, ió kunhoha ka ku mono.

Ndongixi 10:14

Né-mbe o kiôua u vudisa ndumba dia maka, muthu-phe kʼejiia kioso kia-nda ku mu bhita; nanhi ua kà mu tangela phala ku muʼijidisa o ima ioso ia-nda ku mu bhingana kuila muene ua bhiti kiá?

Ndongixi 5:2

O dikanu dié ki di zuela lusolo, mba o muẋima ué u lenguluka kutanga kizuelu kioso-kioso kua Nzambi; mbata Nzambi iú mu diulu, eiʼeie bhoxi; kienhiki, o kioso ki u zuela, maka mé u a fikisa.

Ndongixi 7:25

Anga ngi lunguluka dingi, hé ngi sola ni muẋima uami o kuijiia, ni kutongolola, ni kusota o unjimu, ni kilunji, ni kuijiia o kudianguka kua kubhanga ia iibha, ni ulaji ua kutulumba, eme nga mono kuila o kubhanga kiaiibha ulaji uene, o kubela uôua.

Matesu 2:16

Kiki Helode, kia mono kuila jinganga ja mu tobhesa, njinda i mu vula kinéne, anga u katula, u tuma kujibhisa mu Beleme ni mabhata mê moso, o tuana tuoso tua mala tua kuata kiá mivu iiadi, ni ndenge jâ. Kífua ua fikisa mu thembu ia diangele kuibhudisa kiambote o jinganga.

Luka 11:38

Falizeu-phe ua mu diuana kia mu mono kuila ka dianga hanji ku di sukula.

Luka 6:11

Ene-phe ezala ni njinda, anga a kala mu ku di longesa kioso kia bhanga Jezú.

Luka 6:2

Jifalizeu jimoxi anga ji zuela, exi: Mukonda diahi mu bhanga kima kiòjidike o ku ki bhanga mu kizuua kia Sábhalu?

Nzuá 12:10

Makota ma jinganga anga ma ta kikutu ue kia kujibha Lázalu.

Afundixi 14:15

Kutula mu kizúua kia mukuá, ambela muhatuʼa Sansau, exi: Muadi uê mu bhombe a ku lomboluele nongonongo iê; o ki u kamba ku ki bhanga, ni eie muene ni dibhata dioso dia tatʼenu, tu di ta mu túbhia. Kifua kiene manhi ki mua tu ixanena-bhu, phala ku tu tambula o izuatu ietu, kuambe?