Ndongixi 10:12 - O Mikanda Ikola

¹² O njimu, ku maka a tunda mu dikanu diê, kuala kubhanduluka, maji o kiôua mizumbu iê iene i mu dia.

Ndongixi 10:12 ပူးပေါင်းရင်းမြစ်များ

II Samuuele 1:16

Davidi anga u mu ambela, uixi: Manhinga mé ma kale ku thandu dia mútue ué eʼmuene, kuma dikanu dié muene diene dia ku bhela umbangi ua kuêla, uixi: Eme-muène nga jibha muthu a mu undu kuala Jihova ku ungana.

Jobe 16:5

Eme-phe, bhu kididi kia ku mi bhanga kiókio, ngeju ku mi suinisa ni dikanu diami, o mu ku mi konda malamba ni mizumbu iami, ngeje kusosolola o misusu ienu.

Jisálamu 140:9

Ku mítue iâ ió oso a ngi kondo mu jimbandu, ku tule o phulu ioso iala ku mizumbu iâ.

Jisálamu 37:30

Dikanu dia muthu uaiuka di zuela uhete, maka ma kutetuluka ma mu kala bhu dimi.

Jisálamu 64:8

Hinu-phe u a mona kia di bhukana, kuma o dimi diâ ene dia kà a bheka mu kusekala; oso a kà ki mona ni mesu, a kà lenga.

Jisabhu 10:10

Mukua kubhalula ni mesu, u bhekesa jindolo ku muẋima; maji o mukua utalelu ua iuka, u bhekesa kudisanza.

Jisabhu 10:8

O muthu ua dimukina ku muẋima, u tambula ijila; maji o kiôua kiatu mu kanu, ua-nda kudibhala mukonda dia dikanu diê.

Jisabhu 12:18

Sai athu, uzuelela uâ u toma ku miẋima kala jiphondo ja xibhata; dimi-phe dia jihete ja kuzuela, di bheka kudisanza.

Jisabhu 15:2

O dimi dia jíngambi ja kuijiia, di uabhesa o unjimu; maji o dikanu-phe dia maioua, di lundulula ngó uoua mu uoua.

Jisabhu 15:23

Muthu kuijiia kuvutula kizuelu kiambote ni dikanu diê, ki mu sanguluisa; kuma o kizuelu kiene mu touala bhu thembu iê!

Jisabhu 19:5

Mbangi ia makutu, katena ku di zula mu mulonga; o u tanga o makutu, ka tena kubhuluka.

Jisabhu 22:11

Uoso u uabhela kuzela muẋima, anga u kala ni kuzuela kua kilendu, katé ni sobha muene u kala kamba diê.

Jisabhu 26:9

Sabhu ikala mu kanu dia maiôua, idifua ni muinha u bokona bhu dikànda dia lukuaku lua hôlua.

Jisabhu 31:26

Kia jikula dikanu, u zuela ni uhete; o dimi diê, diejidila kulenduka.

Ndongixi 12:11

O maka ma jinjimu ela kala jisongo, mukua ni jiphèleku jʼòbatele kiambote kuala o jimesene ja tu bhana kuala Ió uene o Kabhila ketu kamoxièlele.

Ndongixi 4:5

O kiôua-phe u di-koteka kiá o maku mê, anga u dia o xitu ié-muène, ni kuila, uixi:

Ndongixi 5:2

O dikanu dié ki di zuela lusolo, mba o muẋima ué u lenguluka kutanga kizuelu kioso-kioso kua Nzambi; mbata Nzambi iú mu diulu, eiʼeie bhoxi; kienhiki, o kioso ki u zuela, maka mé u a fikisa.

Ndongixi 5:6

Dikanu dié ku di ehele ni di bhangesa mukutu ué ku ta kituxi, mba uamba bhu pholo ia anju, uixi: Kuku kutondala; Kuma phalaʼhi u thathamesa Ngana Nzambi, mukonda dia dizuí diéeie, anga ki mu bhekela o kusengulula o kikalakalu kia maku mé-eie?

Ndongixi 9:17

O maka ma jinjimu-ze a fuama kua evua ni kilunji kia batama, kana o mikolekole ia muthu uala mu kutumina o maiôua.

Matesu 12:35

Muthu uambote, ku dilundilu diê diambote, u tubhula ima iambote. Muthu uaiibha, ku dilundilu diê diaiibha, u tubhula ima iaiibha.

Luka 19:22

Ngana iê uixi: U mubhika ua bhukumuka! Ngi ku belesela mu kanu dié muene. Eie ua ngʼijiia ngi muthu ua tèma, ngi katula ku akuetu o kima ki kia ngi tokala, ngi kanza idima bhuma ki nga kunine-bhu.

Luka 4:22

Ene oso anga a kala mu ku mu tumbula kiambote, a diuana maka ma uabha ma-la kutunda ku dikanu diê, exi: Manhi ki muenhú monʼa Zuze?

Efezo 4:29

Ki mu tunde ndaka iabolo mu kanu dienu. Maji o kuzuela kuenu ku kale kua kukuatekesa akuenu kukula mu kuxikana ni a mone kioso kia bhindamena, phala kuzuela kuenu ku bhange mbote kua oso evua.

Kolose 4:6

O kuzuela kuenu ku kale kua ujitu, kuotoue ni môngua, phala uoso ua mʼibhula, mu ijiie ku mu vutuila kiambote ni ujitu.