Ndongixi 1:3 - O Mikanda Ikola

³ O muthu u bhanduluka-ku ihi ku kikalakalu kiê kioso kia mu bhanga ni hadi kulu dia mundʼuku?

Ndongixi 1:3 ပူးပေါင်းရင်းမြစ်များ

Ndongixi 2:11

Anga ngi bhetuka o mesu mu kutala ima ioso ia kalakala o maku mami, ni kikalakalu kioso ue ki nga bhange kia tundu mu kukalakala kuami, o ki nga iede sui, mu nga bhiti ni dibhuilu diê, nga i mono kuila ioso ku mundu mbé ukumbu ngó ni ʼlamba dia muẋima, kuma ioso bhoxiʼabha ki iala ni kubhanduluka kua kima.

Ndongixi 2:18

Anga o ikalakalu iami ioso i nga bhange kulu-dia-mundu i ngi iibhila mukonda dia uxilu u nga-nda ku i xila o muthu uoso hádia ua-nda ku ngi bhingana.

Ndongixi 2:19

Kuma nanhi ua kʼijiia se u kala njimu mba u kala kiôua kia hatu? Maji-phe o muenhú muene-muène ua kà i lundula, ia kà kituka iê-muène, o ima ioso i nga kalakala ni unjimu uoso kulu-dia-mundu; kiki ue kingoho muene.

Ndongixi 2:22

Mbata kima kiahi kiene, muthu kia kala na-kiu dingi ku kikalakalu kiê, kioso kia bhanga kulu dia mundu kunu, ni ku di-buila-buila ngó o muẋima mu ima ioso ia mu kuenda ni kubhanga leluʼidi?

Ndongixi 3:9

O mukalakadi-phe u katula-ku ihi ku kiókio kiene mu kukalakala?

Ndongixi 4:3

Maji o ua beta hanji o kulúnga bhu kaẋiʼabha, ió uoso kiluua ngó a mu vuala; mukonda o kuiibha kuoso kua mu bhanga o athu kulu-dia-mundu kunu, muene ka ku mono luua.

Ndongixi 4:7

Anga ngi lunguluka lua mukuá, mu kutala nga mono ukumbu kala iú, kulu dia mundu:

Ndongixi 5:16

Kienhiki ue kima kia ibha kiavulu muene, ki katesa ku muẋima, kuila o muthu kioso kiezʼê, hádia ue kiene muene kia kà vutukʼê; o ku kalakalela-phe ngó o kitembu, kua kalakala, kia mu bhandululaʼhi?

Ndongixi 5:18

Kima-phe kia mbote ki nga mono o kuiuka, kienhiki: O muthu kúdia ni kúnua ni kukemba ni mbote joso ji tunda mu kikalakalu kiê kioso kia talela hadi kulu dia mundu, mbote joso muene ku ji-dia mu imoxi imoxi, izuua ioso ia muenhu uê, ia mu bhana Nzambi iê; kuma iene o mbandu iê ia mu tokala ia mu xinda Nzambi, diene o dikânda diê ku muenhu iú.

Ndongixi 6:12

Mbata nanhi uejiia o kima kiambote ku muenhu iú, phala o muthu, mu izuua iê ioso ia ukumbu uê, ia bhingi kuila u i zubha mukuâ ni kilembeketa? Mbata o muthu kiela ua bhiti kiá, nanhi dingi ua kà mu tangela ima ianda kua kèza-ku Kulu-dia-Mundu?

Ndongixi 7:11

O kuijiia kua soko ni undundu mu kuuabha; oso ala ni muenhu, a-lu mona o dikumbi, a katula-ku muene kima.

Ndongixi 9:13

Nga mono ue ku mundu kiuila, o kuijiia kima kia dikota.

Ndongixi 9:3

Kienhiki kiene o kima kia iibha ku ima ioso iene mu ku bhanga Kulu-dia-Mundu; kuila athu oso ima i a bhita kumoxi; kuila ue o muẋima ua anʼathu uezala ufusa; o ku muẋima uâ ni ku muenhu uâ kuala ngó kutulumba ni kubhanga kiaiibha, hádia hé aia kiua muʼalunga.

Ndongixi 9:6

Katé ue ni henda iâ, ni kizembu kiâ, ni luimbi luâ, ima ioso ienhiʼii ia kexe na-iu ia jimbila ue kiá; o ku mivu iii ene kala-ku dingi ni mbandu iâ ku ima ioso i bhanga athu Kulu-dia-Mundu.

Izaía 55:2

Kitadi kienu mua mu ki zangela-hi ku ima ia ngoho ki kúdia? O ima i tunda mu ikalakalu ia maku menu anga mu i zangela ngoho mu ioio ki i tena kuikutisa? Kuatenu kilunji mu ngʼivue, nda mu die kiauabha, o muenhu uenu u tane ni ima ianete.

Habakuke 2:13

Abha, ki kiejila kua Jihova dia Ifuẋi, kia kuila o mundu ukalakala ngó phala túbhia, o ifuẋi iʼathu na iokojoke mu kingoho?

Habakuke 2:18

O kiteka-phe kiósonge kualʼo hete ia kusonga, kia sedivilaʼhi? O kiteka kia kuzunza ue, ki longa o makutu, kia sedivilaʼhi phala o ua ki bhange a dielele o kikakalalu kiê, na kuate kubhanga ima ki itena kuzuela?

Matesu 16:26

Muthu u bhanduluka-hi, se ua nganhala ngongo ioso, nʼa te-mu o muenhu uê? Inga muthu u bhanahi mu ta uenji ua muenhu uê?

Nzuá 6:27

Kana kukalakela o kúdia ku bola, kota o kukalakela kúdia ku nanga katé ku muenhu ki uábhua. Monʼ a Muthu u mi bhana na-ku, mukonda Nzambi Tata ua mu te kidimbu kiê.

I Kolindo 16:16

endenu ni ku a kaiela mu im ioso ia longa, kumoxi ni akuá oso a mu a kuatekesa mu kikalakalu kioso kia mu bhanga.