Ndongixi 1:2 - O Mikanda Ikola

² Kingoho mu kingoho! Mulongixi, uixi: Kingoho mu kingoho! Ioso muene ukumbu ngoho!

Ndongixi 1:2 ပူးပေါင်းရင်းမြစ်များ

Jobe 11:12

Maji muthu ua ngoho ka moneka kilunji; kiene muene, muthu a mu vualʼé ngó kala kamona ka mukete ku mukáu.

Jisálamu 144:4

Kuma muthu muha, mukuâ ni kima kia ngoho; izuua iê i bhita kala kinzúnzumbia.

Jisálamu 89:47

Xinganeka o thembu iami, kuma ki i nange kúbhua; Eie, kífua anʼa athu ua a bhangela o kuseluka ngoho?

Ndongixi 11:10

Kala kiki-phe, o njinda sondololaiu ku mu muẋima ué, o xitu ié ku iehele mu kubhanga kiaiibha, mukonda o undenge ni unzangala ue, kingoho kiene.

Ndongixi 11:8

Maji se o muthu u kola muenhu, anga u laia mu ndumba dia mivu, o mu mivu ioso anga u kala ni kusanguluka, ua fuama ue kulembalala o izuua ia uíndua, kuma ia-nda ku kala ia nzungule. Mbata o ima ioso ku munduʼuku, i bhita, kuma ima ioso mu ngongo kingoho.

Ndongixi 12:8

Ukumbu mu ukumbu, ioso muene ukumbu ngó!—Kiene kia tange Mulongixi.

Ndongixi 2:11

Anga ngi bhetuka o mesu mu kutala ima ioso ia kalakala o maku mami, ni kikalakalu kioso ue ki nga bhange kia tundu mu kukalakala kuami, o ki nga iede sui, mu nga bhiti ni dibhuilu diê, nga i mono kuila ioso ku mundu mbé ukumbu ngó ni ʼlamba dia muẋima, kuma ioso bhoxiʼabha ki iala ni kubhanduluka kua kima.

Ndongixi 2:15

Anga ngi kiʼamba mu muẋima uami, ngixi: Kioso ki bhita na-kiu o kiôua, kiene ue kiʼanda kua kà bhita nʼeme; abha-phe eme nga sotelaʼhi ngó kuijiia kuosuʼku? Anga ngi kiʼamba muene mu muẋima uami ngixi, o kiki ue manhi ukumbu ngoho.

Ndongixi 2:17

Anga o muenhu iú u ngi iibhila, mukonda o ikalakalu ioso ku mundu i bheka ngó malamba! Kidi muene. Ioso muene kulu-diamundu kingoho ni ʼlamba dia muẋima!

Ndongixi 2:19

Kuma nanhi ua kʼijiia se u kala njimu mba u kala kiôua kia hatu? Maji-phe o muenhú muene-muène ua kà i lundula, ia kà kituka iê-muène, o ima ioso i nga kalakala ni unjimu uoso kulu-dia-mundu; kiki ue kingoho muene.

Ndongixi 2:21

Kuma sai muthu o kikalakalu kiê u ki bhanga ni unjimu uoso ni kuijiia kuoso ni uhete ua maku a sakalala, maji, o mungu, u ki xilé ngó muthu uengi ka kalakala-ku; ki kituka dikânda diê-muène kiá. Kidi muene. Kiki ue ukumbu ngoho ni nzungule ia dibhuilu!

Ndongixi 2:23

Kuma o izuua iê ioso ia jindolo ngó, o ibhangelu iê ia malamba muene; katé ni mu usuku o muẋima ua muthu ki u nhoha. Èlé! kiki ue ukumbu ngoho!

Ndongixi 2:26

Kuma o muthu ua iuka, Nzambi u mu bhana o unjimu ni kuijiia, hé u mu tela-ku o kusanguluka; maji o mukua ituxi-phe, Nzambi u mu bhana kukalakala mbé a bhongolole, a lunjijiké ima ia-nda kubhana kua ió a muindi kuala Jihova. Maji kienhiki ue ukumbu ngoho ni ʼlamba dia muẋima.

Ndongixi 2:8

O phalata ni ulu anga ngi i bhaka ku maxita-maxita, ni makembu oso a jisobha ni ma akua jixi; nga dʼizalesa ue ni jingimba ni mala ni ahatu, ni ima ioso ia uabhela anʼathu kulu-dia-mundu; ndumba ia mala ni ahatu, ni ima ioso kiá ia kuxikila o mimbu ue.

Ndongixi 3:19

Mukonda kioso ki bhita ku anʼathu, kiene ue ki bhitʼé ku iama; ima ioso i bhita kiòmuene kua ene oso; o ki fua iú, kiene ue ki fué ió; ene oso o muenhu uene umoxi. Ukota ua muthu-phe ku iama ki u moneka; kuma ene oso muene kingoho.

Ndongixi 4:16

O mundu uê ua kexile mu kutumina, ki u xikina ku u tanga; o ió ue, hádia a kʼèza-ku, ka kà tena kusanguluka ni muene. Kuma ue, ni kidi kiene, iene iosuʼiii kingoho ni lamba ngó dia muẋima.

Ndongixi 4:4

Inda nga mono ue kuma o kukalakala kuoso ni kusakalala o maku mu ibhangelu, kuene ku bhekela ku muthu o luimbi lua mukuá uoso a zukama-nê. Kuma kienhiki ue kingoho ni lamba dia muẋima.

Ndongixi 4:8

Kuala muthu uala ngó ubhekèlele uê, kala dingi ni mukuá iadi, kidi muene, ka moneka mona mba ngó phange ia muhatu; maji muenhú, kia kuata o kukalakala, ka zumbuka, mba mesuʼê a mu suka mu kutala o jimbongo; mba ngó uila, uixi: Ki ngalʼiki, nga mu kalakalela nanhi, eme nga fulu o kubhana muenhu uami o jimbote joso ja u tokala? Kuma kienhiki ue kingoho ni nduezu mu kukalakala.

Ndongixi 5:10

Uoso u zola o kitadi, o kitadi ki mungu ki mu kuma dingi. O uoso u uabhela jinzungule, ki mungu dingi a ibhila kadienge, kuma kienhiki ue ukumbu ngoho.

Ndongixi 6:11

Kia kidi kiene, kuma o ima ue ia vulu i vudisa o ukumbu ku muthu, maji-phe o muthu ku ima iii u katula-ku ihi kia beta o kuuabha?

Loma 8:20

Kuma o ibhangelu ioso ia buakuluka, kana mu vondadi iê, maji mukonda Nzambi muene ua ki bhangesa. Maji hanji-phe ia dielela.