Ndongixi 1:17 - O Mikanda Ikola

¹⁷ Anga ngiia, ngixi: O muẋima uami ngi u te hanji mu kutongolola o unjimu ni kuijiia kiambote o Ulaji ni Uôua; o ki nga iedi sui, nga tetuluka, ngixi: Mbé iene iosuʼiii ue dilamba ngó ku muenhu.

Ndongixi 1:17 ပူးပေါင်းရင်းမြစ်များ

Jisálamu 73:16

Anga ngi kala mu banza-phe, mba makʼama ma tokala kiebhi, phata ia ngi kuata, kia ngi tatesa muene kiavulu!

Ndongixi 12:8

Ukumbu mu ukumbu, ioso muene ukumbu ngó!—Kiene kia tange Mulongixi.

Ndongixi 2:17

Anga o muenhu iú u ngi iibhila, mukonda o ikalakalu ioso ku mundu i bheka ngó malamba! Kidi muene. Ioso muene kulu-diamundu kingoho ni ʼlamba dia muẋima!

Ndongixi 2:3

Nga kenga mu muẋima uami kioso ki ngi di-ta mu kúnua vinhu, (maji ni kutumina o muẋima uami ni kilunji), ni kiki kioso ki ngi di-bhakula ku ulaji katé ki ngi mona kioso kia fuama anʼathu kubhanga kulu-dia-mundu, mu kithangana kioso kia izuua iâ ia butuʼiii ia muenhu uâ.

Ndongixi 3:19

Mukonda kioso ki bhita ku anʼathu, kiene ue ki bhitʼé ku iama; ima ioso i bhita kiòmuene kua ene oso; o ki fua iú, kiene ue ki fué ió; ene oso o muenhu uene umoxi. Ukota ua muthu-phe ku iama ki u moneka; kuma ene oso muene kingoho.

Ndongixi 4:4

Inda nga mono ue kuma o kukalakala kuoso ni kusakalala o maku mu ibhangelu, kuene ku bhekela ku muthu o luimbi lua mukuá uoso a zukama-nê. Kuma kienhiki ue kingoho ni lamba dia muẋima.

Ndongixi 4:6

Kota o lukuaku luezala ni kutululuka ni kunhoha, kuindi o maku ene kiiadi kiâ ezala ni ndumba dia ikalakalu ni dilamba dia muenhu.

Ndongixi 6:9

Kota o kutala ngó mesu, kuindi o kuenda ni muẋima ua di zangeleka ni luímbi, kuma kienʼiki ue ukumbu ngó ni kukaiela kitembu.

Ndongixi 8:16

O kioso ki nga te o muẋima uami mu kutongolola o kuijiia, ni ku tala kioso ki kala o ibhangelu iala mu ngongo, (mbata ku mundu ni mu muanha ni mu usuku o muthu kene dingi ni kilu mu mesu mê),

Ndongixi 9:3

Kienhiki kiene o kima kia iibha ku ima ioso iene mu ku bhanga Kulu-dia-Mundu; kuila athu oso ima i a bhita kumoxi; kuila ue o muẋima ua anʼathu uezala ufusa; o ku muẋima uâ ni ku muenhu uâ kuala ngó kutulumba ni kubhanga kiaiibha, hádia hé aia kiua muʼalunga.

I Tesalonika 5:21

Tungulenu jinga o ima ioso, phala mu kuate-bhu ioso iauabha,