Ndongixi 1:13 - O Mikanda Ikola

¹³ Ngixi-phe, o muẋima uami ngi u ta hanji ku unjimu, phala ngi tongolole, ngi solokote kiambote ni kuijiia kuoso, o ima ioso iene ku bhita kulu-dia-mundu. O ki nga iʼdi suí: Ngixi ikalakalu ioso iii o Nzambi ua i bhana anʼahu phala ngó ku a longela-mu.

Ndongixi 1:13 ပူးပေါင်းရင်းမြစ်များ

Dimatekenu 3:19

ku suualu ia pholo ié kuene ku ua kà dia o mbolo ié, katé ki ua kà vutuka ku mavu; mukonda kuene ku ua tundile; kuma eie uala u mavu, ku mavu kuene ku ua kà vutukila.

Jobe 28:3

Athu usuku ene mu ku u tela mbambe, katé ni ku maẋokololo aia muene ni kusota matadi a suama mua vundu, ni mu kitombe kiedi buí.

Jisálamu 111:2

Ikalakalu ia Jihova ia makota muene, a i sota jinga kuala ió oso andala a ʼijiia kiambote.

Jisabhu 18:1

Muthu ki muiza kubhanga o jivondadi, jê, u baluka; o unjimu ua kidiʼó, u sola kúlua na-u.

Jisabhu 18:15

Muẋima ua hete, u sota o kuijiia; mátui ma jinjimu, ma sota kutongolola.

Jisabhu 23:26

Monʼami ngi bhane o muẋima ué, o mesu mé mʼende ni kuuabhela jinga o jinjila jami.

Jisabhu 25:2

Kijingo kia Nzambi o ku kola kikutu mu kukondeka ima ioso; kijingophe kia jingana, o ku solokota ima ioso ia tokala kuijiia.

Jisabhu 4:7

Kima kiala kota ku muenhu ua muthu o unjimu; sota-phe o unjimu ni kutongoloka; ima ioso i uavu bhana-iu muene mu kusota unjimu.

Ndongixi 1:17

Anga ngiia, ngixi: O muẋima uami ngi u te hanji mu kutongolola o unjimu ni kuijiia kiambote o Ulaji ni Uôua; o ki nga iedi sui, nga tetuluka, ngixi: Mbé iene iosuʼiii ue dilamba ngó ku muenhu.

Ndongixi 11:5

Kala eie ki ua kambe kuijiia o njila ia kitembu, mba kioso ki di bhanga o ifuba mu vumu dia muhatu uala mu mikutu iiadi, kiene ue ki ua kambe eie kuijiia o ikalakalu ia Nzambi, Mubhangi a ima ioso.

Ndongixi 12:12

Kala kiki, eie monʼami, tongolola: O kubhanga madivulu ki kuala ni mbambe iê; o ku di longa ue kinène, ku bhuidisa ngoho o mukutu.

Ndongixi 2:23

Kuma o izuua iê ioso ia jindolo ngó, o ibhangelu iê ia malamba muene; katé ni mu usuku o muẋima ua muthu ki u nhoha. Èlé! kiki ue ukumbu ngoho!

Ndongixi 2:26

Kuma o muthu ua iuka, Nzambi u mu bhana o unjimu ni kuijiia, hé u mu tela-ku o kusanguluka; maji o mukua ituxi-phe, Nzambi u mu bhana kukalakala mbé a bhongolole, a lunjijiké ima ia-nda kubhana kua ió a muindi kuala Jihova. Maji kienhiki ue ukumbu ngoho ni ʼlamba dia muẋima.

Ndongixi 3:10

Nga mono kuma, o Ngana, anʼathu ua a bhana ikalakalu iosuʼiii phala ngó dilamba diâ, mukonda o mu ikalakalu ienʼiii muene mua a talesela o hadi.

Ndongixi 3:11

Ima ioso Nzambi ua i bhange ni kuuabha bhu thembu iê; iú ua zangula o mundu uene, iú ua u te mu muẋima uâ, maji o muthu ua lémbua kuijiia o kikalakalu kioso kia bhange Nzambi, tundé ku dimatekenu katé ku dizubhilu.

Ndongixi 4:4

Inda nga mono ue kuma o kukalakala kuoso ni kusakalala o maku mu ibhangelu, kuene ku bhekela ku muthu o luimbi lua mukuá uoso a zukama-nê. Kuma kienhiki ue kingoho ni lamba dia muẋima.

Ndongixi 4:8

Kuala muthu uala ngó ubhekèlele uê, kala dingi ni mukuá iadi, kidi muene, ka moneka mona mba ngó phange ia muhatu; maji muenhú, kia kuata o kukalakala, ka zumbuka, mba mesuʼê a mu suka mu kutala o jimbongo; mba ngó uila, uixi: Ki ngalʼiki, nga mu kalakalela nanhi, eme nga fulu o kubhana muenhu uami o jimbote joso ja u tokala? Kuma kienhiki ue kingoho ni nduezu mu kukalakala.

Ndongixi 7:25

Anga ngi lunguluka dingi, hé ngi sola ni muẋima uami o kuijiia, ni kutongolola, ni kusota o unjimu, ni kilunji, ni kuijiia o kudianguka kua kubhanga ia iibha, ni ulaji ua kutulumba, eme nga mono kuila o kubhanga kiaiibha ulaji uene, o kubela uôua.

Ndongixi 8:9

Ima ioso ienhiʼii nga i mono kioso ki nga te o muẋima uami mu ku tongolola o ima ioso iene mu kubhanga athu mu ngongo; kuma sai ni kithangana, muthu u kala mu kutumina mukuá phala ngó ku mu sengulula.

I Timote 4:15

Kolokota ni kubhanga ima ienhiʼii, suua ngó iene mu iene, athu oso a ku mone ki uia kiambote ku pholo.