Ndongixi 1:11 - O Mikanda Ikola

¹¹ Kuma o ima ia bhiti kiá athu kene ku i lembalala dingi; o ima ia kèza-ku ue, ka kà i lambalala dingi ku athu a kèza-ku, kuila o iene ia bhiti kiá.

Ndongixi 1:11 ပူးပေါင်းရင်းမြစ်များ

Jisálamu 9:6

Jinguma jami ja buila, eie ua a katula kijingo; o jimbanza jâ eie ua ji sengulula, bhu ja kexile bhua di bhange jingundu, ni muthu u a xinganeka dingi ka moneka.

Ndongixi 1:10

Kuala kima kiela exi: Tala, kima kiki kia ubhe? Kia kexile-ku kiá ku mivu ia bhiti, kuila etu kiluua ngó tu kala-ku.

Ndongixi 2:16

Mbata ki tu fike kuila o njimu a kà beta o ku mu lembalala, o kiôua ni ki kale ndenge; kuma ku izuua ia hádia, o ima ioso ka kà i lembalala dingi, kuila bhua bhiti kiá tu izuua. Ene oso a kà fua kiò-muene, kutale o njimu uejiia, uixi o kiôua kejiia kima.

Ndongixi 8:10

Nga mono ue akua phulu ku a funda mu jimbila ni kutululuka, anga bhu kala muene ni muthu uia bhu mbila jâ; maji o ió a bhanga jinga o jimbote mu mbonge, a tunda jinga bhu kididi kia kuiuka, ki bhuala ngó muthu ua a lembalala; kidi muene, imiʼii ue kingoho kiene.

Ndongixi 9:5

Kuma ió oso ala ni muenhu ejiia kuila a-nda kúfua, maji o ió afu kiá kʼejiia dingi kima kioso-kioso; né ue kisakidilu kia kima, ene kala nakiu dingi; kuma o dixinganekenu diâ, athu a di bhakuila ue kiá o kijimba.

Izaía 42:9

Talesenu o ima iòtange mʼokulu ia bhiti; ngi mi tangela kiá ima ia ubhe, ngi mʼivise-iu kiá kiosuʼiki kiluua i tomboka ku mukengeji.