9 Etiiópia ni Ijito a kexi ene o nguzu iê mukonda dia mundu uâ uavulu sé mbambe; ni Pute ni Líbia a kexi diene o dikuatekesu dié, kuma ua kuatele-nâ ukamba.
Uiza ni midi ni hama jiiadi ja makalu ni makuinhi a samanu a midi ia akua kusambela jikabalu; o athu ajile na-u ku Ijitu, ni ku Líbia ni ku Suke, ni ku Itiiópia ka xikina kua tanga.
Manhi akua Itiiópia ni akua Líbia ka kexile kifuẋi kia dikota ni jinzungule ja makalu ni akua kusambela jikabalu? Maji-phe eie mu kudielela Jihova, muene ua a bhakula bhu maku mé.
Enu jikabalu bandenu, enu mu makalu numinenu, mazonda ende ni kutunda; akua Itiiópia ni akua Pute ejiia kubhânga ni ngubu, ni akua Lida ejiia kubhânga ni kuoleka o mufula.
O Jipelesa, ni akua Lídia ni akua Pute ene a kexile o masoladi é a ita mu ilômbo ié; ni jingubu ni jikapasete, a ji nhenga jinga momuʼé; ene a di bhangele o makembu mé.
Ene kioso kia ku kuata bhu lukuaku, eie ua budika, eie ua a ẋuua o kisuxi kioso, o ene, kiedi, zá tu xamenene kokuʼé, ua bukuka, eie ua bhangesa kuila o miongo iâ ioso ia lémbua o ku di zambesa.