Nahumu 3:6 - O Mikanda Ikola

⁶ Nga kà lundulula ku thandu dié dixidilu ni malebhu, phala ni ngà ku kuatesa jisonhi, ua kà di bhanga u kima kia lusebu.

Nahumu 3:6 ပူးပေါင်းရင်းမြစ်များ

Jobe 30:19

Nzambi, tata! Eie ua ngi takuila mu malôua, eme nga di bhange kala ngi fufutila mba ngi uthôka.

Jobe 30:8

Ene anʼa malaji, ana a athu a kambe o majina, mu ixi aia ni kua kaia-kaia-mu.

Jobe 9:31

né kienhókio, eie u ngi kuzula mu malôua, ni izuatu iamiʼeme-muène ia kà ng ibhila.

Jelemiia 51:37

O Babilonha anga u kituka maxita, u di bhanga tungilu dia jinhoka ja ibha, kisunji, mu ku mu mona athu a xika muphióphio, ni umoxi ngó u tunga-mu ka moneka.

Kuditenda 3:16

Ua ngi disa mbuelekese ja kisèkele, ki kia ngi bulu o mazu; ua ngi vumbu mu utókua.

Izekiiele 16:37

Tala, o jisaii jé joso, ji ua sungila jinga na-ju, nga-nda ku a bhongolola, kumoxi ni iá u ua zolo, ni iá u ua zembe, nga-nda ku a bhongolola ku jimbandu joso nʼa ku kondoloka mu ku ku bilukila, hé ngi ku zula tuẋi-a-thakala bhu pholo iâ, ene nʼa ku mono muene kioso ki ua kala.

Nahumu 1:14

Eme Jihova nga bhana kijila kokué Asídia, kuma ki kuà kala dingi mbutu ia muthu ni dijina dié, o mʼonzo ia mahamba mé, eme-muène nga kà bula-mu o iteka iòsonge ni ia kuzunza. Eme nga kà ku kandeia o mbila ié muenhomo mukonda eie u sébhue.

Habakuke 2:16

Bhu kididi kia kijingu, ua kà sebuluka katé ki ki ku kuma; nuá-ku ue, u kale kala u mukua dibôlo a kambe ku mu saia; o dikáu diene bhuʼkuaku lua dilu lua Nzambi dia kà ku bilukila, o fuma ié ia kà laukila lusebu mukua ni ima iòluse anga i zangiua.

Sofoniia 2:15

Iii-phe iene o mbanza, o mbonge iadijimbi iala kutumbujuka ni ngalasa, ni ku di dielela iene, hé uia ni kuzuela mu muẋima uê, uixi: Eme ngó kuabhu, ki bhuala dingi nga soko-nê! Kiki-phe ueza ngúndu, ua biluka dinangu dia iama! Muthu uoso ubhita-mu, u diuuana! Uxika muphióphio, hé u bhabha ibhubhu!

Malakiia 2:2

Se mu kamba ku ngʼivua, se mu fula ku ki ta ku miẋima ienu, o kubhana ujitu ku Dijina diami, eme ngi Jihova dia Ilômbo Ieta, nga-nda ku mi tumikisa uíndua, o madibesá menu moso ngi ma bilula kuxixima, xi, ene ue nga te kiá mázui ku mabesá menu moso, mukonda enu ki mua ki te ku miẋima ienu.

Malakiia 2:3

Mu kienhiki, mbutu ienu ioso nga-nda ku mi dianguila-iu, anga ngi mi uesa jipholo jenu ni ditobe, o ditobe dia izokola ienu anga a kà mi texila kumoxi ni dixidilu dienhódio.

Malakiia 2:9

Kiene-phe uami kia ngi bhangesa ku mi sebulula ni ku mi sekalesa bhu pholo ia mundu uoso, mukonda jinjila jami mua ditunu ku jʼenda, maji, mu kukumbidila o kitumu, mua bhange katungu kʼathu.

I Kolindo 4:13

Ela a tu lebhula, etu mu kuvutula tu dionda. Katé bhu tuezʼ abha tua kituka tu dixidilu dia mundu, tu makolôlo a ima ioso mu ngongʼ umu.

I Kolindo 4:9

Kuma eme nga fika etu tu Jipoxolo, Nzambi ua tu bhana o kididi kia sukidila kuema. Ua tu kingisa kala athu a xikamena ku a jibhila bhu mesu a mundu. A tu bhake bhu pholo ia ngongo ioso, ni ji-anju ni athu a tu te mesu.

Jihebeleu 10:33

Amoxi mudienu, muedi ni ku mi sebulula bhu pholo ia mundu, a mi ta muondo, a mi tatesa; muedi ue ni kubanda akuenu a a bhangele kienʼ iki.

Juda 1:7

Lembalalenu ue akua Sodoma ni Ngomola, ni jimbanza ja zukamene na-ju, kioso kia bhange uila kia bhangele o ji-anjuʼ ojo, a kala mù di ehelela ku undumbu, a kala mù balukila ʼxitu jengi. Enʼ iá a a tubhula kuma a kale kijimbuete, ni kuxixima mu tubhia ki tu xikina kujima.