Nahumu 3:5 - O Mikanda Ikola

⁵ Jihova dia Ifuẋi, uixi: Eme ngala kuthandu dié, o mu kuzoka ni eie nga kà ku zula muene o izuatu ié katé mu pholo, hé o tuẋi ié nga kà i londekeza ku miji ioso mu ngongo, nga kà edika o sonhi ié, ku ma-utuminu moso, ki ua zulʼiki.

Nahumu 3:5 ပူးပေါင်းရင်းမြစ်များ

Jelemiia 13:22

Kioso-phe ki ua kèla mu muẋima ué: Mukonda diahi, ima ienhiʼii ia ngiza? Mukonda dia nzungule ia ikuma ié kiene kia bhangesa o ku ku zakula o izuatu ié ia moxi, ni tusende tué tu tuala kutala hadi iavulu.

Jelemiia 13:26

Eme-phe ue nga-nda ku ku zakula o izuatu ié ia moxi katé ki i kuiza mu mesu; hé u xala ua zula muene tuẋi-a-thakala.

Jelemiia 50:31

Kiki-phe, tala, nga ku lungulukila, eie nʼa mama dia ukumbu! Jihova, Nzambi ia Ilombo Ieta ua ki tange: mukonda kizuua kié kieza-bhu, o kithangana kié ki nga-nda ku ku zungila.

Izekiiele 16:37

Tala, o jisaii jé joso, ji ua sungila jinga na-ju, nga-nda ku a bhongolola, kumoxi ni iá u ua zolo, ni iá u ua zembe, nga-nda ku a bhongolola ku jimbandu joso nʼa ku kondoloka mu ku ku bilukila, hé ngi ku zula tuẋi-a-thakala bhu pholo iâ, ene nʼa ku mono muene kioso ki ua kala.

Izekiiele 21:3

o ixi ia Izalaiele u i tangele kuma: O Jihova uambe kiki, uixi: Tala, eme nga ku bilukila, o xibhata iami nga-nda ku i fuomona mu kizu, hé ngi jibha mu kaxi ké o muthu ua iuka ni mukua phulu.

Izekiiele 23:25

Mu kuzoka nʼeie nga kà ku kuatela difuba, ene anga a kà ku fundisa ni njinda; a kà ku kumbuna o dizulu ni mátui, o kioso kia kà ku subhuka-bhu kia kà di bhala ku xibhata; o anʼé a mala ni anʼé a ahetu, a kà ku tambula na-u, o uoso hanji ua kà ku subhuka-ku à ka muoha mu túbhia.

Izekiiele 23:29

Ene-phe a-nda ku ku vutuila ni luma, hé kikalakalu kié kioso a kà ki ambata, eie a ku xá tuxi-a-thakala, ua zuluka muene; anga o jisonhi ja undumbu ué ji tukuluka, ni maufusa mé ni uhabhu ué.

Izekiiele 26:3

Kala kiki, o Jihova Nzambi, uambe kiki: Tala-ze, eme uami nga ku lungulukila, eie Tilu, nga-nda kubhangesa kuila miji iavulu a banda mu kuiza kuzoka nʼeie, mukuâ ni musanza ua kalunga ki u bandesa mabhuku mê.

Mikeia 1:11

Bhita ni tuẋi i kuatesa jisonhi, eie u monʼa muhatu ua tunga bhu Safídia; muhatu ua mukua Zanane iú-ué ku bhata mukonda ka tena ku tunda; o jingololo ji tunda bhu Betesele, bhobhuenu bhene bhu ji suka.

Nahumu 2:13

Jihova dia Ifuẋi, uixi: Talesa, Eme ngala ku thandu dié; o makalu mé nga kà oha, a kituka dixi; o minzangala ié ia jihoji ia kà buika ku xibhata; o mu ixi mbole ié nga kà i katula-mu kiá muene, loló! o dízui dia akunjiʼé mu ngongo ka kà dʼívua dingi.

Habakuke 2:16

Bhu kididi kia kijingu, ua kà sebuluka katé ki ki ku kuma; nuá-ku ue, u kale kala u mukua dibôlo a kambe ku mu saia; o dikáu diene bhuʼkuaku lua dilu lua Nzambi dia kà ku bilukila, o fuma ié ia kà laukila lusebu mukua ni ima iòluse anga i zangiua.