Nahumu 3:3 - O Mikanda Ikola

³ O ió a mondala ku jikabalu a fuomona xibhata jâ jilekujuka kala túbhia, ni ngumba jâ ji kala mu kuila banhi-banhi; kua kà kala muene athu avulu òkuame ni mundu uavulu a fuila bhobho, o imbi ki i xikina ku i tanga o konda iâ, athu anga a kà kala mu di bhukajana ku imbi iâ.

Nahumu 3:3 ပူးပေါင်းရင်းမြစ်များ

Dimatekenu 3:24

O muthu kia zubha o ku mu kaia, Nzambi u ta jixelube ku mutundila-kumbi ua kadíbhia ka Edene, ni xibhata ia mulengu u lunga kuku, u lunga koko, mu kuxita o njila iia ku muẋi ua muenhu.

II Jisobha 19:35

Anga ki bhita-phe kuila, mu usuku uenhó, mu kaẋi kà kilômbo kia akua Asídia, o anju ia Jihova ua buikisa-mu hama ni makuinhi nake ni kitanu kia jihulukaji ja athu; o a subhuka-ku kia balumuka mu kimenemene, a mona ngó mikutu ioso imbi mu imbi.

Izaía 34:3

O imbi iâ ibhinga ku i texe-texe ngó mu kanga, anga o mikutu iâ ikuata kunuha kibuzu; o milundu ià kʼèzala ni manhinga mâ.

Izaía 37:36

Bhenhobho anju ia Jihova ua tundu, iu ua nemeka mu kilômbo kia Asídia, hama ni makuinhi-nake a jimidi ni midi jitanu ja makuenze; o kuila muene a balumuka mu kimenemene, talesa, iimbi mu iimbi kiá!

Izaía 66:16

Kuma Jihova ua-nda kuila o kuku u kuata túbhia, o kuku xibhata, anga ua kà funda ni mundu uoso; o imbi-phe ia-nda kúfua bhenhobho kua Jihova ia kà vula.

Izekiiele 39:4

Eie-muène ua kà tenukina ku milundu ia Izalaiele, nʼeie ni masoladi ê oso, kumoxi ni miji ioso iala nʼeie; eie-muène hé nga kà ku bhana, ua kà kituka huta ia jinjila ji dia xitu, ni jinjila joso ja mabhabha, ni iama ia mukáu.

Ijila 26:37

O bhua kambe muthu uala ku a landameka, ene aia jinga ngó ni ku di lumala íbua kulu dia akuá, ufika-phe uixi kua a tula xibhata ia kisuéia; ki mua kà tena-phe ku di fikidila bhu pholo ia jinguma jenu.

Nahumu 2:4

O makalu mu nzunga a kà thathamana, mu uendelu uâ a kʼàia ni ku di ṗhuṗha-ṗhuṗha mu jiluua, a difua ni makongolo, a kà lenga lusolo kala kiene mu telajaka o jinzaji.

Habakuke 3:11

Ni dikumbi ni mbeji, emana muene mu mazekelu mâ; anga a kala mu ku tala o mifula ia Ngana ia uama túbhia, o ni itelu-telu ia jinzaji ja dionga diê.