Nahumu 2:9 - O Mikanda Ikola

⁹ Bhundenu o phalata, bhundenu o ulu mukonda o jimbongoʼiji ki ji moneka mbambe, o mbonge iezala ni ima iavulu ia Seme o muẋima.

Nahumu 2:9 ပူးပေါင်းရင်းမြစ်များ

II Malunda 36:10

O bhu kisonaxi ku muvu, sobha Nabukodonozolo u tuma ku muʼambata ni ku mu bheka ku Babilónia, kumoxi ni itutu ia te kiavulu ia inzu ia Jihova; anga Zedekiia dia phangʼiê muene a mu te bhu kididi kiê mu kutumina mua Juda ni mu Jeluzaleme.

Izaía 33:1

Kokolo diê u mubhundi, sumbala ene ka ku bhundu, athu ka ku bhange ufe, eie u a bhanga ufe! Kioso-phe ki u zubha kubhunda akuenu, eie ue a-nda ku ku bhunda; kioso ki u zubha kubhanga ufe ku akuenu, eie ue bhu kala o ku ku bhanga ufe uene.

Izaía 33:4

Kiene kiua kia-nda kua kà bhongolola o madibhundila u mua xi bhoxi, mukuâ ni kia bhongolola o kabótua; kala ki tuka-tuka o mahoho, kiene ue kia kà tuka-tuka athu bhenhobho.

Jelemiia 25:34

Enu mu tubhila, dilenu, mu te nzôngo, kundumukenu mu utôka, enu mua adiakime a kilunga, mbata izuua ienu ia tenena kiá ia ku mi jibha; eme-phe nga-nda ku mi botomona, enu anga mu dibhala kala kitutu kia makembu.

Jelemiia 46:5

Mukonda diahi nga mu mona akua uoma kubhana-ku makunda? Mazonda mâ a ma tolola, o mu kulenga ka mu tala dingi kuema; kuma uoma uavulu ua a kuata ku mbandu joso— Jihova ua ki tange.

Jelemiia 51:56

Mukonda o mubuikixi ua-nda ku muʼendela, ua-nda kuendela Babilonha, o mazonda mê ua kà ma kuta, o mifula iâ ua i bukujula kiá; mukonda Jihova, Nzambi uavu o futu, ua kà mu vutuila kioso kia fuama.

Izekiiele 26:12

Ene hé a kà nhana o umonhi ué, o ima ié ia uenji a kà i bhûnda, o imbaka ié a kà i lundumuina bhoxi, o jinzu jé ja iuka kinéne a kà ji sengulula; anga o matadi mé ni miẋi ié ni fufutila ié, a kà i lunduluila mu kaxi ka menha.

Daniiele 11:8

Ni mahamba mâ kumoxi ni nzungule ia iteka iâ ia kuzunza, ni itutu iâ ia phalata ni ia ulu, ua kà i ambata kala jihutile katé mu Ijito; anga muene ubhanga tumivu ni kukamba ku di kuata ni sobha ia kusuku.

Nahumu 3:17

O ilamba ié a di fu mukuâ ni kihoho, o atuminiʼé mukuâ ni mahoho a makota a tula ku iangu mu izuua ia mbambi, ki tua o muanha-phe anga a tuka, ni bhu kididi bhua kexe kejiia-bhu dingi.

Dijingunuinu 18:12

Kana muthu u sumba o mauenji mâ ma ulu, ni phalata, ni madiiamande, ni jiphélula, ni linhu ia fina, ni izuatu iòteke ni husu, ni seda, ni thanga ja kusuka ja kindemba kia mbudi, ni mixi iauabha dizumba, ni ima ioso ia mazu a nzamba, ni ima ioso ia mixi ia te kiavulu, ni ia ngôndo, ni ia felu, ni ia tadi dia mamola;

Dijingunuinu 18:16

A kèla: Uaué! Uaué! O mbanza ia dikota, tata! Ua zuatele linhu ia fina, ni izuatu iòteke ni husu, ni ia kindemba kia mbudi kikusuka, ua kembele ni ulu, ni madiiamande, ni jiphélula!