Nahumu 2:8 - O Mikanda Ikola

⁸ Ninive tunde okulu uela kala kizanga kia menha; maji ene-phe menha enhá muanzanzʼumu ià lenga. A kà a kingisa ni ku a handekela, exi: Imanenu! Imanenu! maji kana-ku ua kà sakuka mu tala ku dima.

Nahumu 2:8 ပူးပေါင်းရင်းမြစ်များ

Dimatekenu 10:11

O kutunda mʼoxi momo, uia mu Asídia, u tunga Ninive, ni Lebote-Ile, ni Khala.

Izaía 13:14

Kala muthu-phe, ua kèla kala mbámbi ia mu lenga, mukuâ ni mama ia mbudi ia kambe uoso u i bokuesa; kala muthu ua kʼalukila kokuâ, muthu ni muthu ua kà lengela kʼoxi iê.

Izaía 38:14

Kala ki kala o njila iexana grou mba phiáphia, kiene ki nga kexe mu kuẋenja, ngi kuata kukumba mukuâ ni diembe; nga bhetula jinga mesuʼami ni kutala bhulu, katé ala kiá ku ngi suka; Jihova, tata! Nga bhondalala! Kala-phe u ngunji iami!

Izaía 47:13

Mu nzungule ia jindunge jé, muene mu ua bhuidila; kiki-phe ni akua kuzambuila ku ijimbuete ia maúlu, ni akua kutongolola jithéthembua, akua mizambu ia mbeji ia thethama, ene-oso a balumuke a ku kudile ku kibuika kia-nda ku ku tula ku thandu.

Izaía 48:20

Tundenu mu Babilonha, muʼaxaxi ka akua Kaldeia lengenu-mu. Kolenu-kiu ni nzôngo ia kikóue; kiki ivisenu-kiu, mu ki ambate muene katé kua suku oxi, muexi: Jihova ua kula selevende iê Jakobo.

Izaía 59:11

Etuʼenhoso tua mu dila kala itôto, o kukema kuetu kala membe, kua kalé kiá; tua kingile o kulúnga maji ki kua moneka; tua kingile kubhuluka, maji kua tu kala dikanga.

Jelemiia 46:5

Mukonda diahi nga mu mona akua uoma kubhana-ku makunda? Mazonda mâ a ma tolola, o mu kulenga ka mu tala dingi kuema; kuma uoma uavulu ua a kuata ku mbandu joso— Jihova ua ki tange.

Jelemiia 47:3

O mu kuívua o mixindu ia ikoto ia jikabalu jâ ja nguzu, ni jibuia ja makalu mâ, ni kunumina kua malola mâ; jitata a lembua kubhanga kioso kʼiandalele tuana tuâ mukonda dia (kubulukuta) kua maku mâ.

Jelemiia 50:16

Uoso u kuna ni ió uoso uambata kibholola bhu thembu ia kumuna, mu Babilonha mu tukudienumu; mukonda dia xibhata ia bhinjika, kala muthu ua-nda ku vutukila ku kifuẋi kiê, o muthu ni muthu anga u lengela ku ixi iâ.

Jelemiia 51:13

Eie, tata! Ua tunga ku thandu dia menha ma ndumba, uezala ni jimbongo ja vulu! Zubhilu dié dia bhixila, kala o kizongelu kia unjenje ué!

Jelemiia 51:30

O mazonda a Babilonha kubhânga a kuʼeha, a di jikila mu imbaka, nguzu iâ ia zondo, a biluka kala ahetu; o mabhata mâ a mʼoha mu túbhia, sabhi jâ a ji bukujula.

Nahumu 1:1

Kinemenu kia Ninive. Divulu dia kisúmua kia Nahumu, mukua Eleko.

Nahumu 3:17

O ilamba ié a di fu mukuâ ni kihoho, o atuminiʼé mukuâ ni mahoho a makota a tula ku iangu mu izuua ia mbambi, ki tua o muanha-phe anga a tuka, ni bhu kididi bhua kexe kejiia-bhu dingi.

Dijingunuinu 17:1

Anga kuiza anju imoxi, ku sambuadi dia kuatele o sambuadi dia nganza, hé u ngi zuelesa, uixi: Iza kunu, ngi ku idikize kioso kia-nda kubhana o kaxtiku kua kidia-nzunga kia dikotʼokio, o mbanza ioio iòtunge bhu mbanduʼ a ngiji javulu.

Dijingunuinu 17:15

Bhenhobho o anju ua ngʼambela ue, uixi: O menha ió u ua muene, kua xikama o kidia-nzunga ku thandu diâ, o miji ia athu, ni mundu, ni ifuẋi, ni madimi.