Nahumu 2:5 - O Mikanda Ikola

⁵ O iú-phe ua kà xinganeka o makuenze mê ma ita, maji ene-phe a kà di bhukajana mu kuenda kuâ. A kà lengela ku kimbaka, kioso kia kà mona disuamu dióiudike kiá.

Nahumu 2:5 ပူးပေါင်းရင်းမြစ်များ

Izaía 21:5

Ene ia a zala meza, ia a langidila, ia a dia, ia a nua. Balumukenu mu jingana, uaienu maji ku jingubu.

Izaía 5:27

Muʼaxaxi kâ, ki muà kala muthu ua bhuila mba u tenguna; ki muà koxila muthu, mba uia ku kilu; ka kà mu jituna phonda mu mbunda, o mbâla ja haii jâ, ki ja kà batuka.

Jelemiia 46:12

Miji ioso dilebhu dié evu ku di zuela, o ngongo iezala ni mikole-kole ia kudikola kué; mukonda dizonda ua di bhukana ku dizonda, kiiadi kiâ ia a dibhalela kumoxi.

Jelemiia 50:29

Babilonha mu bhongoluedienu oso akua kuasa ni misongo, oso ejiia kuoleka o mufula, a zoke-nê; mu tedienu ndala-mbuta mu jimbandu, phala ki bhu kale muthu u lenga-mu; mu futienu kala kia fuama o ikalakalu iê, kioso kia bhange muene, kiene ue ki mu mu bhanga; kuma ua di zangelekele mu kuzoka ni Jihova, mu kuzoka ni Ukola mua Izalaiele.

Nahumu 2:6

O mabhitu a ngiji a ma jikula; o palaxu ia botomoka ii i di bhala.

Nahumu 3:18

Kuma o tubhila tué eie sobha ia Asídia aii ku kilu, o ilamba ié ala mù koxila; o mundu ué ua di muangena mu milundu sé ngó kumona muthu utena ku a phopha ni ku a bhongolola.

Nahumu 3:3

O ió a mondala ku jikabalu a fuomona xibhata jâ jilekujuka kala túbhia, ni ngumba jâ ji kala mu kuila banhi-banhi; kua kà kala muene athu avulu òkuame ni mundu uavulu a fuila bhobho, o imbi ki i xikina ku i tanga o konda iâ, athu anga a kà kala mu di bhukajana ku imbi iâ.

Habakuke 1:8

O jikabalu jâ, mu ku bhebhuluka ni ku sangama, jingu ndenge; mu ku dimuka ue kota, o itôto mu ngoloxi ndenge; o a mondala-ku enda ni ku di muangena kuene kuoso; kiene muene, amondadiʼê a kà tunda makanga, a di leka lusolo mu kubhita bhulu mukua ni jiholokoko ki jilengela ku mbole mu kúdia.