Nahumu 2:3 - O Mikanda Ikola

³ O jingubu ja makuenze mê ja kà kusuka, o mala a mazonda ima ia zuata ia kà kusuka muene nguiin! o makalu ma kèla kala túbhia tua muzukuta, mu kizuua kia ku di iudika kuâ; o jingumba jâ ja kà lekujuka ni kikexilu ki kukuatesa uoma.

Nahumu 2:3 ပူးပေါင်းရင်းမြစ်များ

Jobe 39:23

Mu ku mu kondela muene, o kizu ki di kola-kola, o utadi ua felu ia sosa ni musongo, u lekujuka.

Jisálamu 80:13

Kiômbo ki tunda ku muxitu, ki u tuka-tuka; o jixitu ji tunda mu kitumba, muene mu jala kudila.

Izaía 14:8

Katé ni mixi ia faia, ni misédulu ia Libano, ia kʼolela ue, exi: Tunde ki uaii bhoxi, ki bhuala dingi muthu u banda kunu ni usuéia ua ku tu koka.

Izekiiele 23:24

Anga a kʼèza mu ku kúlua ni makalu, ni matènda ni malola ni ndumba dia mundu; hé a di zeleka mu jimbandu, mu ku kúlua, a zakela jingubu ni kadiakonda ni jikapasete; hé nga kà a bhana o kutena kua kufundisa, ene anga a kà ku fundisa mu ufundixilu ua jingonge jâ ene.

Izekiiele 26:7

Mukonda, o Jihova Nzambi uambe, kiki: Talenu, eme mu kuzoka ni Tilu, nga-nda ku mu bhekela Nabukodonozolo, sobha ia Babilonha, tundé kusuku, sobha ia jisobha u mu endela ni jikabalu, ni makalu, ni akua kusambela tubalu, ni masoladi, ni kifuẋi kia mundu uavulu.

Nahumu 3:2

Kibulukutu kia kibetu kiala-mu, ni kutitila kua mixindu ia malola; o jikabalu jala kuia ni kutitila, o makalu aia ni kutuka-tuka.

Zakadiia 1:8

Mu usuku nga tale, eme nga mono diiala ua sambela ku kabalu ka kusuka, anga uia ni kuimajana mu tu isasa tuala mua zongo. O kuema diê kuala tubalu tu kusuka ni tua zeluluka ni tua zele.

Zakadiia 11:2

Eie u muẋi ua faia enda ni kukema mukonda o misedulu iai bhoxi, kuma o miẋi ia matunda a i jikinisa; enu mu miẋi ia mikalavádiu ia Basane kuatenu mikemu mukonda ditutu dia xitile kiambote a di kokela bhoxi.

Zakadiia 6:2

Ku dikalu dia dianga kuala jikabalu ja kusuka; o ku dia kaiadi kuala jikabalu ja xiketela.

Dijingunuinu 12:3

Anga ku moneka kijimbuete kiamukuá ku diulu. Kimudikixi kia dikota, kikusuka, kiala ni sambuadi dia mítue ni kuinhi dia lumbinga, o ku mítue iê ku kala sambuadi dia kitundu.

Dijingunuinu 6:4

Anga ku tunda kabalu kamukuá kakusuka. O ua mondala-ku, a mu bhana o kubheka ita mu ngongo, ni kubhangesa athu kudijibha-jibha mudiâ. Anga a mu bhana kixibhata kia dikota.