Nahumu 2:12 - O Mikanda Ikola

¹² Hoji i kuata jinga mbole ioso ia soko tuana tuê, ia jibha jinga ue xitu phala jihoji ja akaji kúdia, jingenda jê u ji izalesa jixitu, o mu mabànda mê muizala isasu.

Nahumu 2:12 ပူးပေါင်းရင်းမြစ်များ

II Samuuele 17:8

Husai anga u ta-ku, uixi: Tatʼenu ua mu ijiia kuma muene ni makuenze mê ene oso mazonda, o kialʼiki-phe a thathamana, mukuâ ni mama ia kitôto mu mukáu a mu nhana o tuana tuê; tatʼenu diiala dia ita, ka xikina kutula mu kuzeka kumoxi ni mundu.

Jisálamu 17:12

A di fangana kala hoji i hamena kúdia mbole; a soko ni munzangala ua hoje ua batamena mu kisasa.

Jelemiia 51:34

Nabukodonozolo, sobha ia Babilonha ua ngi di kihabula, ua ngi diota-diota, ua ngi bhange ngi kitutu kia hatu, ua ngi minha mukuá ni kimudikixi iú uezalesa vumu diê ni kikexilu kiami kia ujitu; iu ua ngi kaiela bhu kanga.

Nahumu 2:11

O ngenda ia jihoji kindala ii kuebhi? O madilu ma tuana tua jihoji iá kuebhi? Kuebhi kua kexi mu nhungina hoji ia ndumbe ni ia mukaji ni anʼâ sé kumona muthu ua a sasumukisa?

Nahumu 2:13

Jihova dia Ifuẋi, uixi: Talesa, Eme ngala ku thandu dié; o makalu mé nga kà oha, a kituka dixi; o minzangala ié ia jihoji ia kà buika ku xibhata; o mu ixi mbole ié nga kà i katula-mu kiá muene, loló! o dízui dia akunjiʼé mu ngongo ka kà dʼívua dingi.

Dialuilu 23:24

Kifuẋi kiê a balumuka kala mama ia hoji, mba, ndumbe ia hoji kia lundumuka; ka zeka ngó sé kudia mbole, anga u nua manhinga ma tunda ku isasu.