Nahumu 1:9 - O Mikanda Ikola

⁹ Enu mua bhukumukina Jihova, mua fika kiebhi? Muene-phe hinu u mi jikinisa enu oso; o phaxi iii ki ia kà tena kuiza luiadi.

Nahumu 1:9 ပူးပေါင်းရင်းမြစ်များ

II Samuuele 20:10

Amasa-phe xibhata iala bhu lukuaku lua Jouabe ka i mono. Kienhiki-phe muene u mu ta na-iu mu divumu, mídia iê u i sukumuina bhoxi. Ka mu tona dingi, anga u fuila bhobho. Ni Jouabe-phe ni Abisai phangʼiê, hé aia ni kukaiela Seba, monʼa Bikidi.

Jisálamu 21:11

Kuma enhó a kanena ku ku bhanga phulu; a funhine ndunge ia ufe, maji a lémbua ku ki bhanga.

Jisálamu 33:10

Jihova u fudisa o phangu ia akua jixi; kikutu kia athu mu ngongo u ki sukika.

Jisabhu 21:30

Jihova ku tena ku mu dimukina, ku tena ku mu bhanga ndunge, ku tena ue ku mu ta kikutu kia ufue.

Izaía 28:22

Kala kiki-phe, ki mu bhange dingi kasekelu, sumba mikolo ienu a beta dingi ku i kolesa; mukonda eme ngʼevu Jihova dia Ilômbo Ieta uala ku kanena kiá ku bheka-ku kibuika, o kienhiki ua ki xindi kiá, ki tuluka ku thandu diaʼxi ioso.

Jelemiia 51:64

hé uà kʼèla uixi: Kienhiki ue kia kà njoboka Babilonha, o kubalumuka ua kà ku lémbua, mukonda dia usuéia u nga-nda ku mu bhekela ku thandu diê. Akua Babilonha a kà lémbua muene. Bheneʼabha bhua suku o maka a Jelemiia.

Izekiiele 21:5

O xitu ioso hé ia kà kʼijiia muene kuila eme ngi Jihova, o xibhata iami nga i fuomona mu kizu; o muene ki mungu dingi ia-nda kuvutukila-mu.

Izekiiele 7:5

Kienhiki ki ambe Jihova Nzambi, uedi: O kuiibha, talesa-ze kuiibha ku moxiʼèlele ngoho, kua-nda kuiza.

Hozeia 7:15

Eme ngedi ni ku a longa, ni kukolesa ni kusuinisa o maku mâ; maji ene aia ni ku ngi xinganeka kiaiibha, a ngi kiti ngi kisuéia.

Nahumu 1:11

Momué mua tundu muthu ua banze kubhanga Nzambi usuéia. Muthu mukua Kadiaphemba ubhana kaiula kaiibha.

II Kolindo 10:5

ni ima ioso ia ukumbu ua xitu ki i ehela athu kuʼijiia Nzambi. Tu tolola ixinganeku ioso ia athu phala nʼa tumaka Kristu.

I Samuuele 26:8

Abisai anga u ambela Davidi, uixi: Nzambi ua ku thelekala nguma ié bhu lukuaku kizuua kia lelu. Kiki-phe ngehele, nga ku diondo, ngi mu tome ni dionga, ngi mu phaphele mu mavu; ngi mu ta ngó lumoxi luene, ki ngi mu tona dingi.

I Samuuele 3:12

Kuma bhu kizuua kienʼokio ngà kumbidila kua Eli ioso i nga mu tangela ia dibhata diê, tunde bhu ngi mu andekela katé bhu ngi mu zubhila.