Nahumu 1:7 - O Mikanda Ikola

⁷ Ngana uaiuka, muene dilengelu dietu mu thembu ia phaxi; Jihova uejiia oso a mu dielela muene.

Nahumu 1:7 ပူးပေါင်းရင်းမြစ်များ

I Malunda 16:34

Sakidilenu Jihova, kuma muene mukua kubhanga mbote; mbata kulenduka kuê ki kuene kúbhua.

I Malunda 5:20

Anga a a kuatekesa mu kúlua-nâ, o akua Hangale ni oso kiá a kexile-nâ, ene oso hé a a bhana bhu maku mâ, mukonda a dikolele kua Nzambi, kiala mu kúlua o ita, Nzambi hé u a bhana mátui, kuma a dielela kua muene.

II Malunda 13:18

Kienʼiki anʼa Izalaiele a di zangelekele mu thembuʼomo, a a tululula; anʼa Juda a tolola mukonda a dielela kua Jihova, Nzambi ia jitata jâ.

II Malunda 32:11

Mbé o Ezekiia ki muene uala ku mi funhisa, enu muandu fua ku nzala ni dinhota, kia mu kuila, uixi: O Jihova, dia Nzambi ietu, ua-nda ku tu kudila bhu maku ma sobha ia Asídia?

II Malunda 32:21

Kieneʼokio o Jihova ua tumikisa anju imoxi i ia jikinisa o mala oso a mazonda, ni makota ma jingana, ni atumini mu kilômbo kia sobha ia Asídia; sobha anga u vutuka ni pholo ia zenzama ni jisonhi kʼoxi iê; maji-phe, mu kutula kueneʼoko, o kia bokona mʼonzo ia dihamba diê, ene muene a tundu mu divumu diê, a mu jibhila mueneʼomo ni xibhata.

II Malunda 32:8

Muene uala ni lukuaku lua xitu, etu-phe tuala-nê, muene Jihova, Nzambi ietu, phala o ku tu kuatekesa ni ku tu luila o ita ietu. O mundu anga a tululuka kievu maka ma Ezekiia, sobha ia Juda.

Ejidala 3:11

Anga a kuata ku di tambuijila mu kuimba, ni kuximana, ni kubhana fuma kua Jihova, ni kuzuela, exi: Muene ukôla, kuma jihenda jê ji nangenena ku thandu dia Izalaiele. Mundu uoso hé a kuata kutana ni ku dikola ni dízui dia suina, mu kuximana Jihova, mukonda dia ku ta madisesa ma inzo ia Jihova.

Jisálamu 1:6

kuma Jihova uejiia njila ia athu aiuka; njila-phe ia athu abhumu ia kutexika.

Jisálamu 100:5

Kuma Jihova muthu uambote; kulenduka kuê ki kuene kúbhua; o kukumbidila kuê ku xalela ku miji ioso.

Jisálamu 20:1

Jihova a ku ivue bhu kizuua kia kíbhidi; dijina dia Nzambi ia Jakobo di ku kale ditala dia di leka.

Jisálamu 25:8

Jihova muthu uambote, o kuiuka kuvula; kiene kia tenena kulonga akua ituxi o njila.

Jisálamu 27:5

Kuma bhu kithangana kia jingongo, muene u ngi bhaka mu kitelembe kiê, u ngi sueka muene kididi kia kondama mu balaka iê; u ngi tudika ditala dialebha kuthandu a matadi.

Jisálamu 37:39

O kubhuluka-phe kua akua kidi, ku tunda kua Jihova; kuma muene kimbaka kiâ mu thembu ia jiphaxi.

Jisálamu 37:40

Jihova u a kuatekesa, u a kudila; u a kudila ku isuéia, hé u a bhulula, mukonda a lengela kua muene.

Jisálamu 46:2

Kienhiki, ki tu kala ni uoma, né-mbe oxi izamba, mba milundu iê i suetuka katé mu kaẋi ka musanza ua kalunga.

Jisálamu 50:15

Nda u dikola ko kuami, mu kizuua ki kuiza o kutata; eme ngi ku kudila, eie anga u kala ni ku ngi ximana.

Jisálamu 59:16

Eme-phe ngi ku imbila mukonda dia nguzu ié iavulu; ngi suína dízui mu kimene, mu tumbula o kiadi kié ni kusanguluka; kuma eie Ngana u ditala diami dia di leka, u kididi kiami kia kulengela bhu kizuua kia kutata kuami!

Jisálamu 71:3

U ngi kale u ndánji iami ia kutungila, ia uabha o ku lengela jinga phala ngi bhuluke; mbata eie ua bhana kiá o kitumu kia ku ngi bhulula, kuma eie u ditadi diami dia kipena, u kimbaka kiami.

Jisálamu 86:7

Bhu kizuua kiami kia lamba ngi dikola ko kué; kuma eie ku kambe ku ngʼitaia.

Jisálamu 9:10

Oso a ku ijiia o dijina, eie muene u Jihova a ku dielela; kuma, eie Jihova, ku muthu ua kukakula oso a ku kana.

Jisálamu 91:15

Muene kia ngʼixana, eme ngʼitaia; bhu kíbhidi ngi mu kala bhu mbandu; ngi mu kudila, ngi mu jingisa.

Jisabhu 18:10

Dijina dia Jihova mukua ni mbonge ia matala ia di jikidila; muthu uoso ua iuka, kuene kua lengela, anga a mu bhaka kididi kia kondama.

Izaía 25:4

Mbata ua di bhange u kimbaka phala ngadiama ni ió ua tate mu lamba diê; u Dilengelu kiza o kibhungu; u Kilembeketa bhu thembu ia kizuza; kuma o muha ua isueia mukuâ ni kibhungu, ki ki di zubila ku kimbaka.

Izaía 32:2

Dikuenze muenhó ua kà kala disuamenu kiza o kitembu, dilengelu kiza o kalêmba, mukua ni jingiji ja menha mu mikáu ia kukuta, uila ue kala kilembeketa kia ditadi dionéne mu ixi ia kikáku, mua kambe o menha.

Izaía 50:10

Mukuahi mudienu uambe kuxila Jihova, ni kusuua dízui dia selevende iê? Muenhó se uala kubhita bhua vundu, anga bhu kamba ngó ni kamukengeji, a dielele mu dijina dia Jihova, a kuatenene kua Nzambi iê.

Jelemiia 16:19

Jihova tata, u kimbaka kiami, u nguzu iami, u disuamu diami mu kizuua kia phaxi! Matumbu-ze a-nda kuiza kokué, tundé ku maẋokololo ma ixi, anga ela: Mbé jitata jetu a lunduile ngó makutu, ni kingoho ki kuala kubhanduluka kua kima.

Jelemiia 17:17

Ku ngi diuanese; eie u dilengelu diami bhu kizuua kia divuua.

Jelemiia 24:5

Jihova, Nzambi ia Izalaiele, uambe kiki: Mukua ni jifiku jiji ja mbote, kiene ue ki nga-nda kuijiia akua Juda, a ambata ku uhutile, u nga katula eme-muène bhu kididi kiki, eme nga a bheka ku ixi ia akua Kaldeia, phala mbote iâ.

Jelemiia 33:11

Hanji a-nda kuívua-mu o mbimbi ia kukemba, ni mbimbi ia kusanguluka; mbimbi ia ngaiala, ni mbimbi ia dibhanga; ni mbimbi ia iá a mu tanga, exi: Ximanenu Jihova dia Ifuẋi, kuma Jihova mukua mbote, mukonda o kulenduka kuê ki kuene kúbhua; ni mbimbi ia iá a mu kuiza mu ku bheka diximanu monzo ia Jihova; mbata o kikexilu kia ixi nga-nda ku ki lungulula uila ku dimatekenu, kiene kia tange Jihova.

Kuditenda 3:25

Jihova muthu ua mbote phala ió oso a mu nhenganana muene, mbé o muthu uoso u mu bhindamena.

Daniiele 3:28

Nabukodonozolo bhenhobho uzuela, uixi: A tane-ku Nzambi ia Sadalake, ni Mizake, ni Abede-neko, ua tumu anjo iê iú uakudila jiselevende jê, a mu dielela, mbata o ngonge ia sobha a i bulu muene, iá a bhakula o mikutu iâ, mu kuiengesa kubheza jinzambi jengi, kikale ngó o Nzambi iâ.

Daniiele 6:23

Bhenhobho sobha anga u tana kiavulu ni muẋima uê, iú ua tumu kuila a zaúle Daniiele, mu ngenda; kana-phe kiẋenge kia kima kia mu sange na-kiu, mukonda uaxikanene kua Nzambi iê.

Jouele 3:16

Bheneʼobho Jihova ua kà hunza mu Ziione, ua kà bhana mbimbi iê mu Jeluzaleme, ni diulu, ni ixi ia kà teketa. Kieneʼokio Jihova phe ua kà kala lengelu dia mundu uê, muene kimbaka kia anʼa Izalaiele.

Sofoniia 3:12

Nga ka xisa muʼaxaxi kê ió oso a di tululula, ka moneka izala mba ukumbu, o jingadiama; ene a kà kala jinga thembu joso mu dielela o dijina dia Jihova.

Matesu 27:43

Ua kexi mu kudielela Nzambi, kiki a mu kudile, se ua mu mesena; kuma uambe uixi: Ngi Monʼa Nzambi!

Matesu 7:23

Benhobho eme nga kà a tangela, ngixi: Eme ki nga mʼ ijidile. Tundenu bhu mbandu iami, enu mu ati a ituxi.

Nzuá 10:14

Eme ngi mubidi uambote. Mukuâ ni Tata kia ngʼijiia, eme-eme ue ngʼejiia Tata, kiene ue ngʼejiia jimbudi jami; o jene ue ja ngʼijiia.

Nzuá 10:27

O jimbudi jami, jʼívua dízui diami. Eme ngi jʼijiia, o jene ue ji ngi kaiela.

Loma 11:22

Talesenu o kulenduka ni kutema kua Nzambi: Kua ene a di bhale, muène ua tema; ko kuenu-phe, ua lenduka, enu ki mu jiza mu kulenduka kuê. O ki mu kamba kujiza, enu ue hadia a mi batula-ku.

Ngalásia 4:9

Maji o kikiphe, ki mueza mú kuijiia Nzambi,— mba inda ngedi Nzambi ku mʼ ijiia enu,—phala-hi mu alukila dingi ku jinguzu ja jinzumbiʼ ojo ja kubhuila, ja uadiama, ji mua mesena mu kutuka dingi mu ubhika uê?

II Timote 2:19

Maji o dimanenu dia te Nzambi-phe hanji dia kolo, ki di tunguta. O ku dimikinu dienhidi dia te Nzambi, a soneka-ku exi: Ngana uejiia oso a mu tokala. Exi dingi: Muthu uoso u amba kuila ua tokala Ngana, ki bhinga ituxi u i ambula.