Nahumu 1:6 - O Mikanda Ikola

⁶ Nanhi ua kèmana bhu pholo ia njinda iê? Nanhi ua kà kolokota mu kutema kua njinda iê? Kutema kuê kala túbhia tua muzukuta, o matadi moso muene u a lundumuna.

Nahumu 1:6 ပူးပေါင်းရင်းမြစ်များ

I Jisobha 19:11

Anga muene u mu ambela, uixi: Tubhuka bhu kanga, uimane bhu pholo ia Jihova, ku mulundu iú. Anga Ngana u kala mu bhita, kubhita ue kitembu kia dikota kia nguzu, ki kala mu bazesa o milundu ni matadi u ma bula ku pholo ia Jihova; mu kitembu-phe Ngana ka kexile-mu; anga ku kitembu ku kaiela kiteketela kiaʼxi; maji mu kiteketela kiaʼxi ue Ngana ka kexile-mu.

Jobe 26:11

Jingunji ja diulu ji teketa, anga ji kala ni uoma ua ikusu iê.

Jobe 40:11

Lundulula o jingiji ja njinda ié, u talese uoso ua di zangeleka nda u mu tululule.

Jobe 9:5

Muene, muene ngó u tena kusondolola o milundu, sè athu ku kʼijiia, muene ue u tena ku i vutula kuema, ki mu kuata o kutema kuê.

Jisálamu 130:3

Eie, Jihova, se kuila u kuata konda ia ituxi ietu ioso, nanhi muene u tena kuimana bhu pholo ié?

Jisálamu 2:12

Bhombenu mona, ki mu kinge kia thathamana; kuma hinu mu diuana ku muia, njinda iê ki i uama kala túbhia. Enhó-phe a zediua oso a dielela kua Muene.

Jisálamu 76:7

Eie, eie Ngana, Ukôla! U kuata uôma! ki ku kuata o njinda ié, nanhi u tena kuimana-bhu?

Jisálamu 76:8

Kizuelu kia tundu ku diulu, kia mabatuilu mé; oxi ia kʼivu, iateketa anga i bhuuama,

Jisálamu 90:11

Nanhi-phe ua te muẋima mu kuijiia kuila njinda ié i nema? o kuluuala kué nʼa ku kala ni uôma kala kia tokala?

Izaía 10:16

Kala kiki, O Ngana, Jihova dia Ilômbo Ieta, ua kà bheka dibhèlu kua oso a nete muʼaxaxi kâ, o bhoxi dia kizunda kiâ ua kà uikabhu túbhia kala kitumba kia uama.

Izaía 13:13

Kienhiki, maúlu nga kà a tungutisa; o ixi ia kà sondoloka bhu kididi kiê, mukonda dia njinda ia Jihova dia Ilombo Ieta, ni mukonda dia kizuua kia njinda iê ia muzukuta.

Izaía 27:4

O kuthathamana, momuʼami, ki kuala-mu dingi. Mukuaʼhi muene u ngi xitila isakelu ni minha ku pholo iami mu ita? Eme ngeji ku dilukula ku thandu diâ, anga ngʼa jikatesela bhuamoxi.

Izaía 33:14

Akua-ituxi mu Ziione uoma ua a kuata, akua-mangonha kua a tula kiteketela. Mukuahi mudietu u tena kutunga bhuamoxi ni mulengu ki uene kujima?

Izaía 66:15

Mbata, talesa-ze, Jihova ua-nda kuijiia mu túbhia; o makalu mê mu kuenda mukuâ ni kitembu kia kita-phe-phe nʼa kà bilula njinda iê anga i uama, o kibazu kiê milengo ia túbhia.

Jelemiia 10:10

Maji Jihova, muene Nzambi ia kidi-èlele; muene-muène Nzambi ia muenhu, muene Sobha ua kalelà-ku; mukonda dia njinda iê oxi i tunguta, o ifuẋi-phe ilémbua kuximbakata ki mu kuata o kutema.

Jelemiia 21:12

Eie u dibhata dia Davidi, Jihova uambe kiki: Mu imene endenu ni kubatula milonga mu kidi, nda uoso a mu bhundu mu mu sukunune bhu lukuaku lua kingumba; phala o njinda iami ki i tunde kala tuia, ni i uame hé i kamba uoso u i jima mukonda dia kuiibha kua ibhangelu ienu.

Kuditenda 2:3

Kioso kia uama o njinda iê, nguzu ioso ia Izalaiele ua i batula; nguma uedi usolomoka, muene-phe lukuaku luê lua kadilu ua lu kotekʼê; ua uamena Jakobo, mukua ni mulengu ua túbhia, iu ua buidisa ima ioso ku mbandu ni mbandu.

Kuditenda 2:4

Mufula uê ua uoleka kiá ni luma, kala ki bhanga ió ua tu zembe; o lukuaku luê lua kadilu, ua lu suinisa mukuâ ni nguma; ima ioso ia uabhele kiavulu ku mesu mu balaka ia kilumba kia Ziione, muene ua i jikinisa-mu. Ua lundulula-mu o njinda iê kala túbhia.

Kuditenda 4:11

Jihova ua kumbidila o njinda iê, ku muẋima kua mu zele kiua; uaiukula o mualala ua njinda iê ia uamesa túbhia mu Ziione katé ni ku madisesa bhoxi.

Izekiiele 21:31

Hé nga kà lundulula o njinda iami ku thandu dié, o mu kuzoka nʼeie nga kà bhusila o túbhia tua kutema kuami kokué, anga ngi ku bhakula bhu maku a iiala ia handamana, athu ejidila kujibha, akua kufunha kibuika.

Izekiiele 30:16

Mu Ijitu nga kà uika-mu milengu ia túbhia; o Sine ua kà kala ni misusu ia ndumba, o Nôno ua kà baza, o Nofe ua kà kala ni dinhengena mu izuua ioso.

Izekiiele 39:6

O Mangongo nga kà mu tumikisa túbhia, ni muʼaxaxe ka ió a tungu a somo mu ikolo; anga a kʼijiia kuila eme ngi Ngana.

Izekiiele 7:8

Ni lusolo luoso nga-ndu lundulula o njinda iami ku thnadu dié kindala, anga o kutema kuami ngi ku londekeza muene kokué, hé ngi ku fundisa kala kia tokala mu jinjila jé, o maufusa mé moso anga ngi ku tudika na-u ku thandu.

Nahumu 1:2

O Ngana, uene Nzambi ia difuba, mukua kuvutula phonzo; o Ngana u kaxtikala, uezala ni njinda; O Ngana u vutula phonzo ku oso a mu kuatela luma; o jinguma jê u a bhakela njinda ka a kuatela henda.

Sofoniia 2:2

Kioso ngongo kiluua itunda, kizuua kiluua kiza kia kubhita kala ibhiate ia-lu phephuluka ni kitembu, kioso njinda ia Ngana kiluua iza, kuthandu dienu, xi, kioso kizuua kia njinda iê ku thadu dienu kiluua kiza.

Malakiia 3:2

Maji nanhi ua kà kolokota bhu kizuua kia kuiza kuê? Mba nanhi ua kʼèmana-bhu kioso muene kia kà tukuluka? Mukonda muene ua kà kala mukuâ ni túbhia tua musudi-a-thumba; ua kà di fuangana kala nzabá ia musukudi.

Malakiia 4:1

Talesenu mukonda, kizuua kiókio kia-nda kua kèza, kiza ni kuuama kala kidijiku kia túbhia tua muzukuta, ene oso a di zangeleka, akua izala, ni iá oso a bhanga ima ia ufusa, a kèla kala iangu ia mbúdila; mu kizuua kiókio kiala kuiza-ku, a kà uama muene katé abhu-bhu, kiene kia tanga Jihova dia Ifuẋi; ki bhua kà a xala lundanji né luthangu.

Dijingunuinu 16:1

Anga ngʼivua dízui dia suina mu Tembulu, di ambela sambuadi dia anju, dixi: Ndenu, mu lundulule mu ngongo o sambuadi dia nganza ia njinda ia Nzambi!

Dijingunuinu 16:8

Anju ia kauana anga u lundulula nganza iê ku thanduʼa dikumbi, diene anga a di bhana o kuaula athu ni túbhia.

Dijingunuinu 6:17

Kuma o kizuua kia dikota kia njinda iâ kia tula! O u tena kuimana-bhu, mukua-hi?