Nahumu 1:5 - O Mikanda Ikola

⁵ Bhu pholo iê milundu ia makota itunguta, o milundu iofele isengumuka; oxi ia kà di nhikisa bhu pholo iê, ni ngongo, ni oso a tungu-mu.

Nahumu 1:5 ပူးပေါင်းရင်းမြစ်များ

II Samuuele 22:8

Bhenhobho ixi anga i tunguta, i kala mu zemana, madisesa ma diulu ma zamba, anga ma tunguta, mukonda njinda ia mu kuata.

Jobe 26:11

Jingunji ja diulu ji teketa, anga ji kala ni uoma ua ikusu iê.

Jobe 9:5

Muene, muene ngó u tena kusondolola o milundu, sè athu ku kʼijiia, muene ue u tena ku i vutula kuema, ki mu kuata o kutema kuê.

Jisálamu 104:32

Ua bhingi se oxi u i zongola, i teketa; milundu u i bhabha, i fuafua dixi.

Jisálamu 114:4

Milundu ia petajaka ni ngalasa kala ilumbe ia jimbudi, tuthuthulundu tua tonoka kala tuana tua ibhaku.

Jisálamu 114:6

Mu milundu mua petajaka kala ilumbe ia jimbudi? mu tuthuthulundu mua tonoka kala tuana tua ibhaku?

Jisálamu 18:7

Bhenhobho ixi i tunguta, hé i teketa; madisesa ma milundu ma setuka bhu kididi; kua teketa mukonda njinda ia mu kuata.

Jisálamu 18:8

Mu mazulu mê mu fuafua dixi, o mu kanu diê mu tuka túbhia tuia ni kuaúla; tu uika muene makala.

Jisálamu 46:6

Matumbu edile ni ene bulukutu, o ilômbo ioso ia salumukine; maji muene uedi ngó u zuela, ixi ioso ia botomoka!

Jisálamu 68:8

Ixi i kala mu tunguta, ku diulu ku sonoka mvula, mu kumona Nzambi ua tukuluka; Sinai iú u teketa iuná mu kumona Nzambi, Nzambi ia Izalaiele.

Jisálamu 98:7

Kalunga ka zume, ni mabhuku mê moso; mikáu ia kanga i di kole, ni athu oso a tungu momo.

Makatukilu 19:18

Mulundu uoso ua Sinai anga u kala mu tuka dixi, mukonda Jihova ua tulukila ku thandu diê muʼaxaxe ka túbhia, dixi diê anga di banda kala dixi dia kidijiku kionéne mulundu uoso anga u teketa, uia ni kutunguta kiavulu.

Izaía 24:1

Talesa, Jihova, ua kà kukumuna oxi anga i xala ngoho, ua kà i bhanga ngundu, o ku thundu diê u tandanganhesa-ku, u i bonguesa, oso a tunga-mu ua kà a muanga.

Izaía 24:20

Oxi ia kà bhendujuka muene kala hôlua, itunguta, itona, kala kitelembe a ki nhikisa mʼusuku; mulonga uê a kà u xina ku thandu diê; anga idibhala; o ki iia kiá bhoxi, ki ia kà bhetuka dingi.

Izaía 5:25

Ki kia bhangesa o njinda ia Jihova ku uama ku thandu dia mundu uê, iú ua sunununa lukuaku luê, iú ua a bhana kaxitiku, katé ni milundu ia teketa; o imbi iâ iedile kala maxita muʼaxaxi ka nzunga; ku thandu dia iosuʼiii, njinda iê ki ia suku, maji lukuaku luê hanji ua luʼoleka.

Jelemiia 10:10

Maji Jihova, muene Nzambi ia kidi-èlele; muene-muène Nzambi ia muenhu, muene Sobha ua kalelà-ku; mukonda dia njinda iê oxi i tunguta, o ifuẋi-phe ilémbua kuximbakata ki mu kuata o kutema.

Jelemiia 4:24

Tala, nga kengelela milundu, nga i mono i teketa; o malundu me moso ma di nhika-nhika.

Izekiiele 38:20

kia kà bhinga katé ni jimbiji muʼalunga ja kà teketa bhu pholo iami, ni jinjila ja diulu, ni iama ia mikáu, ni ibamba ioso i zanzala bhoxi, ni athu oso kiabhu ala ku thandu dia mavu a ngongo; o milundu ia kà butumuka, o makôlo a kà sengumuka, o imbaka ioso ia kà di bhala bhoxi.

Jouele 2:10

Mu ku a mona ixi ia kà teketa, maúlu a kà di tungutisa, a kà zamba; ni dikumbi ni mbeji a kà di teka hé a kà xiketela, jithéthembua kubenha kuâ a kà ku katula-ku.

Amoji 9:5

Kuma Jihova, Jihova dia Ilômbo Ieta, Muene ngó ua bhingi kuila se oxi u i tuta ngó, iene i sengumuka, o ene oso a tungu-mu a dila jingololo ja kalunga! O ixi iene-phe ienda ni kubanda kala kihonga kionéne kia mu di bhanga masenza, hé ia kà jikinina mukua ni ngiji ia Ijitu.

Mikeia 1:4

O milundu bhoxi dia inama iê ia kà sengumuka, ni jihonga ja kà dibula misula mukuâ ni kixila kia uiki kia zukama ku túbhia, mukuâ ni menha ki ma lundumukina mu dikenhe.

Habakuke 3:10

O milundu ia ku mono, ì ia teketa; kua bhiti kihungulule kia menha; o dikungu dia mukiukuluku, ki di moneka hole, a dʼivu dízui diê ni kuleka muene o maku mê bhulu.

Zakadiia 4:7

Eie nanhi, mulundu ua dikota? Bhu pholo ia Zolobabele ua kà kituka-phe u kiphenza. Kuma muene ua kèza ni di tadi dia sukidila-ku dia thunge, ni ku mu tela o kikoue, kuila: Èue! Èue, tadi dienhʼidi!

Malakiia 4:1

Talesenu mukonda, kizuua kiókio kia-nda kua kèza, kiza ni kuuama kala kidijiku kia túbhia tua muzukuta, ene oso a di zangeleka, akua izala, ni iá oso a bhanga ima ia ufusa, a kèla kala iangu ia mbúdila; mu kizuua kiókio kiala kuiza-ku, a kà uama muene katé abhu-bhu, kiene kia tanga Jihova dia Ifuẋi; ki bhua kà a xala lundanji né luthangu.

Matesu 27:51

Kibatulu kia Tembulu anga ki tanduka mu ʼaxaxe, tunde ku thandu katé bhoxi. Oxi anga i tunguta, matadi ma baza;

Matesu 28:2

Talesa-phe, oxi ia tungutile kiavulu. Mukonda anju ia Ngana ia tulukile ku diulu, iu ueza, ua kundumuna o ditadi, hé u xikama-ku.

Dijingunuinu 20:11

Kia bhiti imʼíii, nga mono kiandu kia dikota kizela, ni muène ua xikama-bhu. O mu kulenga pholo iê, oxi ni diulu ia jimuka, ki ia moneka dingi ku mesu.

Dijingunuinu 6:14

O diulu anga di muangana-ku, mukuâ ni mukanda ki u di futa-futa. O milundu ioso ni ikolo ia sondoloka bhu kididi.

Afundixi 5:5

Milundu ia botomoka bhu pholo ia Jihova, katé ni ua Sinai, kia mu tukulukila Jihova, Nzambi ia Izalaiele.