Nahumu 1:4 - O Mikanda Ikola

⁴ Muene u bateka musanza ua kalunga, hé u u kukutisa; o jingiji joso jithothuena; Baxane ni Karmelu, a botomoka, o fololo ia Libano i xoueta.

Nahumu 1:4 ပူးပေါင်းရင်းမြစ်များ

Dimatekenu 8:1

Nzambi anga u lembalala Noué, ni iama ioso ia muenhu, ni ibhaku ioso iala-nê mu álaka; Nzambi anga u bhangesa kitembu kubhuka mu ngongo, menha ma kala mu sosoloka.

II Samuuele 22:16

ikhobo ia musanza anga i moneka, katé madisesa maʼxi, ma xala ku kanga.

Jobe 38:11

Anga ngi uambela, ngixi: Ua-nda kuiza ndú bhabha, kutena dingi kuia ku pholo, o bhenhabha bhene bhua kà tolokela o nguzu ia mabhuku mé?

Jisálamu 104:7

O ki ua a tumu dingi, a lenge; evu ngó o dízui dia kinuminu kié, exi etu tu texe-ú.

Jisálamu 106:9

Kalunga Kakusuka ua ka temena, ka kukuta; iú ua a bhitisa koxi a menha kala ku mukáu kuala.

Jisálamu 114:3

Kalunga kioso ki ka mono, ka mu lenge o pholo; menha ma Njolodá ma vutuka kua tundu.

Jisálamu 114:5

Ihi kia ku kuata, u kalunga ka lenge? ni eie u Njolodá, ua vutuka o menha kua tundu?

Jisálamu 18:16

Nzambi lukuaku luê ua lu sunununa muene tunde ku diulu kuala; iu ua ngi kuata, íu ua ngi sunga, nga bhondalala mu menha mavulu.

Jisálamu 74:15

Eie ua jikula otho phala mu fuafue menha ma di bhange ngiji; eie ue ua kukutisa jihonga nuka mua kambele menha.

Izaía 33:9

Oxi ikema, ia zoza, i i ta ngololo; Libano u kala ni sonhi, hé uia ni kuxoueta; Salone ua biluka kikangalakata; Baxane ni Kalamelu mafe mâ ma lalumuka.

Izaía 42:15

Ni milundu ni tuthuthu-lundu ngʼi bilula oxi ia kisèkele, o isasa iê ioso ngi i kukutisa, o jingiji nga kà ji kitula ikolo, o mazanga ngi ma thothuenesa.

Izaía 44:27

O musanza uazongo ngi u ila: Kukuta! Eme hé ngi kukutisa o jingiji jê;

Izaía 51:10

Ki eie-muène ua kukutisa o menha mu musanza ua kalunga, o menha ma mukiukuluku uonéne, o mu nzongolo ia kalunga anga u bhitisa-mu njila phala o jihule muene mua bhitila?

Izekiiele 30:12

O jingiji nga kà ji kukutisa, anga ixi nga kà i sumbisa, ni ku i bhana bhu maku ma athu a bhukumuka, hé o ixi ni kuizala kuê kuoso nga kà i buikisila ku lukuaku lua athu engi; eme, ngi Jihova, nga ki tange.

Izekiiele 38:20

kia kà bhinga katé ni jimbiji muʼalunga ja kà teketa bhu pholo iami, ni jinjila ja diulu, ni iama ia mikáu, ni ibamba ioso i zanzala bhoxi, ni athu oso kiabhu ala ku thandu dia mavu a ngongo; o milundu ia kà butumuka, o makôlo a kà sengumuka, o imbaka ioso ia kà di bhala bhoxi.

Amoji 1:2

Hé uzuela, uixi: Jihova ua kà hunza mu Ziione, ua kà bhela mbimbi iê mu Jeluzaleme; mu kikála mua tungile jinge o tubhila muà kala mukondo, o bhu thala ia mulundu ua Kalumelu bhua kà kukuta.

Amoji 5:8

Sotenu-phe ió ua bhanga o jithéthembua ja Ndumbe ia Ngombe, ni jithéthembua ja Mbuá ni Mbuiji ni Muthu; Ió ua bhingi o kuvunda kua usuku u ku lungulula kimene, o muanha u u lungulula usuku; uixana menha a musanza ua kalunga anga u a lunduluila ku thanduʼa mavu a kukuta. Jihova, diene o dijina diê.

Matesu 8:26

Muène-phe ua ambela, uixi: Mualela-hi ni uôma, enu mua tolo o kuxikana? Anga u fundumuka, u bazela o kitembu ni menha ma kizanga; kuma anga ku tululuka, ku di xibha kiambote.

Josuué 3:16

Bhenhobho menha oso ala kutunda ku thala emana, a di lunjika kala mulundu, anga a di zala ku thala muene, katé mu kuia bhu mbonge ia Adane bhua lulama ni Zeletane; o menha-phe ala kuia ku luiji a batuka ku akuâ, anga aia ni honga katé mu kizanga kia môngua; kifuẋi anga a zaúkila bhabha bhua lulama muene mu Jedikó.