Nahumu 1:2 - O Mikanda Ikola

² O Ngana, uene Nzambi ia difuba, mukua kuvutula phonzo; o Ngana u kaxtikala, uezala ni njinda; O Ngana u vutula phonzo ku oso a mu kuatela luma; o jinguma jê u a bhakela njinda ka a kuatela henda.

Nahumu 1:2 ပူးပေါင်းရင်းမြစ်များ

Jobe 20:23

Ku kala-phe hanji ima i tena kuizalesa o divumu diê, Nzambi ua kà mu tumikisa o kutema kua njinda iê, anga i kala mu kunoka ku thandu diê, kioso kia kala mu kúdia.

Jisálamu 94:1

U Jihova ua tokala o kubhesa o kaxtiku, u Nzambi u tokala kuzôkéla, tukuluka ni kubenha kué.

Makatukilu 20:5

Kana ku i fukamena, kana ku i bheza; kuma eme Jihova, Nzambi ié, ngʼene ngi Nzambi ia difuba; ana ngʼa a bhesa kaxtiku mu ituxi ia jitata, katé ku mululu ni ku muláula ua iá a ngi zemba,

Makatukilu 34:14

Mukonda eie, Izalaiele, kana ku bheza jinga nzambi iengi, kuma Jihova dijina diê Difuba, ka ẋikina kuila ku kala mukuâ, mukonda muene Nzambi ia Difuba.

Makatukilu 34:7

Jihenda jê ji nangenena ku jimidi ja miji, hé u loloka o kubhukumuka, ni kuxibhaka, ni ituxi, maji ka ẋikina-phe kueha muedi ni ku mu ila ualungu, o kubhukumuka kua jitata, ku bhiẋika kuxixima ku ana ni alaula, katé ku muiji ua katatu ni ua kauana.

Izaía 42:13

Jihova ua-nda kutubhuka mukuâ ni kindanda; ua-nda ku di-ambatesa ni huii kala ki bhanga o dikuenze dieta; u kola, u ta kibulukutu kionéne, anga u tolola o jinguma jê.

Izaía 51:17

Phaphumuka, phaphumuka, u balumuke, Jeluzaleme, tatʼeie! Uanu dikáu dia njinda ia Nzambi, dia tundu bhu luakuaku luê; dikáu dia kubhendujuka eie ua di zunzumuna muene, ni iẋiẋi iê ua i xibhi.

Izaía 51:20

O anʼéambuka kiá, usanga a tandelela mu mabokuenu ma jinjila joso, edi kala jisoko jafu mu uanda; a bhondalala, ni kutema kua Jihova, ni kibazu kia a bazela Nzambi ié.

Izaía 66:15

Mbata, talesa-ze, Jihova ua-nda kuijiia mu túbhia; o makalu mê mu kuenda mukuâ ni kitembu kia kita-phe-phe nʼa kà bilula njinda iê anga i uama, o kibazu kiê milengo ia túbhia.

Jelemiia 25:15

Kuma Jihova, o Nzambi ia Izalaiele, ua ngi tangela kiki: Tambula nganza iii, ia vinhu ia njinda iami nda miji ioso, kuoso ku ngi ku tumukisa, u a bhane kunua-ku.

Jelemiia 28:8

Jipolofeta ja tu diangelelè-ku, ni eme ni eie, tundé mʼukulu-kulu a zambula jinga ima ia kukanena jixi ja vulu ni mautuminu a makota, ita ni mavuua ni kipheku.

Jelemiia 3:5

Manhi njinda ié ua-nda ku ijijila katé ku hadia ni hadia? Inga ua-nda ku i bhaka izuua ioso? Talesa-ze eie uene kuzuela ni ku bhanga ima iaiibha, o mu ima iaiibha ienhiʼii muene-muène mu u xalela.

Jelemiia 36:7

Amoxi o kudionda kuâ ku sonokena bhu pholo ia Jihova, kala muthu a bhane dikunda ku njila jê ja ibha mukonda njinda ia Jihova ia dikota ni kutema kuê kuene mu ku di londekeza na-ku mu ku bilukila o athu iá.

Jelemiia 4:4

Di saiesienu phala Jihova, humbulenu o mabôlo ku miẋima ienu, enu mu mala ma Juda, nʼenu mua tunga mu Jeluzaleme, mua lengesa kuila o njinda iami hinu ki i bambuke kala tubhia, ni tu kuata kulema anga a lembua ku tu jima, mukonda dia usuéia ua ikalakalu ienu.

Jelemiia 50:15

Te-nu nzongo ia kuzoka-nê! Mu kondolokienu! Muene ue ua tolokʼê kiá! Madisesa mê ma lundumuka, o imbaka iê iòbule. Mukonda iii iene o phonzo ia Jihova; mu vutuidienu ditota; kioso kia bhange muene kiene ki mu mu bhanga ue.

Kuditenda 4:11

Jihova ua kumbidila o njinda iê, ku muẋima kua mu zele kiua; uaiukula o mualala ua njinda iê ia uamesa túbhia mu Ziione katé ni ku madisesa bhoxi.

Izekiiele 36:6

Kala kiki, o ixi ia Izalaiele zambuila-iu, u tangele o milundu ni tuthuthulundu, ni jingiji ni jihonga, uixi: O Jihova Nzambi uambe kiki, uixi: Talesa-ze, kuila eme nga zuela mu muanu uami ni mu njinda iami, mbata enu muʼambata ku thandu dienu o môndo ua akua matumbu.

Izekiiele 38:18

Jihova Nzambi uixi: Kia-nda kua kà bhita-phe, bhu kumbiʼodio, mu j kizuua kia-nda kua kʼèza Ngongo mu kúlua ni ixi ia Izalaiele, kuila eme o njinda iami ia kà ngi banda mu mazulu.

Izekiiele 38:19

Mbata o mu muanu uami nga kiambe, ni mu kutema kua túbhia tua njinda iami, kuila o mu kizuuʼokio kua nda kukala kiteketela kia dikota mu ixi ia Izalaiele;

Izekiiele 39:25

Kala kiki, o Jihova Nzambi uambe kiki, uixi: O ki-ndalʼiki, o jihutile ja Jakobo nga-nda kuiza-na-ju dingi, anga ngi kuatela henda o muiji uoso ua Izalaiele; o dijina diami dikola nga kà di kuatela muanu;

Izekiiele 5:13

O njinda iami hé i di kumbidila momuʼé kienhiki, o kuthathamana kuami anga ngi ku zubha kienhiki o vondadi, ku muẋima ni ku ngi zele; nda a kʼijiie kuila eme ngi Ngana nga ki zuela mu muanu uami, kioso ki a-nda kumona o njinda iami ia di kumbidila momuʼâ.

Izekiiele 6:12

Uoso uala dikanga, uanda kúfua ku dibhebhu, ió uala bhua butu, ua kà tèmbuka ku xibhata; o uoso u xalela masubhu, kia mu kondoloka ua kà fua ni nzala; nga-nda kumbidila muene o njinda iami ku thandu diâ.

Izekiiele 8:18

Kala kiki, eme ue nga-nda ku a vutuila ni njinda ioso; o diesu diami ue ki dia-nda kukondeka mba ngi kala ni henda; né-mbe hanji a ngi kolela mu mátui ni nguzu, eme ki nga-nda kua evua.

Jouele 2:18

Bheneʼobho Jihova ua kà kala ni muanu uaʼxi iê, kifuẋi kiê ua kà ki kuatela henda.

Ijila 26:28

Eme uami ngi ẋinukina-ku kiá muene, mu ku mi bhanga kiaiibha; anga ngi mi beta dingi mu lusambuadi lua tundu akuâ, kingumba o ituxi ienu.

Mikeia 5:15

O miji ioso iaditunu o kuívua, eme nga kà i vutuila phonzo, kuma nga kà i beta ni njinda ni kutema.

Mikeia 7:18

Nzambi, nanhi muene u soka nʼeie, eie u loloka o ituxi anga o kubhukumuka kua mbandu ia iá a subhuka ku undundu ué u ku jimba kiá? Ngana kene kuila o njinda iê u i bhaka katé ku hádia ni hádia, mukonda muene kia mu uabhela kiavulu, o ku kuatela henda.

Zakadiia 1:14

O anju ia kexi mu kuzuela ni eme anga u ngambela, uixi: Tá nzongo kuila: Jihova dia Ilombo uambe kiki: Ni muanu ua vulu, ngene mu ku langa Jeluzaleme ni Ziione.

Zakadiia 8:2

Jihova dia Ilombo Ieta uambe kiki: Ziione nga mu lange ni muanu uoso; ni difuba dia vulu Ziione nga mu lange muene.

Dialuilu 25:11

Finehase, monʼa Eleazale, monʼa nganga Alá, muene uebhesa njinda iami iandekela kukuata Izalaiele, kuma kituxi muʼaxaxi kenu kia mu iibhila kala eme ki kia ngi iibhila, kiene kia ngi fudisa kubuikisa anʼa Izalaiele, kuma kia ngi iibhila kiavulu kia bhange.

Loma 12:19

Phange jami, ki mu kale mù vutula phonzo ku muthu uoso-uoso. Inda mu ehela o njinda ia Nzambi o kubhana kaxtiku. Kuma a ki soneka mu Mikanda Ikôla, exi: Phonzo ia ngi tokala eme ngi Ngana, eme-muène ngi futa.

Loma 13:4

Mbata o atumini ala jingunza ja kikalakalu kia Nzambi phala ku ku bhanga eie mbote. Maji se u bhanga imbamba iaiibha, a kuate uôma, mukonda ene ala ni kutena kua ku ku bhana kaxtiku. Mukonda ene ala jingunza ku kikalakalu kia Nzambi, phala kubheka o kaxtiku kê ku thandu dia oso a bhanga kiaiibha.

Matendelelu 4:24

Mbata Jihova Nzambi ié-ze ua di bhanga túbhia tua muzukuta, uene Nzambi ia difuba.

Matendelelu 7:10

Muene ue mukua kubhana futu pholo ni pholo kua ió oso a mu zemba, anga u a bhangesa kujimuka muene nzaká! Ió uoso uzemba Nzambi, muene ue ulenguluka ku mu bhana futu iê; ka muehela, kana.

Jihebeleu 10:30

Kuma tua mu ijiia uoso ua ki zuela uixi: O kubhana o kaxtiku kua ngi tokala eme, eme-muène nga kà bhanga-nê o jikonda. Mukuâ ue uambe uixi: Ngana ua kà fundisa o mundu uê.

Josuué 24:19

Josuué-phe uambela o kifuẋi, uixi: Kana, ki mua-nda kutena kubhikila Jihova, mbata muene Nzambi ia kuzela ni kuiuka, Nzambi ia difuba, muene ikuma ienu ka kà i loloka, ka kà loloka ituxi ienu.

II Phetele 2:9

Kienhiki Nzambi uejiia kukudila akua uôma uê muʼ axaxi ka kudianguka, o akua ikuma u a bhaka katé bhu Kizuua kia Kufundisa, kuma a xikamena kaxtiku.