Mukumbi ua Mikumbi 7:9 - O Mikanda Ikola

⁹ O kutouala kua jibeju mukuá ni vinhu ia uabha kiambote. Xi, mukua ni vinhu ia di kenze kiambote phala kazola kami, a inua ni kulembakata kuoso, vinhu i bhangesa kuila o mizumbu ia athu aii ku kilu ienda ni ku zuela.

Mukumbi ua Mikumbi 7:9 ပူးပေါင်းရင်းမြစ်များ

Jisabhu 16:24

Maka ma kilendu, kixila kia uemba; ma toualesa muenhu, anga mʼelukisa ifuba.

Jisabhu 23:31

Vinhu ku i tale ki u i mona o ku kusuka, ki ila mu kopho nguí, anga i thuthuma kifulu hé i kenzuluka kimuanu.

Mukumbi ua Mikumbi 2:14

Izá, phomba iami, tata, eie ua tunga mu jingenda ku jindanji ni mu ididi ia di sueka ku matadi a di leka, ngidikize pholo ié, bhangesa kuila dízui dié ngi dʼivua, kuma o mbimbi ié ia touala, o pholo ié i bhekela kizola!

Mukumbi ua Mikumbi 5:16

O uzuelelu uê u touala, ni uene nzué! Amah! Kidi muene! Nanhi u kamba ku muʼinda, ua uabha kiki! Kienʼiki kiala kazola kami, kienʼiki kia kala muadi uami, tata! enu anʼa ilumba mu Jeluzaleme!

Mukumbi ua Mikumbi 5:2

Eme ngele ku kilu maji muẋima uami moxi ua tonoʼê. Ngividila dízui dia kazola kami ua mu ṗhuṗha, uixi: Ngi jikuile, ngi jikuile phangʼiami ia muhatu, ngi jikuile kazola kami! Phomba iami! Nzela diami! Mukonda mútue ua ngʼizala ni dimume, jindemba ja ngʼizala ni mabêbe a mbundu ia usuku.

Loma 13:11

Nga ki ambe kuila enu mua fuama mu bhanga kieniiki, mukonda o thembu i tuala mua ijiia. Kumbi diezabhu kiá, dia kubalumuka ku kilu. Mukonda, kiki o kubhuluka kuetu kua zukama dingi kiengi, ki ki soko ni ki tua mateka o kuxikana.

Efezo 4:29

Ki mu tunde ndaka iabolo mu kanu dienu. Maji o kuzuela kuenu ku kale kua kukuatekesa akuenu kukula mu kuxikana ni a mone kioso kia bhindamena, phala kuzuela kuenu ku bhange mbote kua oso evua.

Kolose 4:6

O kuzuela kuenu ku kale kua ujitu, kuotoue ni môngua, phala uoso ua mʼibhula, mu ijiie ku mu vutuila kiambote ni ujitu.

Jihebeleu 13:15

Mukonda dia Jezú Kristu tu bhanienu kilumbu kia kuximana jinga Nzambi. O diximanu didi, iene o sata i tua bhakula—ujitu ua tundu ku mizumbu i fisala o dijina diê.

Dijingunuinu 14:13

Anga bhenhobho ngʼívua dízui di tunda mu diulu, dixi: Kiki soneka-kiu; Azediua o madifundu tundé kiki a fuila mu kikalakalu kia Ngana! O Nzumbi ia Nzambi anga uitaia, uixi: Eua! Kiokio kidi muene! Mukonda ene a kà nhohaku kiá ku ikalakalu iâ, ia hadi, mbata o mbote i tunda mu kukalakala kuâ, a kàia na-iu.