Mukumbi ua Mikumbi 4:9 - O Mikanda Ikola

⁹ Ua ngi katula o muẋima moxi, phangʼiami ia muhatu, tata! bhànga diami! Miẋima moxi ia ngi bhu-mu, kiene ki ua ngi iale ngó lumoxi, miẋima moxi ia ngi halumuka-mu, ni dikoladi dimoxi ngó dia xingu ié!

Mukumbi ua Mikumbi 4:9 ပူးပေါင်းရင်းမြစ်များ

Dimatekenu 20:12

Bhua mukuá dingi phange iami ia muhatu muene, ki makutu; kuma tata ietu imoxi mama jiiadi; eme nga mu sakana.

Dimatekenu 41:42

Bhenhobho Falaó anga u katula o nela iê ia sineta mu mulembu, u i ta mu mulembu ua Zuze, u tuma ku mu zuika izuata ia linho ia fina, u mu ta lubhambu lua ulu mu xingu;

Jisálamu 45:9

Ilumba i ku kauidila, anʼa jisobha; o bhu mbandu ié ia dilu, bhene bhua ku imanena o díbhanga, na mvale, ua kembe ni ulu ua iuka kinéne ua Ofidi.

Jisabhu 1:9

Kuma ima ienhiʼii ia kà di bhanga kiene o kitundu kia kuzediua ku mútue ué, ni jinzenzela ja kunhenga mu xingu ié.

Jisabhu 6:25

Uuabhelu ua pholo iê ki u ku sendule mu muẋima ué; muene kia kuata ku ku talesa, mesu mê kana ku a ehela ku ku diangula.

Mukumbi ua Mikumbi 1:10

Tu matama tué kuúabha kuahi, mu makembu mé. O xingu ié u sanga iaiuka ki i kala mu makoladi.

Mukumbi ua Mikumbi 1:15

Eie ua uabha, tata! Kamba diami! Eie ua uabha, tata! Mesu mé medi kala ma jiphomba.

Mukumbi ua Mikumbi 3:11

Tundenu, enu mu anʼa ilumba mu Ziione, mu tale Sobha Solomá ni kitundu kia mu tula ku mútue kuala mamʼâ, mu kizuua kia bhenga o dibhànga diê, mu kizuua kia kusanguluka kua muẋima uê.

Mukumbi ua Mikumbi 4:10

Jihenda jé kuuabha kuahi, phangʼiami ia muhatu, tâta! Jihenda jé kuuabha kuabhi, muhatuʼami, tata! Lukuẋi luosuʼulu o henda ié ia beta kota mu kuuabha o vinhu ndenge! O maji mé ma nuha kiengi, ima ioso ia dizumba ndenge!

Mukumbi ua Mikumbi 4:12

Ua di bhanga kala kadíbhia ka itulu kʼoxitile, phangʼiami, tâta, bhànga diami! Ua di bhanga kala otho ia menha iòjike, uedi kala fiẋi iote kidimbu ia kambe ku i jikula.

Mukumbi ua Mikumbi 6:12

Ki kia bhiti-phe, ki nga kʼijiia, maji nga tukumuka a ngʼambata mu dikalu dia kifuxi kiami ki kôla.

Mukumbi ua Mikumbi 6:5

Mesu mé katula-u kokuami u talele kuengi, kuma ki u ngi tala, mukutu uami u zamba ngi teketa. O jindemba jé jedi kala kilunga kia jihombo ja mu dila ku mulundu ua Ngiliiade.

Mukumbi ua Mikumbi 7:10

Eme ngi uangene ua kazola kami; o muene ue ua mu dʼivua kala ngala ku mu sunga.

Izaía 54:5

Mbata Mubhangi ué muene munumiʼé, dijina diê Jihova dia Ilombo Ieta; o Dilemba Ukôla dia Izalaiele, muene Mukudi ué; muene a kà mu ixana exi, Nzambi, Langela-Ngongo.

Izaía 62:5

Kala munzangala ua diiala kia sakana ni kilumba, kiene ue anʼé kia-nda kusakana nʼeie; kala ngaiàla kia sendukila o dibhanga, kiene ue Nzambi ié kia-nda ku ku sendukila eie.

Izekiiele 16:11

Nga ku kembesa ni makembu ma soko, eme nga ku te malenge mu maku, ni musanga ua makoladi mu xingu.

Izekiiele 16:8

Eme-phe, mu kubhita bhu mbandu ié, nga ku mono, tala, o ki nga kuidi suí, nga ku mono kuila ua bhixila mu kithangana kia ku ku ta iambu; anga ngʼoleka o muxiku ua thanga iami ku thandu dié, hé ngi vunga o tuẋi ié; kienhókio nga ku lokela, eme nga bokona mu kikutu ni eie, kiene kiambe Jihova Nzambi; eie kiá ua kituka u uami.

Daniiele 5:7

Sobha hé uta nzongo, uixi: Ngi bhekedienu bhabha oso jimesene ja iphata, ni akua Kaldeia, ni azambudi oso. Sobha anga uzuela, u ambela jinjimu ja Babilónia uixi: Uoso u tena kutanga mixinda iosoneke iii, na ngi jingunuina o dijimbuluilu dié, a-nda ku mu zuika thanga ikusuka, hé a mu zuika lubhambu lua ulu mu xingu, o mu utuminu uaʼxi a mu bhana-mu kididi kia katatu.

Sofoniia 3:17

O Jihova, Nzambi ié, uala muʼaxaxi ké, u ku bhulula ni kutena kuê, Muene ue u kala jinga mu sangulukila momué-eie; u batama jinga mu henda iê ia ku kuatela kizuua ni kizuua, u tana jinga momué ni ngalasa iavulu, kala mu izuua ia fesa.

Matesu 12:50

Mbata uoso u bhanga o vondadi ia Tata iami uene mu diulu, muène phange iami ia diiala, muène phange iami ia muhatu, muène mamʼetu.

Nzuá 3:29

Mu ukaza, uoso uala ni dibhanga, muène nga-iala. Dikamba-phe dia ngaiala, ua mu imanena ngó ni ku mu ívua, u sanguluka kiavulu, mukonda dia kuívua dízui dia nga-iala. Eme uami ki ngʼ ívua ioso ia-lu bhita, kuene o kuzediua kuami, kua ngi soko.

I Kolindo 9:5

Kifua eme ki ngala ni ukota ua kuenda ni muhatuʼ ami se uala muxikani, uila ki bhanga o jipoxolo ni akuetu, ni jiphange ja muene Ngana, ni Phetele?

II Kolindo 11:2

Nga mi kuatela muene difuba, kala difuba dia mi kuatela Nzambi. Nga mi te iambu, ngandala ku mi bheka kala muhatu ua ujitu, ua monʼa kilumba kua muadi uenu umoxi, muène Kristu.

Dijingunuinu 21:2

Anga eme, ngi Nzuá, ngi mona o Mbanza Iangene, Jeluzaleme iòbhe, iala mu tuluka ku diulu. Ia mu tunda kua Nzambi, ia di iudika kiambote, ia kembe mukuâ ni dibhanga dia kembela kuia mu kutakanesa ni muadi uê.