Mukumbi ua Mikumbi 3:4 - O Mikanda Ikola

⁴ O ki nga a xi ngó bhuòfele, kazola ka muenhu uami nga mu sange. Nga mu naminina, ki ngi mu ehela dingi, katé ki nga mu bokuesa mʼonzo ia mamʼetu, ndú mu xilu da ió ua ngi vuala.

Mukumbi ua Mikumbi 3:4 ပူးပေါင်းရင်းမြစ်များ

Dimatekenu 32:26

O muenhú anga u amba, uixi: Ngehe kiá ngiie, kuma ku kúkia kiá. Muene-phe, uixi: Ki nga-nda ku ku ehela kuia, se u kamba ku ngi bhana o dibesá.

Jisabhu 4:13

O ulongelu ua ku kubazela, ku uehe; lunda-u muene, kuma uene o muenhu ué.

Jisabhu 8:17

Nga zola oso a ngi zola, a di meneka mu ku ngi sota a ngi sanga muene.

Mukumbi ua Mikumbi 1:7

Ngi tangele-phe hanji, eie kaiala a kuzola kuala o muenhu uami: Kuebhi kua mu dila o kilunga kié? O mu kaẋi ka muanha uatu, o kilunga kié ki nhohena kuebhi? Phala ki ngi kale mu kunhunganena ngó bhu mbandu, a ilunga ia akuenu.

Mukumbi ua Mikumbi 6:12

Ki kia bhiti-phe, ki nga kʼijiia, maji nga tukumuka a ngʼambata mu dikalu dia kifuxi kiami ki kôla.

Mukumbi ua Mikumbi 7:5

O mútue ué ua di leka kala mulundu ua Kalamelu; o jindemba ja mútue ué mukuá ni thanga ia pulúpula ia kusuka kiambote; sobha ua di kutu mu jingindu jé.

Mukumbi ua Mikumbi 8:2

Ngeji ku kuambata hé ngi ku bokuesa mʼonzo ia mamʼetu, eie hé uia ni ku ngi longa; ngeji ku ku bhana kúnua vinhu, vinhu ia dizumba dia mbote ni uálua ua jilomá jami.

Izaía 45:19

Eme ki nga tela maka mu kasuekele, ki nga zuelela koxi a mavu kua vundu, kana; ki nga tangela mbutu ia Jakobo, ngixi: Ngi sotienunu mu kingoho; eme ngi Jihova ngi tanga o kidi, ngi boka ima iaiuka.

Jelemiia 29:13

Mua-nda ku ngi sota, anga mu ngi sanga, kioso ki mu ngi sota ni muẋima uenu uoso ua muvimba.

Kuditenda 3:25

Jihova muthu ua mbote phala ió oso a mu nhenganana muene, mbé o muthu uoso u mu bhindamena.

Matesu 28:9

Talesa-phe, Jezú muène u takananâ, uixi: Nga mi menekena! Anga eza, a mu kuata mu inama, a mu sambela.

Matesu 7:7

Bhinga, nda a ku bhane; sota, nda u sange; ṗhuṗha, nda a ku jikuile.

Loma 8:35

Nanhi-phe ua kà tu batukisa ku henda ia Kristu? Ngongo, inga phaxi, inga izudidiku, inga nzala, inga tuẋi, inga dibhulubhulu, inga xibhata?

Loma 8:39

né o mundu uala ku thandu dietu, né ima iala bhoxi-elele. Né kima dingi kioso-kioso kia di bhange, kana-ku kima ki tena ku tu batukisa ku henda ia Nzambi, iene mua Kristu Jezú.

Ngalásia 4:26

Maji o Jeluzaleme ia diulu-phe fôlo, muene mamʼ etu etu.