Mukumbi ua Mikumbi 1:3 - O Mikanda Ikola

³ Mu ku nuha kiambote, o maji mé ala kota mu ku uabha; o dijina dié, mukuá ni maji ma dizumba mala ku lunduluka; anʼa ilumba kiene kia ku zolela.

Mukumbi ua Mikumbi 1:3 ပူးပေါင်းရင်းမြစ်များ

Jisálamu 133:2

Kia soko ni maji a kuhingisa ungana, a tula mu mútue, hé a mbombela ku muezu, ku muezu ua Alá, a kulumuka muene, hé a bhixila katé mu ngola ia kizuatu kiê. O kudizola ku kala kiki, ku di fuangana

Jisálamu 45:14

Ibhôbho i mu bheka kua muenexi ni izuatu ia makembu; ilumba ni akuâ, o makamba mê, ejila-nê kumoxi.

Makatukilu 33:12

Mozé anga u zuela ni Jihova, uixi: Ua mono, Eie ua ngʼambela, uixi: U bheka mundu iú ku ala kuia; maji kua ngi tangela uoso ua-nda ku mu tuma, ngenda-nê kumoxi. Maji Eie ua ngi tangela, kuma: U muthu nga ku ijiia o dijina; uixi dingi: Ua sange ngalasa ku mesu mami.

Makatukilu 33:19

Uixi: Nga-nda ku bhangesa kuila kuuabha kuami kuoso ku ku bhita ku pholo, hé ngi kola o dijina dia Jihova bhu pholo ié, hé ngi lendukila uoso nga tokala ku mu kuatela henda.

Jisabhu 27:9

Mukua ni maji ni ima ia mazumba ki i tanesa o muẋima, kiene ue o kaiula ka dikamba ki ka tanesa o haxi ia kate.

Ndongixi 7:1

Kota o kufumana kiambote ni uthu, kuindi unguendu ua uabha o dizumba; o kizuua ue kia kúfua kota, o kia kuvuala muthu ndenge.

Mukumbi ua Mikumbi 3:6

Kiki kima kiahʼiki, ki tundila mu kikangalakata kala mufundangala ua dixi, diezala ni uasu ua dizumba, ni ua sumuna ni ua libana ni fufuta ioso i bhana dizumba dia mbote iene mu funa o jingenji?

Mukumbi ua Mikumbi 4:10

Jihenda jé kuuabha kuahi, phangʼiami ia muhatu, tâta! Jihenda jé kuuabha kuabhi, muhatuʼami, tata! Lukuẋi luosuʼulu o henda ié ia beta kota mu kuuabha o vinhu ndenge! O maji mé ma nuha kiengi, ima ioso ia dizumba ndenge!

Mukumbi ua Mikumbi 5:13

Tu matama tuê kala kakisengu ka balasamu ia dizumba, mua mu sabhuka tu isasa tua iangu ia dizumba. O mizumbu iê ia di bhange kala itulu ia jihonga! izunzumuka uasu ua sumuna ia beta kuta kiavulu.

Mukumbi ua Mikumbi 5:5

Anga ngi balumuka mu ku jikuila kazola kami; kienhokio maku mami ma kala mu zunzumuka uasu ua sumuna, o milembu iami iezalesa uasu uambote ua sumuna ku jisabhi ja dibhitu.

Mukumbi ua Mikumbi 6:8

Ahetu a sobha, makuinhi a samanu, ahetu bhu mbandu makuinhi-nake, o ilumba ia mizeletete ku tena ku a tanga.

Izaía 61:3

ni kubhana ngonge kuamba akua-malamba mu Ziione a a zuike izuatu ia makembu bhu kididi kia utôkua, bhu kididi kia malamba a a uese majiʼa kutana; bhu kididi kia kikote kia muẋima a a zuike kizuatu kia diximanu; nda a a luke kuila miẋi ia uiukilu, iòphaphe kua Jihova, phala fuma iê.

Matesu 25:1

Kienhokio Utuminu ua Diulu ua kà di fangana ni kuinhi dia ilumba, ia katula tundeia tuâ, anga i tunda mu kauidila ngà-iala.

Nzuá 12:3

Madiia anga u katula dívala dia nguendu ia nardo ia uabha o dizumba, ia te kiavulu. Anga u uaia inama ia Jezú, u i kondona ni kindemba kiê. Inzo ioso anga izala ni dizumba dia nardo.

II Kolindo 11:2

Nga mi kuatela muene difuba, kala difuba dia mi kuatela Nzambi. Nga mi te iambu, ngandala ku mi bheka kala muhatu ua ujitu, ua monʼa kilumba kua muadi uenu umoxi, muène Kristu.

Filipe 4:18

Kiki-phe ima ioso i mua ngi tumikisa, nga i tambula, eme ngala na-iu kala ia ngi vudila. Ngezala ni imbamba ia ngi bhekela Epafrodito i mua mu tumu na-iu, kifua mukuâ ni dizumba di nuha kiambote, sata i tambulula Nzambi, i mu uabhela kiambote.

Dijingunuinu 14:4

Enhá ene a di bhake ni kuzela, a kambe kudikasanesa ku jiphànda ni ahatu, kuma ala anʼa ndenge. Enhá ene a nhenganana Kambudi, ene a nhunganê kuoso-kuoso ku a di tela. Enhá ene a a sumbu muʼaxaxe ka mundu ua athu mu ngongo, mu kukala ibundu ia kutomona ia bhakuila Nzambi ni Kambudi.