Mikeia 6:15 - O Mikanda Ikola

¹⁵ Ku mábhia ua kà kuna muene, maji kua kà muna-ku kima; ua kà vuka maji, maji o a kudiuaia-phe kua kà a mona; ua kà kâma vinhu, maji ua kà lémbua-phe o vinhu ia kúnua.

Mikeia 6:15 ပူးပေါင်းရင်းမြစ်များ

Jobe 31:8

Kuabhu-phe, eme ngi kune, mukuetu a die; o muiji uami a u vuze muene katé ni jindanji jê bhoxi.

Jelemiia 12:13

A kuu tiliku, a munu minha; a di tutumbisa ngó, maji ka katula-ku kima; idima i mua bhongolola ia mi kuatesa jisonhi, mukonda dia kutema kua njinda ia Jihova.

Ijila 26:16

kuabhu, Eme-phe ue nga-nda ku mʼila kiki; Ngi mi tuluila lenga-suama, ngiia ni uhaxi ua thulu, ni ua munza u bhinga o kuila ujikinisa o mesu, o muenhu uenu uia ni kohoha; o ki mu kuna mbutu, ki mi kala hadi ia ngoho, kuma jinguma ji mi dia-iu.

Ijila 26:20

Nguzu ienu ienda ni kudibota mu kingoho. Oxi ienu ki ibhana dingi o ima iê iambote, o miẋi i mu phapha ku mavu iseluka, kubhana ibundu, lémbue.

Amoji 5:11

Kala kiki, mukonda dia kuila ngadiama mu mu diota kinama, anga mu mu jijidika ku futa lubhaku lua tiliku, mua kà tunga jinzu ja matadi osete maji ki mua kà kalamu; mua kà phapha mábhia ambote a mivide, maji vinhu iê ki mua kà i nua.

Habakuke 3:17

Kuma né-mbe hanji o mufiku ki u tulula, mba ku kala ibundu ku muvide; o ibundu ia mudiva i kala makutu, o mábhia ue a kamba kubhana idima; o jimbudi joso ja kilunga a jʼambata, anga mu ibhanga ioso mu xalʼé ngó sé jingombe;

Sofoniia 1:13

Mukonda dia kiki, mabhata ma enhó a kà ma bhûnda, o jinzu jâ ja kâ muangana. A kà tunga jinzu, maji ka kà zeka-mu; a kà dima mábhia ma mivide, maji hadi ia ngó, vinhu iê ka kà inua.

Ajeu 1:6

Mu kuna nzungule, mu bhongolola idima iòfele; mu dia muene, maji mu lémbua kuikuta; mu nuenu muene, maji dinhota dienu ki di bhu; o kuzuata mu zuatenunu muene, maji mbambi ienu ki ibhu, kuma ki mu tema; ni ió u kalakala, kia tambula o futu iê ku kizuua, u i tambuila mu saku ia kubuka.

Nzuá 4:37

Mbata, mu kiki, Sabhu ia zuela kidi, exi: U kuna o jimbutu uengi, o u bhongolola idima uengi.

Afundixi 6:4

anga a ta ibangu iâ, enda ni kúdia ioso ia sabhuka mu mavu, katé bhu mbambe ia kubhiẋila mu Ngaza; o mua Izalaiele ka xi-mu idima, mba mbudi, mba ngombe, mba bulu.