Mikeia 6:14 - O Mikanda Ikola

¹⁴ Ua kà dia, maji ua kà lémbua kuikuta, o nzala ia kà ta kibuta mʼonzo ié, (moxi dié mua ká kuizala ni sonhi); ku jimbote ji u mona, ua kà kala ngó u muzangi, kubhake kana; o ioso i ua kà bhaka, eme nga kà i bhakula ku xibhata.

Mikeia 6:14 ပူးပေါင်းရင်းမြစ်များ

Izaía 30:6

Muzambu ua iama ku sulu: ku ixi ia mukondo ni jingongo a kàmbata jimbongo jâ a ji tuika ku makunda a tujumenda, umvama uâ a kà u ambatela ku milumba ia jikamelu, aia kubheka ima ioso iii ku athu ka tena ku a bhandulula ni kima, muene Ijitu.

Izaía 65:13

Kala kiki, Jihova Nzambi, uixi: Talesa, jiselevende jami a kà kala mu kudia, enu-phe mua kà tala hadi ni nzala; talesa, jiselevende jami a kà nuá, maji enu-phe mua kà kala ni dinhota: talesa jiselevende jami ja kʼènda ni kutana, maji enu-phe sonhi ja kà mi kuata;

Izaía 9:20

O kia sutunuina ku mbandu ia dilu, nzala ki i bhu, o kia dila ku kiasu, kekuta luua: Kala muthu ua kà dia xitu ia lukuaku luê.

Jelemiia 48:44

Uoso u lenga ku uoma, ua kà di bhala mu dikungu; o ió u tunda mu dikungu, ua kà fua bhu dibhebhe; mukonda nga-nda kubheka ku thandu dié, ku thandu dia Mouabhe, o muvu uê ua ku mu zungila, Jihova ua ki tange.

Izekiiele 5:12

Mbandu ié ia katatu ia-nda kúfua ku dibhebhu, anga momuʼé aia ni kujikinina ku nzala; o mbandu ia mukuá ia-nda kuia ni kúfua ku xibhata mu jimbandu jé; o mbandu ia mukuá nga-nda ku i muangena mu itembue ioso anga ngi fomona o xibhata mu kizu ni ii ni ku a kaiela kuema diâ.

Hozeia 4:10

O mundu kudia, a dia, maji a kà lémbua kuikuta; a kà di bhakula muene mu kubhanga undumbu, maji ka tena kusokoloka; mukonda a ditunu kusuua Jihova, ni ku mu bheza.

Ijila 26:26

O kioso eme ki nga-nda ku mi sondolola o huta ia kúdia, bhuala-phe o kuinhi dia muhatu mbolo iâ a i kangela forno iâ imoxi, anga i bhinga ku i uanena ku pezo; bhenhobho-phe o ki mudia ki muikuta.

Ajeu 1:6

Mu kuna nzungule, mu bhongolola idima iòfele; mu dia muene, maji mu lémbua kuikuta; mu nuenu muene, maji dinhota dienu ki di bhu; o kuzuata mu zuatenunu muene, maji mbambi ienu ki ibhu, kuma ki mu tema; ni ió u kalakala, kia tambula o futu iê ku kizuua, u i tambuila mu saku ia kubuka.

Ajeu 2:16

Kiabhiti thembu ienhoio, kuiza muthu bhu kididi kia idima, mu ku sanga-bhu makuinhi aiadi a nzongo, u sange-bhu ngó dikuinhi; o kia tula bhu kididi kia kukamena vinhu phala kukatula-bhu makuinhi a tanu, u sange-bhu ngó makuinhi a iadi.