Mikeia 5:4 - O Mikanda Ikola

⁴ Muene anga ua kà nangenena, ifuẋi anga ua kà inga mu nguzu ia Jihova ni mu ungana ua dijina dia Jihova Nzambi iê! Ene uâ a kà kala bhua kondama, mukonda kindala muene ue a kà mu zangeleka katé ku aẋokololo kua suku oxi.

Mikeia 5:4 ပူးပေါင်းရင်းမြစ်များ

Jisálamu 145:12

Phala kufumanesa muaʼaxaxi ka anʼa athu o madiuanu mé ma uzonda, ni kuijidisa o fuma ni kuuabha kua utuminu ué.

Jisálamu 22:27

Katé ku maẋokololo a jixi athu a xinganeke, a vutuke kua Jihova; mbutu joso ja athu, eze a bheze bhu pholo iê.

Jisálamu 72:19

A ximane dijina diê dikola, katé ku hádia ni hádia! o mu ngongo ioso mu izale ni kubenha kuê! Amén! ni Amén!

Jisálamu 72:8

Utuminu uê u tunda ku musanza katé ku musanza ua mukuá, mbambe o ngiji ia dikota katé ku maẋokololo maʼxi.

Jisálamu 93:1

Jihova ua hingi ungana uê! Ua zuata kijîngo! Jihova ua zuata, ua di kutu uzonda: ixi ua i kuatesa bhu kididi kiê, ka tena ku i sendumuna.

Jisálamu 98:3

Ua xinganeka o henda iê ni kidi kiê, mu kutambula konda ia dibhata dia Izalaiele; katé ku maẋokololo a jixi, uzonda ua Nzambi ietu a u mono.

Makatukilu 23:21

Di tumienu-nê kiambote, mu ivue dízui diê; kana ku mu xibhaka, kuma kà ẋikina ku mi loloka o kubhukumuka kuenu; mukonda o dijina diami diala mua muene.

Izaía 45:22

Talenu kokuami, nda mu bhuluke, enu mu masukilu oso kua sukaʼxi; mbata eme-muène ngi Nzambi, ki kuene nzambi iengi.

Izaía 49:5

Kiki-phe, Jihova, ua ngʼumbile ki ngala hanji mu mala, phala kukala selevende iê, uixi: Ngi bhekele dingi Jakobo, uize-nê bhabha; maji o Izalaiele-phe ka diehela ku mu bhongolola; maji-phe bhu pholo ia Nzambi a kà ngi jingisa, Nzambi iami muene uà kala nguzu iami.

Izaía 52:10

Jihova ua funha lukuaku luê lu kôla bhu pholo ia ifuẋi ioso; o maẋokololo moso maʼxi ma-ndu mona ubhulukilu ua tundu kua Nzambi ietu.

Izaía 52:13

Talesa, Selevende iami ua-nda ku kalakala ni unjimu; a-nda ku mu zangeleka anga u banda ditala dia kota dia kijingo.

Izaía 8:7

mukonda dia kiki, Jihova ua-nda kubheka ku thandu diâ menha ma ngiji, ma kunguluka ni kusuina; muene sobha ia Asídia ni kijingu kiê kioso; menhʼama ma-nda ku banda anga mʼezalesa mu mijinga iâ ioso, ma ẋamukina ku ibumu iâ, iene ioso.

Mikeia 7:14

Ni dikoue dié, enda ni kuinga o muiji ué, mukonda kiene o kilunga kia undu-ndu ué, kia tunga kì kia kalé ngó ubheka uê mu ditutu, mu kaxi ka ixi ibhakula kiambote o idima; ua engila mu Basane ni mu Ngiliiade, phala a kà dile mueneʼomo kala mu izuua ia xahulu.

Zakadiia 13:7

Eie xibhata, balumuka u bilukile o Mubidi uami, ni muthu ió ngene-nê kumoxi, mukua kisoko kiami, Jihova dia Ifuẋi ua-lu zuela, uixi: Mubidi mu kuame, nda o jimbudi ji muangane; maji lukuaku luami lua kà lungulukila katé ni ku jindenge.

Zakadiia 9:10

Muene ua kà jikinisa o makalu ma ita mʼoxi ia Ifalaíme, ni jikabalu ja Jeluzaleme; ni mufula ua ita ua kà u bukula ue; Muene nʼa kà tula jingolokela ja paze ni kutululuka ku akua jixi; o utuminu uê ua kà di zala tunde ku musanza katé ku musanza ua mukuá; tunde ku honga ia Ufalate katé kua suku oxi.

Malakiia 1:5

Mesu menu ma-nda ku di muena-kiu, anga muila, muexi; Jihova a mu jingise tunde mu jimbambe joso ja Izalaiele.

Matesu 16:18

Kala kiki, ngi ku ambela dingi, kuma eie Phetele, o bhu ndànji iíi, bhene bhu ngi tunga o Ngeleja iami, o mielu ia Kalunga ki ia kà tena ku i lundumuna.

Matesu 2:6

Eie Beleme, mʼoxi ia Juda, kualʼé ngó u ndenge mu makota a Juda; mbata mó mué muene mua kà tunda o Dikota ua kà kala mubidi ua athu ami a Izalaiele.

Matesu 25:31

Mu kuzubha maka Jezú uixi: Kià keza Monʼa Muthu-phe, ni ungana uê, kumoxi ni ji-anju joso, ua kà xikama ku kialu kiê kia ungana.

Luka 1:32

Muène uandu kala kota dia muthu, a kà mu ixana Monʼa Nzambi ia Diulu. O Ngana Nzambi ua kà mu bhanga Sobha, kala kia kexile tatʼâ Davidi mu xahulu.

Nzuá 10:38

Maji se iene muene i ngene kubhanga, né kiá ki mu ngi xikana eme, xikanenu kiá ngoho o ikalakalu i ngene mù bhanga, phala mu kʼijiie tunde lelu té ku hádia kuma Tata uene mo-muami, eme ngene mua Tata.

Nzuá 20:17

Jezú u mu ambela, uixi: Ku ngi kuate; kuma ki ngi bande luua kua Tata iami. Ndé-phe ku jiphange jami kà ambele kuma eme nga-nda kubanda kua Tata iami, kua Tata ienu; kua Nzambi iami, kua Nzambi ienu.

Efezo 1:3

Tu ximane Nzambi, Tata ia Ngana ietu Jezú Kristu! Mukonda ua tu benzela mua Kristu ni ku tu bhana o mabesá moso ma nzumbi, ku ididi ia diulu.

I Phetele 1:5

O mabesá enʼiâ phala enu oso mu kutena kua Nzambi, a mi lange mu kuxikana, ni mu kukinga o kubhulukʼ oko kua-ndù tukuluka mu kithangana kia kà suka-ku.

Juda 1:1

Eme Juda, mubhika ua Jezú Kristu, phange ia Tiiaku, nga sonekena ió oso a exana kuata Nzambi, ata mu henda ia Nzambi Tata, ia ata ku a tanga kuata Jezú Kristu.

Dijingunuinu 11:15

Anju ia kasambuadi anga u xika o koloneta iê. Hé kukala mazui a makota mu diulu, exi: Kiki o Utuminu ua jixi mu ngongo, ua biluka Utuminu ua Ngana ietu, ni ua Kristu iê. Muène kiá ua kà tumina katé ku hàdia ni hàdia!