Mikeia 2:8 - O Mikanda Ikola

⁸ Kindalʼiki akua muiji uami a balumuka mu ku lunguluka mukuâ ni nguma; iú ua kexile mu kubhita njila ié o thanga a mu bhûndu-iu, edi kala mala ala kutunda ku ita.

Mikeia 2:8 ပူးပေါင်းရင်းမြစ်များ

II Samuuele 20:19

Eme nga tokala ku athu abatama, akua kitongola mua Izalaiele; eie ua-lu sota ku buidisa mbonge ia di bhanga kivuadi mua Izalaiele. Phalahi ua bhindamena kusengulula, ni kuminha undundu uangene ua Jihova?

Jisálamu 55:20

Muenhó ua zengela maku mê ku akuá a kexe-nê kiambote; o kikutu kia ukamba ua ki fukula.

Izaía 9:21

Manasa ni Ifalaimi, Ifalaimi ni Manasa, kiiadi kiâ a balukila Juda; ku ima iosuʼiii-phe, njinda iê ki bhene bhu ia suku, maji hanji kia sunununa o lukuaku luê.

Jelemiia 12:8

Undundu uami ngi u kita hoji iala mu kitumba: o kia ngi zuminʼokio kiene ki nga mu zembela.

Mikeia 3:2

Enu mua dizemba ni kubhanga o mbote anga mu dizola ni kubhanga kiaiibha, akua muiji uami mu a kalumuna o kikonda ku kanga ni xitu mʼoxi ku thandu dia ifuba iâ.

Mikeia 3:3

Anga o xitu iâ mu i dia, kikonda kiâ mu ki kalumuna, ifuba iâ mu i bula mu ibhasu-ibhasu, anga mu a uanauana ku jithumba-jithumba, kala kia bhanga xitu ia kulamba mu ímbia ia dikota.

Mikeia 7:2

Athu akua kubhanga o mbote mu ngongo a jimuka-mu, o ua iuka muʼaxaxe ka athu ka moneka dingi; enhoso aia ni kubatamena phala kubhubhisa manhinga, muthu uia ni kutomba phangʼié ni uanda.

Mikeia 7:3

Maku mâ a beta kuijiia kubhanga ni uhete o ima iaiibha; ni monʼa ngana u jiza ni ku tokuesa; o mufundixi u lengulukila kubatuila kuoso kua tena kutambula futu; o kota-dia-ngana mu kuzuela, o luimbi lua mu kala moxi diê ka lu sueka dingi; kienhiki ene oso anga a kala ngó akua kubhanga kavuanza.