Matesu 9:4 - O Mikanda Ikola

⁴ Jezú kuma uejiia mabanzelu mâ, uixi: Phala-hi muala mu xinganeka kiaiibha mu miẋima ienu?

Matesu 9:4 ပူးပေါင်းရင်းမြစ်များ

Jisálamu 139:2

Ua ngʼijila ni kuxikama kuami ni kubalumuka, o ilunji iami ni mu kanga muná ia ku jimbulukila kiá.

Jisálamu 44:21

Manhi o Nzambi u kamba ku ki ijiia, Se muene muène uejiia o ikutu ioso ia muẋima ua muthu?

Izekiiele 38:10

O Jihova Nzambi uambe kiki: O mu kizuuʼomo kia kà bhita kuila o ku muẋima ué ua kà kala ni ixinganeku, hé ua kà funha kima kia ibha.

Matesu 12:25

Jezú-phe kuma uejiia ioso iala kubanza, uixi: Kilômbo kioso kia sobha se kia di balukila ene mudiâ, kindala ki muangana; mba sanzala ioso, mba dibhata, se a di balukila ene mudiâ, dibhata diodio ki di tungu.

Marku 12:15

Muène-phe kuma uejiia o makutuʼa, uixi: Mu ngi bhombela-hi, phala ku ngi kuata mu kizuelu kiami eme-muène? Ngi tambuisienu denádia, ngi di mone.

Marku 2:8

Kithanganʼokio Jezú kuma uevu ku muẋima ué ioso iala mu banza ene, uixi: Enu mu xinganekena-hi kienhókio?

Luka 11:17

Maji, Jezú-phe, kuma uejiia o ixinganeku iâ, uixi: O mundu ua sobha se ua di balukila ene mudiâ, ku ibuka-ibuka, ixi iê ia-nda kumuangana. Akua dibhata dimoxi ue, se a di balukila, hé enda ni ku di kuata-kuata ene mudiâ, dibhata diodio di senguluka.

Luka 5:22

Jezú-phe kievu o kulongolola kua miẋima iâ, u a vutuila, uixi: Jiphata jahi, ji mua kuata ku miẋima ienu?

Luka 6:8

Muène-phe kuma uejiia kiambote o ixinganeku iâ, u ambela o muthu ua kukuta o lúkuaku, uixi: Balumuka, uimane hanji bhu ʼaxaxiʼabha. Muène anga u balumuka, hé uimana.

Luka 7:40

Jezú anga u mu kumbulula, uixi: Ximá, nga mesena ku ku tela tumaka.

Nzuá 16:19

Jezú anga u mona kuma ene andala ku mu ibhudisa, uixi: Eme nga zuela, ngixi: Kua kambe ngó kathangana enu ki mua-nda ku ngi mona dingi, maji kathangana keneʼoko ki ka zubha o kubhita, mu ngi mona dingi lua mukuá. Ki ienhiʼíi i muala ku dʼibhula mudienu?

Nzuá 16:30

Kiki tua kʼijiia kiá, kuma eie Ngana uejiia ima ioso, ku bhingi muthu u kuibhula. Mukonda dia kiki, tua ku xikana kuma eie ua tundu kua Nzambi.

Nzuá 21:17

Anga u mu ambela lua katatu, uixi: Ximá, monʼ a Jona, eie ua ngi zola? Phetele anga u kenanana, mukonda tatu kiá ni ku mu ibhula: Eie ua ngi zola? Anga uitaia, uixi: Ngana, eie uejiia ima ioso, ua kʼijiia kuma eme nga ku zola! Kuala Jezú: Disa jimbudi jami.

Nzuá 6:61

Jezú-phe kia kʼijiia moxi diê sé muthu ku mu tangela, kuma jixibulu ja longolola makʼ ama, ua jʼ ambela, uixi: Kífua enu uenu muandala mu ngi xa, mukonda dia makʼ ama, kuambe?

Nzuá 6:64

Maji o muʼaxaxe kenu-phe, sai-mu ni iá ka xikana. (Mukonda Jezú, ua kʼijiia tunde ku dimatekenu, oso a kambe kuxikana, ua kʼijiia ue uoso ua-nda ku mu sumbisa).

Jipoxolo 5:9

Phetele ua mu vutuila, uixi: Mukonda diahi eie ni muadi ué mua di longesa kubhumina o Nzumbi ia Ngana? Ivua bhu kanga o mixindu ia minzangala ió endele kufûnda munumiʼ é, eie ue anda ku ku ambata.

Dijingunuinu 2:23

Anʼê ngʼa jibha ni dibhebhu, Jingeleja joso anga jʼijiie kuma ememuène ngi tungula o jihânji ni miẋima ia athu. Hinu enu oso ngi mi uanena o futu ioso ia tokala mu imbamba ienu i mu bhanga.