Matesu 9:30 - O Mikanda Ikola

³⁰ O mesu mâ anga ma jikuka. Jezú anga u a tendelela, uixi: Alukenu, ki mu kʼijidise muthu.

Matesu 9:30 ပူးပေါင်းရင်းမြစ်များ

Jisálamu 146:8

Jihova u jikula o mesu a ifofo; Jihova u bhetula ió a zeka bhoxi; Jihova u zola ió aiuka.

Izaía 35:5

Bhenhobho-phe o mesu a ifofo a kà jikuka, ni mátui a maxilu a kà xitunuka.

Izaía 42:7

Phala u tonese o mesu a ifofo, ni ku jituna oso a a kuika, ni ku katula muʼaleia oso-a xikama mu kitombe.

Izaía 52:13

Talesa, Selevende iami ua-nda ku kalakala ni unjimu; a-nda ku mu zangeleka anga u banda ditala dia kota dia kijingo.

Matesu 12:16

U kala-phe mu ku a tendelela kuila ka mu fumanese;

Matesu 17:9

Kia kala mú kulumuka mu mulundu, Jezú u a tuma, uixi: Kisuma kiki ki mu ki tangele muthu, katé kia kà fukunuka Monʼa Muthu ku madifundu.

Matesu 8:4

Jezú anga u mu ambela, uixi: Aiuka, kana ku ki tangela muthu. Ndeie-phe, ua kà di tukuluile kua nganga, mbé ua kà bhane ujitu ua tumu Mozé, phala a ki tambule umbangi kuila eie ua disanze.

Marku 1:43

Muéne anga u mu kusa, kithanganʼokio, u mu tundisa, uixi:

Marku 3:12

Jezú muene anga nzumbi ja xidi u ji kidika kiavulu phala ka mu tange.

Marku 5:43

Bhenhobho Jezú muene u a kidika kiavulu, uixi: Kana ku ki tanga anga u tuma ku mu bhana kudia.

Luka 5:14

Bhenhobho Jezú u mu ambela, uixi: Kiki ku ki tangele muthu. Maji ndé kua nganga, u mu bhinge kuila a ku kengelele kiambote. Eie nda u bhange kiua o ujitu kala kia tumu Mozé mu Kitumu, mbé o ku dʼidikiza kua ene oso kuila ni kidi muene eie ua di sanze.

Luka 8:56

Tata ni mama avu monʼâ, anga a diuana kiavulu; maji Jezú-phe ua a tendelela kuma kioso kia bhiti, ka ki tangele muthu.