Matesu 9:24 - O Mikanda Ikola

²⁴ Ngenzelienu! Mona kilumba ka-fu, uaii ngó ku kilu! Ene a kuata ku muʼ olela uôua.

Matesu 9:24 ပူးပေါင်းရင်းမြစ်များ

Jobe 12:4

Eme nga di bhange ngi kima ki thathamesa makamba mami; eme nga hingila jinga Nzambi, muene hé u ngʼitaia; kiene muene, mukua kidi ni iú ua iuka, a bhangesa kuthathamana, a kuatesa njinda muene.

Izaía 49:7

Jihova, Mubhuludi ua Izalaiele, Dilemba diê Ukôla, uambela muthu uoso a mu buangidika, a mu zemba kuala o mundu, o mubhika ua atumini, uixi: Muenhó a-nda ku mu balumukina bhu iandu kuala o jisobha, kia mu mona, ni ilamba uê, anga a kà diunda bhu pholo iê, mukonda dia henda ia Jihova, mukua kitongola, Dilemba Dikola dia Izalaiele, muthu ua ku tungula (ua ku sola).

Izaía 53:3

Kia kexi, a mu di tunu, muene o muthu a beta o ku mu tènda ni ku mu sebulula mu athu oso; mukua misusu; muthu uejidila o kutala hadi; uedi kala ió athu a mu bhana jinga dikunda ni ku mu suekela o pholo; kia kexile a mu ehelela, ki bhuala dingi muthu ua mu suu.

Marku 5:40

Anga a mu olela uoua. Muene-phe u a tubhula bhu kanga ene oso, u katula ngo tata ni mama avu kamona ka, ni io oso ueza-nâ, anga u bokona muala o mona.

Luka 8:53

Anga athu a kala ku muʼolela, mukonda a kʼijiia kuma uafu.

Nzuá 11:4

Jezú-phe kia kʼivu, uixi: Kukata kuku, ki kukata kua Lázalu kúfua. Kuku kukata kua kufumanesa Nzambi, mbé Monʼ a Nzambi nʼ a tambule-ku fuma.

Jipoxolo 20:10

Phaulu anga u tuluka, u di sunununa ku thandu diê, u mu bhubhala, uixi: Ki mu tale hadi; muenhu uê iú-uê!

Jipoxolo 9:40

Phetele-phe ua tumu ku a tundisa ene oso, anga u fukama, u samba. Anga u lunguluka kuala o kimbi, uixi: Tabita, balumuka! Muêne anga u tona o mesu, o kia mono Phetele, u bhetuka, hé u xikama.