Matesu 9:23 - O Mikanda Ikola

²³ Kia zubha jezú kubhixila mʼonzo ia kilamba, u sanga akua kuxika jimbendu, ni mundu uoso ala mu bhaka jibuia, uixi:

Matesu 9:23 ပူးပေါင်းရင်းမြစ်များ

II Malunda 35:25

Jelemiia anga u bhanga mimbu ia thambi mu kudila Joziia; o jingimba joso ja mala ni ja ahatu anga a tenda Joziia mu mimbu iâ ia kudila, katé mu kizuua kia lelu. Mbata iòbhane, i kale mu jingonge ja Izalaiele; ni kiki iòsoneke mu madidilu.

Jelemiia 16:6

Ni makota ni jindenge hinu à kʼafua, moxʼumu, o ku a funda ki kuanda ku xikina; ki bhua-nda kukala ku a dila thambi mba ku di sema ku mikutu, mba ku di kolola jindemba ku mútue.

Izekiiele 24:17

Mikemu ié suikika-iu; o athu a fu ku a zuatele ndombe; kutila o dizamba dié ku mútue, o inama ié tá na-iu mu jisabhatu; o pholo ié kana ku i sueka, kua kà die ue o mbolo i ku tumikisa o athu.

Matesu 11:17

Tua mi xikila mimbu ia ubhanga, enu nguenu kukina! Tua mʼ imbila mimbu ia thambi, nguenu ku dila!

Luka 7:32

A di fangana ni anʼa ndenge a xikama bhu ditonokenu, a di tenda mudiâ, exi: Tua mi xikila mimbu ia ubhanga, ki mu xikina kukina! Tuembi mimbu ia thambi, ki mu xikina kudila!

Jipoxolo 20:10

Phaulu anga u tuluka, u di sunununa ku thandu diê, u mu bhubhala, uixi: Ki mu tale hadi; muenhu uê iú-uê!

Jipoxolo 9:39

Phetele anga u katuka, uia-nâ. O kia zubha kutula, a mu bheka mʼ onzo ia thandu. Ahatu a atudi anga a mu kondoloka ni kudila, ni kuidikiza jimbinza ni izuatu iamukuâ, ia a tungila jinga Kasexi, kia kexile-nâ hanji ku muenhu.

Dijingunuinu 18:22

O dízui dia axiki a jimbànza, ni akua mújika, ni axiki a jimbèndu, ni akua jikoloneta, momué nuka dingi a kà dʼívua-mu! Nuka dingi momué mu kala mesene ia ufunu uoso-uoso! Nuka évua-mu ue dingi o kulunguta kua matadi a kuhuhila!