Matesu 9:20 - O Mikanda Ikola

²⁰ Bhu kala-phe muhatu, ua kate kibhubhe kia manhinga, ua kuata nakiu kiá kuinhi dia mivu niʼ iadi. Anga uiza ku dima diê, hé u babata ku muxiku ua kizuatu kiê.

Matesu 9:20 ပူးပေါင်းရင်းမြစ်များ

Matesu 14:36

Ánga a mu dionda phala a mu kuate ngó ku muxiku ua thanga iê. Oso-phe a mu kuata, anga eluka.

Matesu 23:5

Ikalakalu iâ ioso-phe, a i bhangela ngó phala athu ku a mona: Talenu o iẋimbu ia zanze ia Maka ma Nzambi, ia soneka phala ku ita bhu mabhômo ni ku maku! Kengelelenu kioso kia kulu o mixiku ia izuatu iâ!

Matesu 9:19

Jezú anga u balumuka, hé u mu kaiela ni jixibulu jê.

Marku 6:56

Muene bhuoso bhua tula jinga, mu jimbonge ni mu jisanzala, ni ku matutu, jihaxi a ji bheka mu jinzunga, anga a mu dionda kuila a mu kuate ngo ku muxiku ua kizuatu kiê. O oso a mu kuata, anga eluka.

Marku 8:22

Muene anga u bhixila ku Betesáida. Anga a mu bhekela kifuôfo, he a mu dionda ku mu kuata.

Jipoxolo 19:12

Katé se jihaxi a ji bhekela malesu, mba jiponda, ja tundu ku mukutu uê, o haxi nʼa ji babata, o kukata kubhua, o nzumbi jaiibha ji tunda.

Jipoxolo 5:15

Mukonda dia isuma ni madiuanu a bhanga jinga o Jixpoxolo, kia bhangesa katé mundu ambatele jihaxi bhu kanga mu jiluua, a zeka bhu jihama ni bhu mianza, bhu maxisa, phala ki bhita Phetele, imoxi o kizuzumbia kiê ngó ki a tula.

Matendelelu 22:12

O thanga ié ia kudifuta u i ta jifalanja jiuana bhu jithungi.