Matesu 9:2 - O Mikanda Ikola

² Talesa-phe, a mu bhekela diiala dia kate kila, dia zeka bhu hama. Jezú, kia mono kuxikana kuâ, u ambela haxi, uixi: Mona, kuata muanu; ituxi ié iòloloke!

Matesu 9:2 ပူးပေါင်းရင်းမြစ်များ

Ndongixi 9:7

Kala kiki-phe, ndé kà die o kúdia kué ni kusanguluka, o vinhu ié nuá-iu muene ni muẋima ua mbote, kuma ikalakalu ié Nzambi ia mu uabhela.

Izaía 44:22

Ikuma ié ngi i jimuna kala mbundu, o ituxi ié ngi i bhuisa-ku kala dituta: Vutuka kokuami, mbata eme nga ku kula kiá.

Matesu 14:27

Kienhokio-phe Jezú u a zuelesa, uixi: Tululukenu, eme! Ki mu kale ni uôma!

Matesu 4:24

Fuma iê anga i sambuka mu Sídia ioso. Hé a kala ku mu bhekela jihaxi joso, a vulu makukata, ni iá a saluka ni madimonho, ni iá a kate kikonha, ni iá a kate kila; ene oso anga u a saka.

Matesu 6:12

Tu loloke o makongo metu, uila etu ki tu loloka oso a tu dia makongo.

Matesu 8:10

Jezú kia zubha ku kʼ ivua, ua diuana, anga u ambela iá oso a mu kaiela, uixi: Kidi kiene, kuxikana kala kiki, ki nga ku sange luua, né mu Izalaiele!

Matesu 8:16

Kutula mu ngoloxi, a mu bhekela athu avulu a saluka ni madimonho, muène anga uia ni kukaia o madimonho ni kizuelu kimoxi ngó; o jihaxi joso u ji saka.

Matesu 9:22

Jezú-phe u sakuka, hé u mu mona, uixi: Mona, tululuka! Kuxikana kué kua kubhana muenhu. Muhatu anga uiluka tunde kumbi dienhódio.

Matesu 9:5

Kiauabha-bhu ku ki bhanga kiebhi, o kuila: Ituxi ié iòloloke, inga kuila: Balumuka, uende?

Matesu 9:6

Phala enu-phe mu kʼ ijiie kuma monʼ a Muthu uala ni nguzu mu ngongo ia kuloloka ituxi, u ambela o haxi ia kila, uixi: Balumuka, zangula hama ié, uie ku bhata.

Marku 1:32

Mu ngoloxi, kia tula o dikumbi, a mu bhekela jihaxi joso jala kukata, ni ia a saluka ni madimonho.

Marku 10:49

Jezú anga uimana, uixi: Mu ixanienu. Anga exana o kifofo, exi: Ua lungu-é! Balumuka, iu ku ixana!

Marku 5:34

Muene iu ua mu ambela, uixi: Mona, o kuxikana kue, kua ku bhulula. Ndeie ni kutululuka, u di sanze ku uhaxi ue.

Marku 6:50

Kuma ene oso a mu mono, a tukumuka. Muene-phe kithanganʼokio u a zuelesa, uixi: Tululukenu, eme-muene! Ki mu kale ni uoma!

Nzuá 16:33

Nga mi ambela imʼiíi phala enu ki mu kala kumoxi ni eme, mu kale ni kutululuka ko kuami. Mu ngongʼumu mua-ndu kala ni hadi, maji kuatenu-phe muanu, ngongo iíi eme nga i tolola kiá.

Nzuá 2:25

Ka bhingile kuila muthu u tanga mukuâ, mbata muène uejidile kiambote ioso iala kuxinganeka muthu ni muthu.

Nzuá 21:5

Jezú anga ua ambela, uixi: Enu ana, mu kutamba kuenu, mua kuata kama koso-koso? Exi: Kana!

Jipoxolo 14:9

Muenʼ iú anga uivua Phaulu uala kuta maka. Phaulu kia mu edi sûi, ua mu mono kuma uala ni kuxikana kua kuiluka.

Jipoxolo 19:12

Katé se jihaxi a ji bhekela malesu, mba jiponda, ja tundu ku mukutu uê, o haxi nʼa ji babata, o kukata kubhua, o nzumbi jaiibha ji tunda.

Jipoxolo 23:11

Usuku uenʼió Ngana anga u tukulukila Phaulu, hé a mu imanena bhu mbandu iê, uixi: Kolokota! Kala ki ua bhana o umbangi uami mumu mu Jeluzaleme, kiene ue ki ua kà bhana umbangi mu Roma.

Loma 5:11

O kiokio ngó ki kiene, maji ni kiki tua sanguluka mua Nzambi, mukonda dia Ngana ietu Jezú Kristu, ua tena o ku tu bhanga tu makamba ma Nzambi, kuma kua Muène kuene ku tua luulukila.

Tiiaku 2:18

Sai-phe ni muthu uila, uixi: Eie uala ni kuxikana, eme ngala ni ima i ngi bhanga. Ngʼidikize-phe o kuxikana kué kua di kalela sè ima i u bhanga, eme-phe mu ima i ngi bhanga, muene mu ngi ku idikiza o kuxikana kuami.