Matesu 9:17 - O Mikanda Ikola

¹⁷ Athu ue kene kuila a ta vinhu ióbhe mu isudi iòkulu, mbebhu o ibha kubaza, o vinhu anga i texika, ni isudi iene i fua. Vinhu iòbhe-phe a i ta mu isudi iòbhe, iene ioso anga i di bhaka kiambote.

Matesu 9:17 ပူးပေါင်းရင်းမြစ်များ

Jobe 32:19

Mu mala mua ngi nane kala vinhu ia ubhe ia kambe kididi bhu tundila o mulenge, mukuâ ni itabhu ia ubhe ia-nda baza!

Jisálamu 119:83

Mbata nga di bhange kala mbinda ia kibha, ia nhiengena bhu dixi; maji ku kaiula ké, ki nga jimbi-ku.

Matesu 9:16

Kana muthu u banda ni kithethele kia ubhe ku kizuatu kiokulu. Mbata o kithethele kia ubhe kia tokala kubanda, ki nomona dingi ku kizuatu kiòkulu, o kutanduka hé kuvula dingi kiengi.

Matesu 9:18

Kia kexile hanji mu ku a zuelela imʼ iii, bhenhobho bhu tula kota dia muthu, u mu sambela, uixi: Monʼ ami ua muhatu ua-fu muene kindalʼ iki! Izá-phe u mu tule lúkuaku, a kale dingi ni muenhu.

Marku 2:22

Kana muthu ue u ta vinhu ia uisu mu isudi iokulu; se u ki bhanga, o ibha iokulu i baza, o vinhu anga i texika, ni isudi iene izangiua. Kiene kia bhekesa kuila o vinhu ia uisu-phe a i ta mu isudi iobhe.

Luka 5:37

Kana muthu ue u ta vinhu iòbhe mu isudi iòkulu; o ki ela a ki bhanga, o vinhu iòbhe i bazesa isudi, ni vinhu-phe i texika, ni iene isudi i-fua.

Luka 5:38

Vinhu iòbhe-phe kikale a i ta mu isudi iòbhe.

Josuué 9:4

abhanga-bhu ue ndunge; a di bhangesa kala jiphunga jókatule, anga aia, a longela jisaku jòkulu ku kunda dia jibulu jâ, ni isudi iòkulu ia vinhu, iabaze kiá, iòbande;