Matesu 9:16 - O Mikanda Ikola

¹⁶ Kana muthu u banda ni kithethele kia ubhe ku kizuatu kiokulu. Mbata o kithethele kia ubhe kia tokala kubanda, ki nomona dingi ku kizuatu kiòkulu, o kutanduka hé kuvula dingi kiengi.

Matesu 9:16 ပူးပေါင်းရင်းမြစ်များ

Dimatekenu 33:14

Tuamenʼé, ngana iami, bhu pholo ia selevende ié, eme ngi thothe kimuanu, ngi fikise mu uendelu ua ibhaku i ngʼambata, ni mu uendelu ua anandenge, katé ki ngi bhiẋila kua ngana iami ku Seíle.

Jisálamu 125:3

Mukonda o mbasá iâ ia usuéia ki i tula ku kibatu kiangene kia athuʼê aiuka; kuiengesa kuila ni ió uaiuka imoxi u zenga o lukuaku mu bhanga kima kiaiibha.

Izaía 40:11

O kilunga kiê, ua kà ki disa kala mubidi; O tumbudi ua kà tu ongeka bhu maku, hé u tu akata bhu jihata jê; o joso javuala, muene u ji endesa kilendu.

Matesu 9:15

Jezú anga u ambela, uixi: Kífua anʼ a sala ia ubhanga a tena kukala ni mukondo kiosuʼ iki ki ala ni nga-iala? Izuua iiʼ iiza-phe, nga-iala a-nda ku a tambula-nê; kiene kiua ki ejiia kujila.

Matesu 9:17

Athu ue kene kuila a ta vinhu ióbhe mu isudi iòkulu, mbebhu o ibha kubaza, o vinhu anga i texika, ni isudi iene i fua. Vinhu iòbhe-phe a i ta mu isudi iòbhe, iene ioso anga i di bhaka kiambote.

Marku 2:21

Kana muthu u banda kitetele kiòbhe ku dikoza diokulu. Se u ki bhanga, o kitetele kiôbhe kiambe kuxita dizungu, ki kianda ku di xibha; kiene ki nomona ku dikoza, anga di tanduka dingi kiaiibha.

Luka 5:36

Anga ua tela kifika, uixi: Kana muthu u tandula kibanji ku mulele uobhe, nʼa ki te ku mulele Uòkulu; o kiela u ki bhanga, mulele uobhe ua u zange, kuma o kibanji kiobhe, ku mulele Uokulu, ki kia fuama-ku.

Nzuá 16:12

Ngala hanji ni ima iavulu ia ku mi ambela, maji enu-phe ki mu tena luua ku ívua.

I Kolindo 13:13

Uila kiki, ima ia xalela-ku o kuxikana, o kudielela, o henda, kitatu kiâ. Kiala-bhu-phe kota, o henda.

II Kolindo 9:12

Kuma o kiki ki muala kubhangʼiki, ki ki bhandulula ngó o mundu ua Nzambi ua bhindama, maji ki bhekela ene kuximana kiavulu Nzambi.