Matesu 9:15 - O Mikanda Ikola

¹⁵ Jezú anga u ambela, uixi: Kífua anʼ a sala ia ubhanga a tena kukala ni mukondo kiosuʼ iki ki ala ni nga-iala? Izuua iiʼ iiza-phe, nga-iala a-nda ku a tambula-nê; kiene kiua ki ejiia kujila.

Matesu 9:15 ပူးပေါင်းရင်းမြစ်များ

Izaía 22:12

O Jihova phe, Jihova dia Ilômbo Ieta, mu kizuua kiná ua kà mʼixanena kudila, ni kuta jingololo, ni dikongelu dia mítue, ni kuzuata jisaku.

Matesu 9:14

Jixibulu ja Nzuá anga jiza kua muène, exi: Phala-hi etu ni jifalizeu tuene mu jila luavulu, o jixibulu jé-phe, kene kujila?

Matesu 9:16

Kana muthu u banda ni kithethele kia ubhe ku kizuatu kiokulu. Mbata o kithethele kia ubhe kia tokala kubanda, ki nomona dingi ku kizuatu kiòkulu, o kutanduka hé kuvula dingi kiengi.

Marku 2:19

Jezú anga ua ambela, uixi: Kífua enu mua fika kuila anʼa sala ia ukaza, a jila kioso ki ala hanji ni ʼNa iala? Kithangana ki ala hanji ni ʼNa iala, ki ki xikina kujila.

Marku 2:20

Izuua ií iiza-phe, ʼNa iala, a ka a tambula-nê, kizuuʼokio kiene kia jila.

Luka 17:22

Anga uambela jixibulu jê, uixi: Hádia kua-nda kuiza izuua, mua kà inda ku mona kizuua kimoxi ku izuua ia Monʼa Muthu, maji ki mu i mono.

Luka 5:34

Jezú anga ua ambela, uixi: Kífua anʼa sala ia ukaza mu tena ku a fudisa kúdia ni kúnua, kioso o dibhanga hanji aia-nê mu ʼaxaxe kâ? Nga fika ki ki xikina.

Luka 5:35

Sai-phe izuua, ia-nda kuizaku, i bhinga o dibhanga a mu katula mu ʼaxaxe kâ; izuuʼoio-phe kiene kià ka fula kúdia ni kúnua.

Nzuá 16:6

Suke mukonda nga mi ambela imʼiíi, miẋima ia mʼizala ni malamba.

Nzuá 3:29

Mu ukaza, uoso uala ni dibhanga, muène nga-iala. Dikamba-phe dia ngaiala, ua mu imanena ngó ni ku mu ívua, u sanguluka kiavulu, mukonda dia kuívua dízui dia nga-iala. Eme uami ki ngʼ ívua ioso ia-lu bhita, kuene o kuzediua kuami, kua ngi soko.

Jipoxolo 14:23

O kia zubha kunomiiala adiakime a kala ku pholo mu Ngeleja joso, ni kusamba, ni kujila, a a xalesa ni Ngana, uoso a mu xikana.

I Kolindo 7:5

Kiiadi kiâ kana muthu u di tuna mukuá, kikale ngó se kiiadi kienu mua bangana ku ki bhanga mu kithangana, phala mu te miẋima mu kusamba. Kithangana-phe kuila kia bhiti, mu takana dingi kala ki mua mu bhanga kiá, phala Satana ka mi diangule mukonda dia kukamba o nguzu ia ku di langa.

II Kolindo 11:27

Mu kukalakala kuavulu, ni mu kuiokojoka. Nga bhiti ma usuku mavulu sé kuzeka. Ngene kutala hadi luavulu ni nzala, mu kuenda ni mbambi, ni tuẋi.

Dijingunuinu 19:9

Bhenhobho anju anga u ngʼambela, uixi: Kiki soneka-kiu: Azediua oso a exana ku seialu ia ukaza ua Kambudi. Hé u kumuna dingi, uixi: Makʼama mene o maka ma kidi ma Nzambi.

Dijingunuinu 21:2

Anga eme, ngi Nzuá, ngi mona o Mbanza Iangene, Jeluzaleme iòbhe, iala mu tuluka ku diulu. Ia mu tunda kua Nzambi, ia di iudika kiambote, ia kembe mukuâ ni dibhanga dia kembela kuia mu kutakanesa ni muadi uê.