Matesu 9:13 - O Mikanda Ikola

¹³ Ndenu-phe mu di longe kioso ki kia jimbulula, kuila: Nginda o ku kuatela mukuenu henda, ki ngindi sata; kuma eme ki ngeza mu kuixana athu aiuka, maji akua ituxi.

Matesu 9:13 ပူးပေါင်းရင်းမြစ်များ

Jisabhu 21:3

Kubatula o milonga mu kidi ni kufundisa athu sè katungu, kia beta ku uabhela Jihova, ku mu bhakuila jisata, ndenge.

Hozeia 6:6

Kuma Eme nginda o kukuatela henda, ki ngindi sata; o kuijiia Nzambi ue kota, o kuoha ibhaku ia jisata, ndenge.

Matesu 12:3

Kuala muène: Enu kiluua mu tanga kia bhangele Davidi, muène ni akuá a kexile-nê, kia a kuatele nzala?

Matesu 12:5

Inga mu Kitumu kia Mozé kiluua mu tanga-mu kuila jinganga mu tembulu ji fula o kunhoha mu kizuua kia sábhalu, maji ki ji kala ni kituxi?

Matesu 12:7

Enu se mua kʼijidile kioso ki kia jimbulula mu Mikanda Ikôla, kuila: Nginda o kukuatela mukuenu henda, ki ngindi sata, hinu ki mua tena kulongolola athu a kambe kikuma.

Matesu 19:4

Muène anga ua a vutuila, uixi: Manhi kiluua mu tanga kuma Ió uoso ua a bhanga mu dimatekenu, ua a bhanga diiala ni muhatu?

Matesu 21:42

Kuala Jezú: Enu mbebhu mu Madivulu ma kôla kiluua mu tanga-mu kuila: O ditadi dia ditunu jimesene, diene dia kuatesa bhu thungi, kienhiki kia tundu kua Nzambi, ku mesu metu kisúma?

Matesu 3:2

Dielenu! muehe o ituxi ienu, kuma utuminu ua diulu ua zukama.

Matesu 3:8

Imenu-phe ibundu ia fuama o kudiela.

Matesu 4:17

Tunde mu thembuʼ omo, Jezú u kuata kiá kulonga mundu, ni kuta maka uixi: Dielenu! Kuma utuminu ua diulu, ua zukama!

Marku 12:26

O kia madifundu-phe mba a fukunuka, enu kiluua mu tanga mu divulu dia Mozé? Sai bhuala o maka ma Kisasa, kia mu ambela Nzambi, uixi: Eme ngi Nzambi ia Mbalahamu, Nzambi ia Izake, Nzambi ia Jakobo.

Marku 12:33

O ku mu zola ni muẋima uoso, ni kilunji kioso, ni nguzu ioso, ni kuzola mukuetu kala ki tua di zolo etuʼene, kotʼelele, o jisata joso ja ibhaku ia kuoha ni maujitu engi a kubhakuila Nzambi, ndenge.

Marku 2:17

Jezú kia zubha ku kʼivua, uixi: Athu a disanze ki ene a bhindamena o kimbanda; kikale o jihaxi. Athu ue aiuka, ki ene u ngeza mu ku a exana kudiela, maji akua ituxi.

Luka 10:26

Kuala Jezú: A soneka kiebhi mu Kitumu? Eie uene mù tanga kiebhi?

Luka 19:10

Mukonda Monʼ a Muthu ueza mu kusota ni kubhulula kioso kia jimbidila.

Luka 24:47

Ni kuila ue o Njimbu ia kudiela o ituxi, ni ku i tambuila o muloloko, a i fumanese mu dijina diê mu jixi joso, tunde kiá mu Jeluzaleme.

Luka 5:31

Jezú anga u a vutuila, uixi: Oso a disanze ka bhindamena kimbanda (musaki), a mu bhindamena ió a kate.

Luka 5:32

Eme ki ngeza mú kuixana athu aiuka, ngeza mú kuixana akua-ituxi, nʼa diele ituxi iâ.

Nzuá 10:34

Jezú uixi: Manhi mu Kitumu kienu, ka ki soneka-mu, exi: Nzambi uedi: Enu mu jinzambi?

Jipoxolo 11:18

Ene kia zubha kuivua imʼ iii, phata iabhu. Anga a ximana Nzambi, exi: Manhi ni akua matumbu uâ Nzambi ua a bhana o kudiela, nʼamone o muenhu ki uabhua!

Jipoxolo 2:38

Kuala Phetele: Dielenu, nda a mi batizale enʼ uenu oso, mu dijina dia Jezú Kristu, phala o ituxi ienu a mi loloke-iu, anga mu tambula kua Tata o ujitu ua Nzumbi Ikôla.

Jipoxolo 20:21

Ngʼedikiza jinga ni Jijudé ni Jingeleku, kuma a bhingi kudiela ni kueha o ituxi iâ bhu pholo ia Nzambi, ni kuxikana kua Ngana ietu Jezú Kristu.

Jipoxolo 3:19

Enu-phe dielenu, muenhu uenu u biluke, mu vutuke kua Nzambi, o muène ituxi ienu phala a mi jimune-iu.

Jipoxolo 5:31

Maji o muenʼiú Nzambi ua mu zangeleka, iú ua mu tula ku lúkuaku luê lua dilu, mu kukala Musonguedi ni Mubhuludi. Muène ua ki bhange phala kubhana Izalaiele o kithangana kia kudiela, ni kutambula o muloloko ua ituxi iê.

II Phetele 3:9

Ngana kala ni kaxixi mu kubhitisa kizuelu kiê, uila amoxi ki a mu fika kaxixi. Oko ki kiene, kuma enu-phe a mi xididikila, mukonda muène ka mesena kuila ku kala muthu u texika, mbata ua mesena ene oso eza mu kudiela.