Matesu 9:11 - O Mikanda Ikola

¹¹ Jifalizeu kia ki mono, ambela jixibulu jê, exi: Phala-hi mesene ienu uala kudila kumoxi ni akua kutambula lubhaku ni akua ituxi?

Matesu 9:11 ပူးပေါင်းရင်းမြစ်များ

Izaía 65:5

aia ni ku di ambela mudiâ, exi-phe: Suetuka koko, ku ngi zukame, mukonda eme nga beta kuzela moxi eie ndenge. Enhá a di-bhange dixi mu mazulu mami, edi kala túbhia tua uama kumbi dioso dia kambàmba.

Matesu 11:19

Monʼa Muthu-phe ueza ni kúdia ni kúnua anga amba, exi: Talenu kidiakhaji, hôlua, kamba dia akua kutambula lubhaku ni akua ituxi. Maji o Unjimu-phe a u tongolola kuala anʼ a Nzambi.

Matesu 5:46

Abha se mu zola ngó a mi zolo enu, mu kala ni kisakidilu kiahi? Manhi ni akua kutambula lubhaku ki kiene kia bhanga?

Matesu 9:10

O muène anga u balumuka, u mu kaiela. O kia xikama mu kúdia mʼ onzo, talesa akua kukobhalala lubhaku avulu ni akua ituxi, eza, hé a xikama ku meza, kumoxi ni jixibulu jê, mʼ onzo ia Matesu.

Marku 2:16

Asoneki-phe ni jifalizeu, kia mu mono kúdia kumoxi ni akua ituxi ni akua kutambula lubhaku, ambela jixibulu jé, exi: Muéne u tena kiebhi kúdia ni kúnua kumoxi ni akua kutambula lubhaku ni akua ituxi?

Luka 19:7

Ene oso-phe kia ki mono, a kala mù fueta-fueta, exi: Ialʼú uaii mù di langeka mʼ onzo ia mukua ituxi!

Luka 5:30

Bhenhobho, jifalizeu-phe ni asoneki a mu longolola, hé ambela jixibulu jê exi: Phala-hi muia mu kúdia ni kúnua kumoxi ni akua kutambula o lubhaku ni akua ituxi?

Jipoxolo 11:3

exi: Eie ua bokona, iá a ku langeka mʼ onzo ia akua matumbu, ka a saie, katé uadi-nâ ue kumoxi!

Ngalásia 2:15

Etu a tu vuala tu Jijudé, ki tuala tu akua ituxi kala o matumbu, ki Jijudé. Maji-phe tua kʼ ijiia ue kuila muthu ka tena kulungila mu kubhanga imbamba ia Kitumu, kikale u lungila mu kuxikana Jezú Kristu.

Jihebeleu 5:2

Kuma muène ue ua zuata dibhuilu, u tena kulendukila ió a tobho, ni oso a jimbidila, a di bhale mu kutondala.

II Nzuá 1:10

Muthu uoso-uoso u mi sanga, hé u mi bhekela ulongelu uengi, o ua Kristu ki uene, muthu ió kana ku mu tambulula mʼ onzo jenu, kana ue ku mu menekena, muixi: O paze i kale ni eie.