Matesu 8:4 - O Mikanda Ikola

⁴ Jezú anga u mu ambela, uixi: Aiuka, kana ku ki tangela muthu. Ndeie-phe, ua kà di tukuluile kua nganga, mbé ua kà bhane ujitu ua tumu Mozé, phala a ki tambule umbangi kuila eie ua disanze.

Matesu 8:4 ပူးပေါင်းရင်းမြစ်များ

Izaía 42:21

Jihova ua mu zolela ngó mukonda dia henda ia kuiuka kuê; ua mu jingisila ku kitumu, iú ua mu fumanesa.

Ijila 13:49

o jidinha jóleke ngó, mba thanga iótunge kiá, mba kima kiʼókalakale ni ibha, anga u i mona ia kondoka, hé i kituka kiangu kia uisu mba ikusuluka, diódio-phe dibaka dia dibhute dia tula-ku, idikizenu-iu kua nganga.

Matesu 10:18

Katé muene ni bhu pholo ia jinguvulu ni enexi a kà mi bheka-bhu mukonda diami, mu ku a bhana o umbangi ua Njimbu Iambote, ni ene ni akua jixi jengi.

Matesu 16:20

Behnhobho Jezú anga u tendelela jixibulu kuila ki ji tangele muthu kuamba Jezú muene Kristu.

Matesu 17:9

Kia kala mú kulumuka mu mulundu, Jezú u a tuma, uixi: Kisuma kiki ki mu ki tangele muthu, katé kia kà fukunuka Monʼa Muthu ku madifundu.

Matesu 3:15

Jezú-phe u mu vutuila, uixi: Ngehele hanji kiosuʼiki; kuma kiene kia tu fuama kubhanga, mu ku kumbidila ioso iaiuka. Bhenhobho Nzuá ua mu ehela.

Matesu 5:17

Ki mu fike kuma eme ngeza mu bhuisa-ku o Kitumu kia Mozé mba o ulongelu ua misèsedi. Eme ki ngeza mu i bhuisa, maji ngeza mu ku i tenesa.

Matesu 6:1

Alukenu, ki mu bhange jimbote jenu bhu pholo ia athu, phala ene ku mi mona. Mbata se kiene ki mua ki bhangela, kana-ku kisakidilu kua Tata ienu uene mu diulu.

Matesu 9:30

O mesu mâ anga ma jikuka. Jezú anga u a tendelela, uixi: Alukenu, ki mu kʼijidise muthu.

Marku 13:9

Enu-phe di langienu! Kuma a ka mi kuta ni ku mi thelekala bhu kionge phala ku mi fundisa, a ka mi beta mu malombe. Mukonda diami a ka mi bheka bhu pholo ia jinguvulu ni enexi, enu he mua ka a tudila o Njimbu Iambote, mu ku a bhana umbangi.

Marku 3:12

Jezú muene anga nzumbi ja xidi u ji kidika kiavulu phala ka mu tange.

Marku 5:43

Bhenhobho Jezú muene u a kidika kiavulu, uixi: Kana ku ki tanga anga u tuma ku mu bhana kudia.

Marku 6:11

Bhuoso-phe bhua kamba ku mi tambulula, ni ku mʼívua, ki mu tunda-bhu mu a kukumuina fufuta ia mi naminina ku inama, mu ku a bhana umbangi ua kuela kua. Kidi kiene ngi mi ambela, kuma akua Sodoma ni Ngomola a ka beta ku a lendukila mu kizuua kia kufundisa, akua kididi kiokio kana.

Marku 7:36

Muene anga u a tendelela kuma ka ki tangele muthu; ene-phe a suina ni ku ki fumanesa.

Marku 8:30

Muene anga u a tendelela kuma ka ki tange ku athu.

Marku 9:9

O kia kala mu tuluka ku mulundu, muene ua a tendelela kuma ima ioso ia mono, ka i tangele muthu, kate muene kia ka fukunuka ku ʼalunga.

Luka 17:14

Muène kia a mono, uixi: Ndenu kà dʼ idikisienu ku jinganga, phala ene a mi kengelele kiambote. Akua kikunzu kia katuka mù kuia, o kutula mu njila, eluka.

Luka 21:13

Ima iíi ia-nda ku bhita, phala mu tene kukala mu jimbangi.

Luka 4:41

Athu avulu, madimonho ma tunda mu mikutu iâ ni ku di kola, exi: Eie Ngana, u Monʼa Nzambi! Muène-phe u kala mu ku a bazela, ka ehela kuzuela, mukonda ene a mu ijiia kuma muène Kristu.

Luka 5:14

Bhenhobho Jezú u mu ambela, uixi: Kiki ku ki tangele muthu. Maji ndé kua nganga, u mu bhinge kuila a ku kengelele kiambote. Eie nda u bhange kiua o ujitu kala kia tumu Mozé mu Kitumu, mbé o ku dʼidikiza kua ene oso kuila ni kidi muene eie ua di sanze.

Luka 8:56

Tata ni mama avu monʼâ, anga a diuana kiavulu; maji Jezú-phe ua a tendelela kuma kioso kia bhiti, ka ki tangele muthu.

Luka 9:21

Muène anga u a tuma kuma ka ki tangele muthu.

Nzuá 5:41

Eme ki nga mu sota fuma ku athu. Mukonda enu nga mʼijiia kiambote.

Nzuá 7:18

Uoso u di zuela ue muène, ió ua mu sota ku di fumanesa muène. Maji uoso-phe u sota kufumanesa ió ua mu tumu, muenhó mukua kidi, ku muẋima ue ki kuala makutu.

Nzuá 8:50

Eme ki nga mu sota fuma iami, kana. Sai-ku uoso u i sota, u fundisa mu ku ngi batuila o mulonga uami.