Matesu 8:3 - O Mikanda Ikola

³ Muène anga u sunununa lúkuaku luê, u mu babata, uixi: Nga mesena muene; disanze. Muène anga u disanza muʼ anzanza muenhomo.

Matesu 8:3 ပူးပေါင်းရင်းမြစ်များ

Dimatekenu 1:3

Nzambi anga u zuela, uixi: Kuma kúkie; kuma anga ku zela, ku kala mukengeji.

II Jisobha 5:11

Maji Naamane njinda ia vulu i mu kuata, anga uié, ni kuila, uixi: Tala, eme nga xinganekene kuila: Muene uanda ku tunda, hé uiza, uimana, anga u hingila o dijina dia Jihova Nzambi iê, hé u bhitisa o lukuaku luê bhu kididi, o mukua dibhute anga uiluka.

II Jisobha 5:14

O ki evu kiki, u tuluka mu dikalu u boba lusambuadi mu Njolodá kala kia tange o kizuelu kia muthu ua Nzambi, o xitu iê anga i vutuluka, ila kala xitu ia kamona ka ndenge, hé u di sanza.

Jisálamu 33:9

Kuma muene uazuela ngó, ioso ia di bhange; Kia tumina dingi, ima ioso ia tukuluka.

Makatukilu 4:7

Uixi: Tona dingi kuta lukuaku luê bhu homba. O muene anga u ta dingi lukuaku luê bhu homba; o kia zubha ku lu katula, u tala lua disanze dingi kala xitu jê jamukuá.

Matesu 12:13

Anga u ambela o diiala, uixi: Sunununa o lúkuaku lué. Muène anga u lu sunununa, hé lu di sanza kala o lúkuaku luê luamukuâ.

Marku 1:41

Jezú-phe, kuma henda ia mu kuata, ua sunununa lúkuaku lué, hé u mu babata, uixi: Nga mesena! Ngi ki bhanga muene; disanze!

Marku 4:39

Muene anga u tona, u kidika o kitembu, he u ambela o menha, uixi: Batamenu mu dixibhe! Kitembu anga ki batama, kuma ku kala kutululuka kua nzungule.

Marku 5:41

Anga u kuata o mona mu lukuaku, u mu ambela, uixi: Talita, kumi! Uambe, mu ku ki jimbulula: Kilumba, nga ku tumu kubalumuka!

Marku 7:34

Bhenhobho anga u talesa ku diulu, u di tula muenhu, uixi: Efata, kífua uambe, uixi: Xitunuka!

Marku 9:25

Jezú kia mono bhuala ku di bhongolola mundu, u kidika o nzumbi iabolo, uixi: Eie u nzumbi ia dibubu, ni uxilu, nga ku tumu: Tunda mu mukutu ua mona iu, nuka dingi u mu bokona!

Luka 4:27

Mu Izalaiele ue mua vudile jihaxi ja kikunzu mu izuua ia Elizeu; kana muthu-phe a mu sakele na-kiu, inda a mu sakele Naamane ngó dia mukua Sídia.

Luka 5:13

Jezú anga u sunununa lúkuaku, u mu babata, uixi: Nga mesena muene, disanze. Kithanganʼokio kikunzu kiê kia-bhu.

Luka 7:14

Anga u bhixila hé u kuata ku ditumba. O ió oso a di ambata, anga emana. Uixi-phe: Eie kaiala, nga ku ambela: Balumuka!

Nzuá 11:43

Kia zubha o kuzuela kiki, ua di kola ni dízui dia suina, uixi: Lázalu, tunda ku kanga!

Nzuá 15:24

Eme se nga kambele kubhanga mu ʼaxaxe kâ o ikalakalu iíi, kana muthu luua a i bhanga, keju kala ni kituxi. Maji kala kiki-phe, a i mono, ia a jiji ni ku ngi zemba, ni ku zemba ue Tata iami!

Nzuá 5:21

Mukonda kala Tata kia fukununa afi, hé u a bhana muenhu, kiene ue o Mona u bhana muenhu kua oso a mesena.