Matesu 8:2 - O Mikanda Ikola

² Anga bhu kala ni haxi ia dibhute, u iza u mu sambela, uixi: Ngana, eie se ua mesena, ua ki soko o ku ngi bhana kudisanza.

Matesu 8:2 ပူးပေါင်းရင်းမြစ်များ

II Samuuele 3:39

Eme lelu hanji nga kambe nguzu sumbala a ngʼundu ku ungana; mala enhá, anʼa Zeluia o kuẋinuka kuâ kua ngi bhonzo; Jihova-phe muene u futa o kisuéia, kioso kia tokala mu usuéia uê.

II Jisobha 15:5

Sobha anga a mu kuama kuala Jihova; u kuata dibhute katé mu kizuua kiê kia kúfua, ua kexile kiá mu inzu ia di kexidila. Maji o Jotamu, monʼa sobha, muene ua kexi mu kutumina mu dibhata ni kufundisa o milonga ia athu mu ixi.

II Jisobha 5:1

O Naamane, muadiakime ua Kifuẋi kia masoladi a Sídia, ua kexile muthu ua dikota bhu pholo ia ngana iê; o muene a mu xila kiavulu; mukonda o kokué kuene Jihova kua bhuluila akua Sídia. O muthu muenʼiú hé u kala kindanda, maji mukua dibhute.

II Jisobha 5:27

Kala kiki, o dibhute dia Naamane dia-nda ku ku naminina eie ni mbutu ié katé ku hádia, ni hádia. Hé u tunda kiá ni dibhute bhu pholo ia polofeta, uazele ni muene phé kala neve.

Dialuilu 12:10

Dituta anga di zangumuka ku thandu dia balaka; mu kutala-phe, Midiiana ua di bhange mukua dibhute, ua zele mukuâ ni kuzela kua neve; Alá uixi; sui, kua Midiiana, u mu mona uala kiá ni dibhute.

Matesu 10:8

Sakenu jihaxi, fukununenu madifundu, disanzesienu akua dibhute, kaienu madimonho. Mua tambula ngoho, bhanenu ngoho.

Matesu 13:58

Muène bhenhobho ka tenene kukalakala-bhu isumua iavulu, mukonda dia ene kukamba o kuxikana.

Matesu 14:33

Maxibulu oso ala mu bote anga a mu bheza, exi: Kidi kiene, eie u Monʼa Nzambi.

Matesu 15:25

O muhatu-phe uiza, u mu sambela, uixi: Ngana, ngi kudile!

Matesu 18:26

Selevendeʼ oio anga u di bhala, u mbolomoka, uixi: Ngana, ngi kuatele henda, hinu ioso ngi ku fute-iu!

Matesu 2:11

Anga a bokona mʼonzo, hé a sanga kamona ni Madiia mamʼâ; anga adibhala, hé a mu sambela. O kuila a jikula mu imbamba iâ, a mu bhanga ujitu, ni ulu, ni uasu ua dizumba ua libana, ni uamukuá ua sumuna; a mu bhana.

Matesu 20:20

Kienhókio, mamʼa anʼa Zebedeu uiza ni anʼê, anga a mu fukamena, ni ku mu bhinga kima.

Matesu 26:6

Kiki Jezú kia kala mu Betaniia, mʼonzo ia Ximá, mukua dibhute,

Matesu 28:17

O kia mu mono, a mu sambela; amoxi-phe a kala ni jiphata.

Matesu 28:9

Talesa-phe, Jezú muène u takananâ, uixi: Nga mi menekena! Anga eza, a mu kuata mu inama, a mu sambela.

Matesu 4:9

Anga u mu ambela, uixi: Ima ioso iii, ngi ku bhane-iu, se u ngi fukamena eme, ni ku ngi bheza.

Matesu 8:1

Kiki muène kia zubha kukulumuka mu mulundu, ifuẋi iavulu i mu nhenganana.

Matesu 8:25

Maxibulu anga eza kua muène, a mu tonesa, exi: Ngana, tu bhulule, tu fua!

Matesu 9:18

Kia kexile hanji mu ku a zuelela imʼ iii, bhenhobho bhu tula kota dia muthu, u mu sambela, uixi: Monʼ ami ua muhatu ua-fu muene kindalʼ iki! Izá-phe u mu tule lúkuaku, a kale dingi ni muenhu.

Luka 4:27

Mu Izalaiele ue mua vudile jihaxi ja kikunzu mu izuua ia Elizeu; kana muthu-phe a mu sakele na-kiu, inda a mu sakele Naamane ngó dia mukua Sídia.

Nzuá 9:38

Muène, uixi: Ngana, nga xikana. Anga u mu fukamena.

Jipoxolo 10:14

Phetele-phe, uixi: Ki ki xikina, Ngana!—Eme kiluua ngi dia kima kiaiibha mba kiaxidi!

Jipoxolo 10:25

Kia kala Phetele mu kubokona, Koloneliu uia ku mu sangesa, u takana-nê, hé u mu fukamena bhu inama iê u mu bheza.

I Kolindo 14:25

O ikutu ia muẋima uê anga i tukuluka hé ki mu bhangesa kufidimika pholo bhoxi ni kubeza Nzambi, anga u zuela, uixi: Nzambi uala mudienu, ni kidi kiene.

Dijingunuinu 19:10

Eme anga ngi di bhala bhu inama ia anju phala ku mu bheza. Uixi-phe: Kana ku ki bhanga! Eme ue ngi selevende ni mukuenu, nga sokela ni phange jé oso a kuata o umbangi ua kidi kia Jezú. Bheza Nzambi! Kuma o kidi kia umbangi ua Jezú, uene o uanji u bhana huii ku jipolofeta.