Matesu 8:19 - O Mikanda Ikola

¹⁹ Anga kuiza musoneki umoxi, uixi: Mesene, eme ngi ku kaiela kuoso-kuoso ku uia.

Matesu 8:19 ပူးပေါင်းရင်းမြစ်များ

Ejidala 7:6

Ejidale muenhú anga u banda, ua tundu ku Babilónia. Muene anga u kala musoneki ua di longo kiavulu mu kitumu kia Mozé kia bhele Jihova, Nzambi ia Izalaiele. Muene-phe ue, mukonda dia lukuaku lua mbote, lua Jihova Nzambi iê, lua mu kexile ku thandu diê, sobha ua mu bhana ioso muene ia mu bhingile.

Luka 14:33

Kiene ue, uoso mudienu u kamba ku di tuna ima ioso iala na-iu, ka tena kukala xibulu iami.

I Kolindo 1:20

Mu kienʼ iki, o njimu iú kuebhi? Mba uatongoloka uebhi? O ṗhoxi ja kuzuela mu ngongo mumu, a suku bhebhi? Nzambi uene mù kuidikiza kuila o unjimu ua mu ngongo mumu ua di bhange uoua!

I Kolindo 16:6

Manhi-phe mba nga kà bhanga izuua bhu bhata dienu, mba thembu ioso ia mbambi i ngi bhitila bhenhobho, phala mu ngi xinjikile mu njila ioso i nga kà katuka.